تم كتابة هذة التدوينه
ساعدو في القاء التعويذة على هذا النفوخ المنفوخ حكاوي
وغنيت وقالي هو انت ممكن تغنيلي اغنيه عن الحب والهجر
على خلفيت انا هويت وانتهيت للشيخ سيد
...................................................
الاحتياج و التامل و الصمت و قلت النوم
ساعدو في القاء التعويذة على هذا النفوخ المنفوخ حكاوي
كنت من كام يوم بافتح البلوج بتاعتي علشان اكتب تدوينه ومش بلاقي حاجه
اقولها .
لدرجة اني كتبت في مرة " انا سليم " وبس
وماعرفتش اكمل
بس المرة دي ساعدني جدا صوت سيد درويش واغنيه انا هويت
على الكتابة
كنت بسال نفسي الايام اللي فاتت دي ايه الحاله اللي انت عاملها لنفسك دي
هو انت ياض بتحب جديد ولا ايه
حسيت سعتها اني فعلا بحب .. انا بحب الموسيقى اكتر من اي حاجه تاني
صحيح " قلبي بيزغزغ روحه بروحه علشان يمسح من التكشيرة " زي ما قال جاهين
................................................
اكتشفت ان الناس نامت نامت جدا في حاله من التبلد غطت علي النور
بس تعرفو انا مصدق ان الشمس بتطلع كل يوم علشان تثبت ان الحياة لسه ماشيه
ومافيش توقف
اتعلمت كمان اني وانا بساعد حد او بتكلم معاة شويه بي عمق واهتمام
ده بيخليه يحس بي قيمة نفسه وبيساعدة جدا في اكمال المشوار
وبصراحه انا بحس اني رجعت تاني احس بالناس واحبهم
.............................................
انهاردة جالي صديق شاعر من المنطقه بتاعتي
قالي يا شيكو في منتج وياله نعمل لقطه
قولتله ياله نشوفه
روحت فعلا
وغنيت وقالي هو انت ممكن تغنيلي اغنيه عن الحب والهجر
قولتله انت حالا هاتدفع تمن اتنين قهوة بتوعي
ومشيت
الغريب جدا اني ماكنتش حاطط امل عليه
انا بس مصدق فني
رجعت كنت ماشي بغني انا هويت
وبفتكر كل الحجات الحلوة اللي حصلت نجحت جدا في اني ابسط نفسي
............................................
انا دلوقتي بسامح كل الناس اللي غلطو في حقي
وشايف ان المواضيع مش فرص واني مش بتنعم عليهم باني اقولهم انا مش زعلان
انا بس حابب .. الحب في حد ذاته
التدوينه دي لي ورح الشيخ " سيد درويش " والشاعر " محمد يونس القاضي "
اصحاب اغنيه انا هويت
انا هويت يا شيخ سيد
وابتديت
اعشق وشوش الناس
ليست هناك تعليقات:
إرسال تعليق