بحث هذه المدونة الإلكترونية

السبت، 29 سبتمبر 2012

هلوسة من داخل علبة الكبريت

الشيخ وجدي غنيم وغيرة من ولاد دين الكلب الانجاس 
هما اللي بيخربو اللبلد بشكل مباشر 
من خلال استغلال الهيئة الاسلامية
" جلباب وذقن وفوطة على الدماغ ولازم تكون بيضة "
لان الوهابيين بيحبوها كده 
نخش في الموضوع 
اولاد الجمل المتعادة الممله :
انا لا انتمي لاي اتجاة او اي تيار سياسي  .. ودي الجملة المعتادة الايام دي 
عدم الانتماء للفكرة ده في حد ذاتة نهاية علانية للمنطق
 تشبه بالظبط نهاية افلام البورنو " البطل بيجبهم على البطلة ويمشي وهي تمشي "
نخش  في الموضوع اكتر 
* كان في  ثورة 
* حسني مشي 
* المجلس ركب 
* انتخبات مجلس الشعب جابت اسلاميين بنفس المنطق بتاع الحرب الصليبية 
على " اورشليم  .. فلسطين  " ودي كانت  باسم الاله بردو 
والوعد  كان صكوك الغفران  يعني ( اشخري يا انشراح بالصوت الحي )
* المجلس اتحل 
* مرسي ركب على الكرسي الكبير ابو قاعدة " جميلة " 
* المجلس العسكري راح 
* مرسي حالا بيخرف وبينخرب في عقول الناس 
يروح يقول في الامم المتحدة انه حر " طبعا ده معني الخطاب يعني "
و في نفس الوقت ياخد فلوس من البنك الدولي اللي بيجبر اللبلد كلها انها تتزل 
" انه العبث يا سيدي المحترم "
* الاسلاميين بيخرفو وبيكفرو وبيهددو وبيخوفو الخ الخ 
* تقريبا الشخير واجب  وحق مكفول للجميع 
..........................................
رشاد : ايه ياشيكو قلت الادب دي 
محسن : قلت ادب فين ؟؟ انا مش شايف قلت ادب 
السيد سعد : شيكو متعصب 
نجفة : انا هادلعة  حالا 
رشاد : ازي 
نجفة : هافتح العلبة بتاعت المزيكا 
شيكو : بس ياولاد الافاعي سكووووووووووووووووووووووت 


حلمت بيا

مقطع اول : موسيقى خلي  بالك من عقلك " عمر خيرت "
انا كنت واقف في  منتصف شارع وبتلفت في كل اتجاة 
ماكنش في ناس  خالص 
ومن بعيد جدا كان في خيال لكائن بشري مالهوش اي معالم 
بس واضح انه انسان 
انا خوفت اجري  علية لاني مش عارف هو مين .. وكنت خايف  ياذيني 
الغريب هنا اني حتى ما رحتش في اتجاة مختلف عنة فضلت واقف وهو فضل واقف
وفجاة حصل وميض قوي جدا غمضت عيني وفجاة بقى قدامي 
عارفين طلع مين ؟
طلع انا 
لاقيت نفسي قدامي فجاة 
صحيت من الحلم وقررت اكتب التدوينة دي 
..............................................
" وظهرة الاساله دي "
خسرت ايه ومين وليه 
كسبت ايه ومين وازي 
ورحت فين وامتى 
سمعت كام حاجه بجد
قولت كام حاجه بصدق 
كدبت كام مرة 
حسيت بروحك كام مرة 
كدبت على روحك كام مرة 
صدقت مين وكدبت مين 
وهل جواك شيئ نظيف 
وليه انت وحيد 
وايه اللي خلاك وحيد
وليه بتقول ديما لنفسك انتحر وماتكملش 
ايه ليه مين وازي وامتي وفين وكام وبــ كام
..........................................
حلمت بيا وانا السؤال الاكيد في عالمي 
انا الاجابة العصبة في عالمك 
انا الحل وعلامة الاستفهام 
هاروح اسمع واكمل يومي لما اشوف في ايه هايحصل 
" موسيقي قضية عم احمد .. عمر خيرت " 
http://www.youtube.com/watch?v=Ter9rtDcctc&feature=related



الخميس، 27 سبتمبر 2012

استمرار

استمرار السير في اتجاة الشمس خلاني اسمراني 
ودمي حامي وعصبي وبزرجن 
لالالالالالا علشان صعيدي 
او اي ابن كلب في مجال العبث 
لقطات من يومي :
*اصحي الصبح اشرب خابور " حشيش "  
*اسمع  منير وجاهين
*اتفرج على فيلم 30 يوم في السجن  
واتخض لما اعرف ان اللي كتب القصة " نجيب الريحاني وبديع خيري "
* اروح اقابل النحاس واشوف نهاد اخت خلود 
* اروح اسكر واتخانق مع كائن خوزعبلي واكتشف اني زي الطور بغيب عن الوعي على انصاف الناس 
*ارجع الكوخ ومعاية سمير وسامح يتصل وييجي 
* اغني كتيرررررر جدا " ماعرفش ليه بغني كتير الايام دي "
*يمشو الصحاب وارجع للوضع الطبيعي لوحدي 
* ادخل على المدونة بتاعت خلود واكتشف  انها كاتبة تدوينا ليا 
*تاثير الخمر بيقولي كلمها .. وشوية المنطق اللي باقين من المافيش في دماغي بيقلولي بلاش ..  "  اصدقهم فعلا وماكلمهاش "
* الاعتراف بالسكر سيد الادله 
* مشهد لم يحدث ولكنة اكيد  .. اقعد على السرير زي الكام يوم اللي فاتو واعمل اغنية جديدة وماغنهاش تاني " هي بتاعت اليوم ده بس "
.............................................................
" فضفضة "
مسكت نفسي جدا وانا بقول  القصيدة الكبيرة بتاعتي لــ  " سمير رمزي " صحبي 
كنت هابكي او بكيت 
القصيدة ام رغي  كتيرررررر وحكي عن كل شيى واي شيى في كل حاجه واي حاجه
القصيدة اللي هاتبقى ديوان قصيدة كبيرررررررررة خالص 
هاحكيني فيها بشكل صريح 
" انا سكران جدا "
المجد للبراندي والحشيش وللحاله اللي مابتجيش بقالها يومين " الاحساس بالوجع "
...................................................
مش مهم اللى حاصل 
بس الاكيد اني واصل
حتى لو مكفوف 
حتى لو بردان في حضن الصوف  
لسه بعرف اشوف 
وبعرف احسن بالالوان 
بس الغريب اني مارجعتش تاني  زي زمان 
ولا كلثوم ولا motzart 
ولا الافلام 
مش مهم 
بس انا ديما مهم 
قصدي مش مهم 
لا مهم وغصب عنك ها زن 
وائن وافن واغني كمان 
وهاضحك 
ماتسالنيش ازي 
مش مهم اللي حاصل 
بس الاكيد اني واصل 
حتى لو مكفوف 
حتى لو سكران وبتطوح كما الصوفي 
كما العاشق ... ساعة غياب الناس 
انا بذات بغنيلك 
مايامة طرح الامل فيكي 
ويامة كتير بخبيكي 
ويامة قولت اه منك
ويامة قولت اه ليكي 
ودي نهاية خطوط السير 
بينزل حد في محطة 
ويفضل حد
وانا قررت ماوجعكيش 
انا نازل 

...................................................

يا صاحب الشعر اللي غير موزون يا انا  " طز "

الأربعاء، 26 سبتمبر 2012

نفس الباب

بعد تشغيل موسيقى " ضمير ابلة حكمت  لـــ  عمر خيرت " 
حبيت استغل التاثير بتاع الموسيقي على روحي وعلى اسلوب كتابتي 
وكمان اختياري للمواضيع والفروع الخارجة منها 
............................................
الشتاء داخل على الابواب ياترئ ايه ممكن يحصل 
نفس باب الاحتمالات 
هل في حاجه هاتتغير ؟
( مصر .. حياتي .. اصحابي )
هل في احتمال ارجع سليم تاني ؟
( احب .. اتحب .. اكسر جدار الوحدة )
عجيب امري بصدق لوحدي حاجه والكل يقولي بلاش هاتقع هاتموت 
وانا افضل ماشي على خط وهمي وكأني ضرير بيصدق الخطوة الجاية وبس 
من كام يوم كده حصل تغير في روحي مش عارف ده علاج ولا وجع ولا توابع زلزال 
بس الاكيد انه تغيير 
اه صحيح بيظهر عليا غصب عني اني حزين .. بس انا زعلان فعلا 
انا مش حديد ومش تراب انا كائن مجنون وبس ممكن يعمل اي حاجه في اي وقت 
وده اصدق شيئ ممكن اقوله على نفسي
مش هانكر ان الانتحار مسيطر عليا 
بس هاقول ممكن شيئ يحصل يقلب موازين الامور 
مشهد اول :
اقابل  بنت بتبص في عني بوضوح .. مابتكدبش ولا بتخون ولا بتبيع وبتخاف عليا 
واعزمها على كباية عصير قصب :) من عند فرغلي واقولها " انا كبيات عصير قصب مليانه ع الاخر بس الناس مابتشربش ... لــــ  بهاء  جاهين "
مشهد تاني : 
ميدو تتحل المشكله بتاعتة ويلاقي شغل محترم .. ومراتة تولد وتجيب بنت زي القمر 
واعمل اغنية ليها :)
مشهد ثالث :
يبقي معاية فلوس  كتيررررررررررر جدا واروح اسكندرية اشرب جوينت فوق
كبري استلي .." لوحدي "
مشهد رابع :
اقعد في الحامدية واشرب كباية القهوة الزيادة بتاعتي 
واشوف خلود ماشية مع حببها المناسب وهي مبتسمة جدا 
مشهد خامس : 
النحاس يتصل بيا ويقولي ياواد يا شيكو انا مسافر فرنسا :)
مشهد سادس " افتراضي ":
اموت صدفة 
...............................................................

الاثنين، 24 سبتمبر 2012

امي

بعد ما قاعدة مع النحاس وسارة وميدو 
وكان يوم جميل 
وفضل جميل 
بس في تفصيله كده حصلت غريبة ..
بلعب في المحفظة بتاعتي ماعرفش ليه
وفجاة شوفت صورة امي 
قلبي كان بينبض بصوت عالي 
من بعد الاجهاد العظيم اللي انا عشتة حسيت اني محتاجها اوي 
وحشاني اوي الست الطيبة دي
مع اني عارف انها مش هايوصلها اي حاجه من العبث ده
بس انا هاحكي ..
يا امي " مي " اتجوزت وفرحانة مع تامر 
وابويا بقى طيب معاية وعماتي لسه زي ما هما اشرار جدا
يا امي انا سعات بحس بالوحدة .. وبخاف جدا 
مابقتش مؤمن بالاله علشان كده مش مصدق انك في الجنة او النار 
انا بس متاكد من حاجه واحدة اني فيا حاجه منك لسه مستمرة جوة روحي 
يمكن تكون هي النور اللي بيهديني لبكرا 
انا اتوجعت اوي يا امي الايام اللي فاتت 
ماعرفتش اعمل اي حاجه غير اني اغني  انا لسه بغني يا امي زي زمان 
بس مابقتش بتكسف 
انتي وحشاني اوي 
http://soundcloud.com/sheko-mind-format/b7plf9hnbjhx

معايه ريال كامل

حق وليس واجب وليس افتعال 
انك تكون شايل هموم غيرك على ظهرك وماشي في بلاد الصمت 
انك تسيب الناس تمشي في طريقها اللي مليان مطبات
السكوت على الغلط بقى واجب شرعي و انساني 
" طبعا ده تبول  على الدماغ "
واي كلام 
موافق انت على اللي بقوله ده  .
السراب 
الحصار 
التفكير 
الصمت 
الوجع 
النوم 
عدم الاحساس 
الخوف من الناس القريبة منك
الالتزام بالخط العربي لاكمال النص الحديث 
................................
جملة متعادة  متطورة 
( ماتسكرش يا شيكو .. اتطورت لـــ ماتسكرش الصبح .. اتطورت لــ سكوت )
( انا بحبك .. انا .. صمت )
( انت اجمل حد في الدنيا يا شيكو ... انت ... شيكو .... انا بحبك )
( انا اسب الدين ... هو يقولي لا يا شيكو ... انا اسب الدين ... هو يقولي ده مش انت .. انا اسب الدين .. انا اقول اسف )
....................................................................
معايه ريال كامل 




http://www.youtube.com/watch?v=yiwNZ3ZPWyk



الأحد، 23 سبتمبر 2012

اعترفات المزمار الموسيقي

" هامش  "
من باب الرد او التعريف او عدم الاستخفاف بالاخر 
لان سب الدين متاح للجميع  وقلت الادب شيئ مفروغ منه وسهل 
لما حد يقول حاجة غلط في حقي وتوصلي قدامي اختيارين 
الاول : اني اسلم بيها واصدق الكلام واستنتج هو الشخص اللي بيتكلم عني غلط ده 
او بيعمل الغلط معاية " ممكن يعمل كده معاية " 
والتاني : اني اساله هو شخصيا ده اذا كان مش كداب وشجاع يعني " وطبعا هاينكر "
هقوله انا وصلني كذا كذا هل ده صح ؟
وهنا ممكن يسكت ومايهتمش باني زعلت 
او ممكن يقول كلام مرسل في المافيش كا نوع من التطفيش والتضبيش 
وانا ابداء اللعن كل تفاصيل الحياة واغضب جدا واشتم واسب وهكذا 
وبعد كام يوم اقول انا ايه اللي عملته ده وايه قلت الاداب دي وليه بيدفعوني الاوغاد للوساخة 
في الاساس انا كائن بيصدق احساسة بس بعد كام موقف من اقرب الناس ليا 
الموضوع حصل فية خلل بقي عندي " اصدق " حاجه و" احساسي " حاجه تاني خالص 
بعد اكتشاف ان احساسي بيطلع غلط كذا مرة 
وبعد اكتشاف ان كائن كان مني فجاة جري بسرعة الريح للشاطئ البعيد جدا 
هو معداش على بحر طبيعي لا ده عدى على بحر رمال .. يعني لو حولت اوصلة هاموت 
انا مش خبير في عمليات المخاطرة دي 
.....................................................
"اعترفات المزمار الموسيقي "
اللي هو انا  
انا بعترف  جدا حالا اني مخنوق جدا وغضبان كمان 
لاني عشت فترة زمانية على رسم بياني غير منتظم 
حاله كده زي مابيقولو غير مستقرة اثرت فيا وفي روحي واستقراري النفسي لحد الان 
الغريب هنا انك تكون انسان مع شوية رعاع مالهمش اي دين ام لازمة 
مش هاقول اسم اي حد لان ده الدرس العظيم اللي  وصل لعقلي المهتك بفعل التفكير 
بس كده بص على الجانب التاني اصحابي دلوقتي قريبين مني 
وكمان في شوية ناس بتلمع دخلو حياتي الايام دي 
بس مش نافع حتى البنت اللي بتنور نقطة الظلام الملعونة في صدري 
مش عارف اقولها خليكي معاية 
انا مش واثق في حد او في اي حاجه
مع اضافة ان في ناس تستحق الثقة ودي جملة جميلة اوي 
بس تعرفهم ازي ؟
اقول انا تعرفهم ازي شوف كده رد فعلهم على كلامك 
وكمان شوف هما بيدوك ايه في الوقت المناسب 
وازي بيتعملو معاك و هل بيقولو كلام عنك مش محترم في ظهرك 
مفضوح جدا انا في التدوينة وعارف ان في ناس بتشمت جدا فيا وحبة اوي شكلي 
وانا غضبان 
انا  عارف من جوة قلبي الصبي 
بس هاقول حاجه بسيطة 
" مافيش اسواء من اللي انا عشتة الايام اللي فاتت "
انا بظن ان دي كانت اسواء مرحلة في حياتي كلها ماتقلش تاثير عن موت حد عزيز 
ويالي بتقول كلام عني بصيغة تهكم قول اكتر واكتر 
فش غلك فيا .. اكرهني كمان 
انا مسامح جدا ومع اني شايف بوضوح قد ايه هما كلاب ... بضحك 
لاني لاول مرة اكتشف اني ممكن اتكلم واصاحب واعيش مع كلاب وللاسف في تفاصيل كمان 
...................................................
انا مش هاقول اكتر من ان انا محظوظ ان عندي شوية ناس طاهرة 
زي " النحاس .. ميدو ... هواري .. كريم ... سمير ... شادي .. سارة .. درة .. شيماء"
الله على اللي حصل فيا حالا اترسمة على وشي ابتسامة :)

السبت، 22 سبتمبر 2012

خطوط

ابداء منين !!
بيحصل معاية الايام حالة من الاستقرار النفسي والسعادة والرضا
مابتقتش بشوف الجانب الاسود من الموضوع 
واكتشفت كمان اني استاهل حجات كتير حلوة 
شبة السموات والبحور والعشق 
مش هاقدر انكر ان احساس الوحدة بيسببلي هلع .. ولكن انا الايام دي اتعلمت احضني كويس 
" في يوم انا سكرت اوي لدرجة اني وقعت على الارض وصحيت تاني يوم وانا نايم على الارض .. سعتها صعبت عليا نفسي وحسيت بالوحدة "
 ودي كانت  اول تجربة علشان احضني 
ومن سعتها وانا بحضن فيا كل ما احس  الوحدة 
انا مرة عزمتني على " ايس كريم " الساعة 6 الصبح وقعدة اغني في شوارع وسط اللبلد
كنت فرحان ومبتسم جدا 
وكمان عرفت ان البنت اللي ظهرة في حياتي من كام يوم .. كانت اشارة من السماء 

انا بحضر ورق ليا وهسافر الكويت .. انا عارف ان الموضوع مش عبقري 
بس بيني وبنكم انا محتاج اروح حتة تاني  فيها ناس تاني بتفكر بطريقة مختلفة 
بتفكر بالهندي " आप कैसे हैं "
على الاقل اجيب فلوس علشان اعرف اكمل حياة 
ايوة صحيح انا مابعرفش اعمل حاجه غير الموسيقى بس هاتعلم وهاجرب 
" انا حاسس اني بعمل حاجه غلط "
اه صحيح ابويا قالي على  بنت من العيلة طيبة وفي البطاطس خالص 
وقالي اني ممكن اخرج معاها ونروح السيما " والجو ده " 
وانا قولتلة ماشي لما نشوف مجايب الحج :D
وكمان عرفت ان الجراج ممكن يتباع وابقى غني واهلس براحتي جدا 
كل الكلام اللي انا قولتة ده خطوط جديدة جوايه 
وانا مصدق ان "  الافضل لم يأتى بعد"

طرطشة

طرطش نور طرطش وغرق الجميع 
طرطش على الحاضر وع الغيبين 
طرطش نورررررررررررررررررر

الجمعة، 21 سبتمبر 2012

رساله

معجزة هذا العصر انك تلاقي الناس كلها مهمومة ومستنين المخلص اللي هاينقذ العالم من الشرور 
بيحصل سعات انك تلاقي حد حوليك عبقري جدا لدرجة انه ممكن يسرقك من حزنك 
" المؤقت " ده اه الحزن شيئ مؤقت يا اولاد الافاعي  مش شيئ مستمر 
زي السعادة بالظبط بس انت بتكشف في الحزن مين منك ومين كلب 
كمان ابعد عن الناس الشريرة بسرعة جدا 
لان الشر بيتوغل فيك منهم 
.........................................................
ارشادات صباحية لونها ابيض .. انا صاحي من النوم مبتسم 
مع اني مفلس ومافطرتش وجعان وكمان الكوخ مليان زباله جدا ومتكركب 
شبهي :D
اه صحيح
امبارح وانا بغنيلك شوفت في عنيكي ضي شبه النيل 
لازم اعترف اني مش دايب فيكي ولا بشتاقلك 
انا بس بحب النظره دي منك 
ممكن يكون كلامي شكلة زفت او مكلكع او واضح لدرجة ال لا انسانية 
بس انا شايف اني لو ماقولتش ده هاتلبيسي في الحيط
انا كنت ممكن اقولك كده سعتها ولكن حسيتك مبسوطة بالاغنيه 
في اعتراف تاني انا كنت هابوسك اصلا بس مسكت نفسي 
ماتتخضيش كده انا قولت  كنت 
وفي طلب تاني خوزعبلي حبتين " ماتطلعيش تاني ليا في الحلم يابنت الاية "
......................................................
اصحابي عندهم مشكلة كبيرة الايام دي مش عارفين يتجمعو تقريبا 
انا الكام يوم اللي كنت بيظان فيهم عملو  عك  في العلاقات الانسانية 

الشفاء

دي الحقيقة عيونك انتي .. انتي يا امي وحببتي .. انا راجع زي زمان طفل في عين الاحزان غلطان انا في العنوان 
" منير "
....................................................
وقع القمر صدفة في كوباية القهوة طرطش على قميصي اللي مالبستهوش لحد دلوقتي 
مع اني صافي اوي ومنكوش اوي 
وديما ديما بغنيلي يغنو الناس عليا واغنلهم يغنولي وساح يابداح جدا
تاني وتالت ومليون   ( كل البشر مساكين ومحتاجين طبطبة )
كل البشر حزانة ومقهورين ومافيش نجاة من اطار الكوكب الملعون 
وعلشان كده برجع لاقرب حد ليا هي  مش موجودة دلوقتي ولكنها موجودة 
امي هي الدرس الكبير اللي برجعلة لما بتعك في الحياة واللخبطة 
ديما  بصدق اي حاجه في اي اتجاة انا كائن موافق اصلا 
احاااااا البشر هما المعجزة الكاملة ازي ما صدقهمش 
وبعدين انا حكيت كتير جدا 
لنسمة وريهام1 و 2  و هبة وسها وشيماء 1 و 2 وخلود وغيرهم كتيررررر
 بس لسه جواية حكاوي اكتر واكتر 
انا اتعريت جسديا قدامهم كلهم مافيش غير كام واحدة بس اللي شافو طراطيف من روحي
انا اكتشفت كده  امبارح بليل اني ما خلتش اي واحده فيهم تشوف كل حاجه فيا 
فيهم اللي اداني حجات حلوة وفيهم اللي كان بيحاول يسرق الجزء الصغير اللي شافة من روحي 
معااااااااااااارك  رهيبة بيني وبنهم وقت النهاية 
بس في الاخر في " سلام " بسم السلام والرحمة ونبضات قلوبهم الطيبة 
اه بقول طيبة 
ماهو انا شايف اني مش ملاك ولا اي كلام من ده انا بس بحاول اعدل الصورة 
صدقني يالي بتقراء  الصورة بتكون احلي وهي معدولة 
زي ما قولت انا كنت بحس ان في نهاية كل علاقة بتحصل حرب 
انا فاكر اخر حرب انا كنت طرف فيها .. كانت هاتتسب في موتي 
بس ربك عدلها " ربك انت " عدلها وانقذني بطريق غير مباشر 
لما كريم جالي للمرة التانية  علشان يثبت انه المنقذ
" مع اضافة ان كل اصحابي كانو بايشين تماما "
وضحك عليا وخلاني اكل بالطريقة 
في تدوينة عندي اسمها " الايام الاخيرة "انا كنت مصدق اي بموت فعلا :)
ولكني مامتش انا لسه صاحي اهو 
انتهت كل المعارك اللي بيني وبين كل البشر من كام يوم كان اخر حد اتصلت بية 
" خلود " وقولتلها يابنتي انا بتمنالك سلام ومش بتمنالك اي شر 
والكلام ده فعلا من جوة قلبي 
.....................................................................
رشاد : شيكو انا فخور بيك وعارف انك كده هاتكون احسن 
السيد سعد : اهلا بيك من جديد
محسن : ده شيئ عظيم جدا 
شيكو :     :) 









http://www.youtube.com/watch?v=RdDpG9NVq0s


الخميس، 20 سبتمبر 2012

س ك ر ا ن

لايوجد اثر على فراشي للسائل المنوي 
بعد طرد شيماء اتضح ليا اني مش عاوز انام مع واحدة مش حببتي 
انا شايف ان روحي هاتنقص حاجه لو عملت كده "  وانا مش ناقص "
رشاد : ايه يا شيكو انت مش بتحطنا ليه معاك في التدوينة انت مش قولت انك هاتخلينا نظهر للعالم 
شيكو : اسكت يابن الكلب وسبني اكمل 
معرفش ليه مانمتش معاها وليه قولتلها امشي انا عاوز ابقى لوحدي 
هو انا بمثل اني مبسوط 
ولا انا مبسوط فعلا 
ولا ايه العبارة 
ولا عندي احتياج جنسي وروحي رافضة اللي بيحصل فيا ده " عبث "
محسن : انت يا شيكو بس محتاج شوية حنانة انت مجهد يا صديق 
السيد سعد : يا شيكو استنى شوية الجاي احلى 
شيكو : انا المعادلة عندي فيها مشكلة انا اصلا انسان لا يطاق 
رشاد : بس كل البنات اللي كانو معاك قالو غير كده 
شيكو : طب ليه هما ماكملوش 
محسن : وليه انت ماتصبرش عليهم اصلا 
السيد سعد : يصبر ايه يابني الواد ده بيطلع دينة علشان بيصبر 
شيكو : بقولكو ايه  انا لازم اتحكم في قلبي شوية انا مش ناقص وجع
محسن : طيب ما تقابل اللي بالي بالك :)
شيكو : ممكن جدااا انا محتاج دلوقتي لحد في حياتي 
السيد سعد : يا شيكو ممكن يطلع كل ده هسس 
محسن : بس هي قالتلة انها بتحبة 
شيكو : بس انا ماقولتش 
رشاد : يبقى قولها 
شيكو : وبعد كده 
السيد سعد : بعد كده هايحصل اللي بعد كدة 
محسن : ايه ده 
شيكو : اللي بعد كده ده اسموايه 
السيد سعد : اسمو انتماء 
شيكو : الله على المعني العظيم " انتماء "
محسن : هو انت مش قولت انك بتدور على امك في البنات 
شيكو : لا انا  بدور عليا فيهم بس 
السيد سعد : لا يا شيكو انت كنت بتقول انك بتدور على امك في البنات 
شيكو : امي حدوتة وبحكيها لما قلبي بيتفتح ... لكن هما بيعملوني انا شخصيا حدوتة 
رشاد : اسمع يا شيكو انت في 4 بنات دلوقتي حوليك وكلهم فيهم حاجه بتلمع
جرب كده معاهم 
شيكو : قولنا يا حمار انا كائن ماينفعش للاستخدام انا " مجنون "
محسن : طيب هانعمل ايه 
شيكو : انتو ايه اللي طلعكم دلوقتي وانا بكتب .. انا محتاج واحد بس اللي يقول 
رشاد : يبقي انا  
شيكو : لا
محسن  : طبعا انا والسيد سعد لا كمان 
شيكو : اه جدع .... وانا هاكمل من غير تدخل منكم يا اوغاد دماغي 
.................................................
بعد مرور ايام على حادث انتهاك روحي " الاليم "
ومع كوني سكران حالا جدا 
احب اقول :
اني كنت موافق جدا ان اكون حبيب واتحب واحب وادوب 
ولكن انا محتاج واحدة تكون بتاعتي يعني انا جواها ليل ونهار 
بتفكر فيها ديما 
وديما بتقول لنفسها وانا مش معاها .. هو هايكون فرحان لو شافني بعمل كده 
ياترى هو يستاهل 
طبعا دي رؤيتي انا 
( في كل علاقاتي اللي فاتت .. ماخنتش ولا وحدة حبتها )
مش علشان الافلام الابيض والاسود بتصور الموضوع  موجوع 
لا 
علشان انا مش حابب اوجع حد .. انا لما بغضب بتحول لكائن زفت 
وبشتم وبسب وبلعن وبعمل اي حاجه
لكن لما برجع تاني انا .. بعتذر حتي لو كان اللي قدامي ده مايستهلش 
انا عملت كل حاجه واي حاجه مع البنات 
وسمعت كل كلام الدنيا الحلو 
وقولت كتيرررررر وانا بعرف اقول من قلبي بجد
انا قلبي ربيع وكبير جدا وسيع من الناس ملايين 
وصغير خالص على قد الكف 
كل واحدة كانت بتحضني كنت بصدق حضنها ليا  
ولكن دلوقتي انا مش حابب الحكاية دي 
دلوقتي ده يعني الساعة اللي انا بكتب فيها التدوينة دي 
انا متاكد ان كل الوجع اللي في قلبي  ده هايروح 
وكمان متاكد ان انا اول مرة هاحب 
انا تجربتي الاخيرة ماكنتش كلها مقرفة 
ولكن كان ناقص فيها حجات .. منها " الانتماء "
انا لما بحب برجع عيل 
وبسامح كل الناس 
انا سكررررررررررررررررررررررران
ومحتاج اتحضن دلوقتي حالا حتي لو هادفع فلوس 
اتحضن مش اعمل " سكس "

الأربعاء، 19 سبتمبر 2012

انا كنت كاتب حجات

انا كنت كاتب حجات ومسحتها بسبب احساسي انها بتدايق 
.........................................
شيكو : يعني مافضفضش  !
السيد سعد : فضفض لكن ماتوجعش 
رشاد : هو بيجيب الكلام ده من دماغة ماهو حصل  
شيكو : انا فاهمك يا سيد سعد كويس .. اسكت يارشاد 
محسن : يا شيكو هي خلصت خلاص 
السيد سعد : اه خلصت بكل العبث الكوني 
رشاد : هي عاوزة ايه منك تاني .. وليه بتخش على المدونه بتاعتك 
السيد سعد : البنت لسه جواها حاجه 
محسن : تخيل كده يا شيكو لو حضنتها .. هايحصلها ايه 
شيكو : ولا اي حاجه انا اللي هايحصلي 
السيد سعد : وانا كمان يا شيكو فاهم انت حاسس باية 
رشاد : مش البنت الجديدة دي اطيب منها واحن واجدع 
شيكو : بنت جديدة ايه .. ايه التعبير ده هما مش عربيات انا باجرهم وباخد لفة 
رشاد : احا يا شيكو هما بيعملو معاك كده بياخدومن روحك شيئ كل مرة  
السيد سعد : ماتسمعش كلام حد يا شيكو .. خليك طيب 
شيكو : بسسسسسسسسسسسسسسسسسسسسسس
السيد سعد  : اتصل بيها 
شيكو : لا
رشاد : ابعت رساله اشتمها 
شيكو : لا 
محسن : طيب خلينا نقول احنا كلام وسخ عنها 
شيكو : لا 
السيد سعد: طيب ايه بقى 
شيكو : في يوم من الايام انا شوفت البنت دي وهي موجوعة وطالع عنيها 
البنت دي بنت ناس في الاساس بس حمارة 

الثلاثاء، 18 سبتمبر 2012

عن المعجزة الجميلة

قلبي اللي اتملى  وجع وقهر وخيانة مابقاش بيوجعني 
من زمان جدا جدا جدا وانا بقول بيحصل معاية كده لية 
بس انهاردة بقول : اني مش هافضل كدة وهاغير كل شيئ 
وهاخلي الدنيا كلها على قد ابتسامتي
" هجص "
اه هجص بس هجص حلو يا اخي مش احلي من انك تفضل متدايق 
رشاد : انتي حدفت تراب على خلود ولا ايه 
شيكو : ما قولنا بقى فس مافيش خلود تاني 
محسن : يا شيكو يا عاقل 
........................................................
السيد سعد : هي اسمها ايه البنت الي بتخليكي مبسوط دي 
شيكو : مش هاقولك يا روح امك
السيد  سعد : ليه بس كده يا شيكو 
شيكو : علشان الناس اللي بتخش هنا هاتعرف 
السيد سعد : مايعرفو 
شيكو : لا مش عاوز حد يعرف حاجه دلوقتي 
السيد سعد : هو انت بتحبها ؟
شيكو : مش عارف 
السيد سعد : طيب هاتعرف امتى ؟
شيكو : هو انت ماخدش بالك اني شديت خط فوق  " يعني مش عاوز اتواصل معاكو "
بص ياعم  خد ده كمان 
..........................................................
السيد سعد : ياشيكو انت اخرعتنا علشان كنت متدايق دلوقتي بتقول مش هاتقول 
شيكو : ماتلعبش في مشاعري ياض انت 
رشاد : يا شيكو مدد 
شيكو : بصو ياولاد الافاعي انا هاحكي 
انتو فاكرين انا حصل معاية وفيا ايه الايام اللي فاتت دي صح 
السيد سعد &; رشاد &; محسن : اه فاكرين 
شيكو : فجاة كده هي ظهرت في الحياة علشان تساعدني بدون اي مقابل ومن غير اي سبب غير الانسانية 
وبعدين حالتي النفسية اتطورت جدا ومابقتش باكل وكنت هاموت 
كانت هي بتدعمني جدا وبتستحملني وانا مقرف 
وفجاة كده لاقتني بديها رقمي 
رشاد : ايه رقمك احا ده انت مادهوليش انا مع اني عايش جوة دماغك 
محسن : هايدهولك ازي وانت عايش جوة دماغة يا حمار كمل ياعم شيكو 
شيكو : كويس انك رديت انا كنت هاسبلة الدين حالا ... المهم 
عدى كام يوم ولاقيت رساله جاية بتقول " هو انا ينفع اقولك انك وحشني "
اتصلت بالرقم علشان اقول للي قال كده ينفع تقول كده جدا وشكرا على ذوقك 
بس الرقم ماردش 
نفضت وقولت ممكن تطلع خلود وده نوع من البواخة جدا 
بس انهارده انا عرفت مين اللي بعت الرساله 
" بنت لون قلبها ابيض كما القمر اللي حابب يحضن الجماهير "
السيد سعد : يا شيكو خلي بالك لاتلبس في الحيط 
شيكو : لا انا مش هاتوجع اكتر من الاول انا متاكد 
واللي متاكد منه اكتر اني مابقتش بخاف من اي حاجه 
............................................................................

اللي حصل حالا ده حصل بجد 
والشخصيات " سعد ومحسن ورشاد " دي شخصيات من دماغي وفي دماغي لكن هي على ارض الواقع وممكن تحضني جدا كمان :)

http://www.youtube.com/watch?v=Kylc1cwpB6U

الخميس، 13 سبتمبر 2012

الايام الاخيرة

الساعه 2:30 صباحا 
صحيت من النوم كالعادة بتاعت الايام دي 
بيظهر عليا بوضوح اثار عدم الاكل وعدم الاهتمام بصحتي 
ما عنديش نفس اكل خالص " زهقت "
اما عن الحزن .. تملك مني تماما 
اخر معركة كانت بيني وبين نفسي علشان اسامح الناس اللي مش مني اصلا 
وانا عارف انهم مش مني 
استنذفت كل طاقتي فيها 
ودلوقتي انا بستنذف جسدي 

الايام الاخيرة

يستمر الشعور بالموت  
ابتديت احس اني دايخ جدا 
في صعوبة كبيرة اني اكتب  
بس انا حابب اكتب جدا 
انا مش متمسك بالحياة 
بس متمسك بالحدوتة 

الأربعاء، 12 سبتمبر 2012

هبوط

امبارح انا كنت بموت بفعل السكر 
والنهاردة صحيت من النوم وانا مليان حياة .. وكأني مامتش قبل كدة
امبارح كنت رافض كل تفاصيل الوجود
وانهاردة لسه رافض نفس التفاصيل المملة 
بترعش من البرد حالا ومش بضحك 
................................................
بيظهر بوضوح اثار السكر عليا 
تحت عيني اسود 
وعندي حالة من عدم التركيز
اتحولت  لــــ " ابن موت "
ابتديت اشوف اللقطة  جدا " مافيش تفاصيل "
كل الحكاوي لونها اسود ومافيش مناظر طبيعية ولا شلالات وجبال
مين بيسمع مين ومين بيفهم مين ومين بيرحم مين وهكذا
................................................
صحيح انا بطلت انشر التدوينات بتاعتي على الفيس 
لاني مابقتش حابب فكرة المشاع 
...............................................
ممكن تمسك ايدي علشان اعدي الشارع ده
انا شايف بوضوح ولكن انا مش بعرف اطبع الصورة 
.............................................
رشاد : شيكو عامل ايه يابني 
شيكو : .
محسن : انت يا صديق مش بترد لية ؟
شيكو : .
السيد سعد : الله عليك وانت منفض كده بتبقى عسل 
شيكو : .
............................................



المسحوق

وهنا يظهر ميكي ماوس وهو مبتسم جدا
..................................................
" على خلفية احداث يوم 25 يناير 2011 "
كنت بجري بسرعة رهيبة الناس كلها كانت ثابتة وانا الوحيد اللي كنت بتحرك 
" بقولك  كنت بجري بسرعة  "
وكانت المجاميع كلها بتهتف يسقط يسقط يسقط وفعلا سقط مننا كام واحد 
وانا دماغي اتفتحت 
وفضلت مفتوحة لحد دلوقتي 
اما الواحد كان مستعجل بشكل وكان مصدق بشكل 
امممممممممم
دم دم صويت دخان سحل ضرب 
مشهد 1: التي شيرت بتاعتي غرقان  دم وانا واقع على الارض 
وفجاة واحد يجري عليا يشدني خارج اطار المعركة .
مشهد 2 : الناس بتتلم عليا عاوزين يصوروني وانا بزعق امشو من هنا انا .
..........................................
"امممممممممم وايه كمان " 
اتضحك عليا  معاهم وعرفت ان اللبلد مش بتاعتي وان انا وطني جسدي 
دلوقتي انا قاعد في الصفوف الامامية مع اصدقاء غرباء عن ارض الواقع 
وبنضحك جدا  
.......................................
المسحوق السحري لازالة اثار الجريمة 






الأحد، 9 سبتمبر 2012

اعتذار

الجو مشحون جدا في العاصمة 
ولهذا هاكتب 
.....................................
انهاردة انا عملت حاجات كتير غلط زي كل يوم تقريبا 
الغضب عماني 
خلاني اكون قاسي جدا وجارح كمان 
كل الكلام مش هايكفي " علشان اوصف الحالة بتاعتي دلوقتي "
في الدائرة الكبيرة " اللبلد " ( فلسفة المؤامرة هي الاساس )
واتنقلت بتفاصلها ليا 
اتسللت  جوة حياتي بشكل عميق جدا 
دلوقتي انا مش عارف انام وصاحي 
ومش بغني بقالي كام يوم كمان 
عادي يعني مش مهم ده
بس المهم دلوقتي اني موجوع اكتر 
انا اتخطف مني شيئ ابيض اوي .. وانا محتاجة دلوقتي 
لية حد يخش  حياتك الرتيبة ويحاول يخليها سريعة وفيها روح ويمشي 
ليه اصلا بيحصل فعل يمشي ده
انا مليت من الشتيمة ومن الغضب ومن الاعذار ومن الاعتذار كمان 
مليت جدا 
الشكل المقرف اللي انا بقيت علية دلوقتي ده 
بسبب اني مش عارف استوعب ابعاد المواضيع حوليا 
كنت قولت في تدوينة قبل كده 
" ان معطياتي غير معطيات المكان "
دي مش المعجزة ده اللي بيسموة خلل مستمر 
بعيدا عندي وعن ارهاصاتي الممله جدا دلوقتي 
.
.
.
.
كنت سكران جدا وقولت كلام زي الزفت ليكي  يا خلود  على الانبوكس 
ماكنش في اي دليل قدامي  غيرك .. سعات ماسمعت وجمعت الموضوع
لاقيتك سلبية وماهتمتيش اصلا انك حتي تريحي قلبي 
انا عارفني كويس وانا عصبي ببقى زفت 
بس عارف كمان انك كان لازم تقوليلي اي حاجه 
انتي كنتي ساكتة وانا كنت بموت من الوجع 
دلوقتي انا بعتذر ... ليكي علشان انا موجوع وعارف يعني ايه وجع
 " اسف " حتى بعد كل الحجات دي بقولك  " اسف "
انا بقيت همجي ومجنون 
انا بشرب كتير اوي .. وبقيت بغيب عن الوعي كتيررررررررر
نص اصحابي بعدو  عني بسبب افعالي االمتخلفة دي 
اما عن كلمة  " كفاية " .. كانت هي نقطة الانضباط
انا عاوز اقولك حاجه تاني .. عارفة كام واحد من اللي يعرفونا بيتكلم وحش عنك
كتيررررر وكلهم منك ومني اوي 
وفي نفس الوقت ده انتي كنتي ساكته 
صحيح الموضوع بقى بايخ اوي ولكني محتاج  " اعتذر " عن اللي قولته ده
انا قرفان من نفسي 
....................................................
اما عن اصحابي انا بردو هاعتذر ليكو لاني مش عارف 
المعدلة ماشية ازي بنا 
هو الموضوع كلة طاقة طيبة وبس 
انا اسف جدا سمحوني 
ماكنش قصدي اكون وقح ولكني كائن وحداني والوحدة بتدربني على الموت 
و انا هاستجيب 

السبت، 8 سبتمبر 2012

حكي

الساعه الان 7:30 صباحا 
خلفية موسيقية واضواء نيون مزعجه  
دلوقتي حالا واقف في وسط الحاله الصباحيه 
بغني لنفسي بصوت عالي جدا 
" ياعيني ياعيني  .. ياعيني على الولد .. اغنيه شاديه "
بقالي شوية وقت تقدر تقول كده خسمه كيلو من السعات 

( بفكر في تفاصيل سخنة جدا بتلسع نفوخي )
مشهد لم يحدث بعد :
انهاردة هاقبل بنت جميلة جدا لون قلبها ابيض 
تقريبا انا مانمتش  علشان هاشوفها :)
صحيح انا مابقتش نافع وقلبي موجوع 
بس في احتمال كبير جدا ان البنت الطيبة تشيل النقطة السودة في قلبي 
مشهد حدث بالفعل :
نمت وانا حزنان امبارح 

مشهد كان محذوف :
وانا بسمع اغنية علشان " يشبهلك يا حببتي .. منير "   

مشهد مبالغ فيه :
" فجاة اموت تحت تاثير المخدرات "

مشهد سريع جدا :
حضنها 

مشهد مخشوش :
صوتها في ودني وهي بتقول "بحبك يا شيكو"

........................................
الساعه دلوقتي 10:40 صباحا 
تعالى نمثل دور قرود في فيلم اكشن امريكاني 
ونهرب من القفص ونحاول نحرر عالم القرود 
ويظهر البطل  وهو بيحاول اقناع الافيال بالاتحاد معاهم 
 مع اضافة موسيقي تصويرة تكون " لـــ  Ennio Morricone "
للمشهد ده بالذات 
(اه بالظبط تبان انها راتيبة وهي عميقة جدا) 
وتبداء الحرب بين البشر والقرود 
ويموت قرود كتير جدا 
وتظهر الحبيبه القردة وهي راكبه فيل ازرق او سماوي 
ومعاهم جيش من الافيال 
THE END
....................................
الساعه دلوقتي 11:36 صباحا 
انا محشش جدا وبسمع موسيقى عظيمة اوي 
لازم جدا تضيع ومع النغمات يا ايها الانسان 
...................................
هاكمل كمان حبه لما ييجي كلام ولما السعات تمشي شويه :)
..................................
الساعه دلوقتي 12:50 الظهر 
انا برجف من الوحدة 
مش عارف ليه في الوقت ده بالذات بحس بكده 
دورت على الفلوس علشان اشتري سندوتش الفول المثالي 
ومالقتش .. بس لاقيت كيس كباتشينو معتبر بطعم الفانليا 
وعملته وشربتة :)
صحيح انا كنت جعان بس خلاص دلوقتي ماشي الحال يعني 
بفكر في فكرة اني اكتب تدوينه عن يومي في الكوخ ودي فكرة مجنونه 
وخصوصا ان السعات كتير جدا وانا مش منطقي كمان 
وكمان مش لازم اقول كل حاجه .
ولهذا قررت عدم الكتابة 
.......................................................



الجمعة، 7 سبتمبر 2012

سكران 1

سكران جدا الساعه دلوقتي 4:47 الصبح وده مهم ومش مهم
سكران وعادي جدا سكران 
الاعتراض موجود وعادي جدا الاعتراض 
اما الكلام عن قلبي والوجع مش مهم 
طب ايه مهم ؟؟
اقولك يا سيدي الكلب .. المهم هو اني  اقول كلام مش مهم في وقت افتراضي
صحيح بسكر وبتكلم كلام مليان وشكله فاضي
عديهالي سكران
مش هامثل لعبة التركيز في الوزن والعبث الرقيق 
" يلعن دين ام اللي خلاني موجوع "
" ويلعن دين ام اللي خلاني افتكر "
" ويلعن دين ام اللي بيجي يحكيلي عليها كلام .. طز فيها  هي انا بتوجع "
" ويلعن دين ام الناس البخيله اللي معندهاش احساس "
انا قلبي كان دهب وكان ماس وكان فجل على قلقاس
انا مش بحب المزيكا دي .
................................................................
بص انا دوشه ومواضيع وسعيد جدا ومش قصدي بكون حزين 
معلش  المرادي عديهالي " طز فيك "
وعشان انا مش ناوي اخترف كتير 
هاقول المضمون من المعني بـــ معني بسيط
بحن 
واجن
وببكي سعات 
وبضحك واضيع
وبرجع رضيع للامنيات 
" انا كنت عارف ان حببتي مابتحبش كلامي"
ولاموسيقتي ولا اشعاري
انا كنت عارف ان المعني الدايم كان جوايه
وكنت عارف ان الخير ابيض ومش مغشوش 
شربت ليه منها 
دخلت ليه حضنها 
مش عارف 
ومش عارف كمان "بسكليا" ليه شغاله دلوقتي 
وانا ليه بسمعها واضيع 
تاني نفس الكلمه واضيع
بضيع وسط الحجات الصدقه فيا 
والوساخه الظهره فيها 
والصور والتدوينات 
والاغاني والكلام 
والحضن اللي ما دمليش كتير 
والخداع والغياب 
والانين و نظرت الشفقه من الصحاب 
والوجع ايوة الوجع
( غضبااااااااااااااااااااااااااااااااااااااااااااااااااااااااااااااان )

الخميس، 6 سبتمبر 2012

مقاطع

" مفتتح "
جاليلو قال : انا شوفتها بتتحرك 
والكون مدار 
وانا قلبي دار 
والناس لسه ناس 
والعربيات بتتحرك 
ازي اكون ساكت وبتكلم في نفس الوقت 
وجاليلو قال انا شوفتها بتتحرك 
.....................................
" مقطع اول "
بعد الحرب 
الكل طمعان في الغنايم 
كانو الجنود هناك 
على اطرف الخريطه 
مرسومين باللون الاحمر 
حضنين بعضهم .. بغير قصد
كانو ماقتولين في احضان بعض 
اما الخرافة اللي اسمها انتصار 
كانت في وضح النهار بتضوي
شبة السكينه بتاعت امبارح
شوفت وشي فيها وماعرفتنيش 
بعد الحرب 
رجع الجنود مشتاقين للبيت
ولكن لساهم سمعين صوت الرصاص العالي 
ولسه على ملامحهم اثار المعركة 
الدم كان شلال 
وصرخات الاستغاثة
كان الوجع على المشاع 
ازي ياحببتي هانعرف نعيش 
وانا وانتي في الحياة دراويش
ماسكين ادين بعض وبنعدي الطريق 
بنغني وبنشاور هناك
الحرب قامت 
ومات اللي مات 
ازي يا حببتي نبطل سكات 
علمونا الكسوف من بعض 
....................................
" مقطع ثاني "
 اخر مرة شوفتك كان السرير عريان
وانا وانتي كنا حنينين على بعض 
ماعرفش ايه غير مسار القصيدة 
كل السكك بتندهك يا ام العيون حيرانين 
وشعرك السايح كما الموج اللى حافر جوة روحي الوجع
واديكي كانت دفيانين 
اتغسلت .. من كل اخطائى وقررت التوبه 
قررت الصلاة ليكي 
اعترفت بالحقيقه 
اه بحبك وكل مرة بحبك 
ابتديت اهزي في حضنك من الوجع 
بتحضنين ازي كده
وازي  ماكملناش كده 
وليه  سالت ليه 
وانا كنت ايه سعات الرحيل  
اخر مرة شوفتك 
كان المكان مبتسم
الحب غطى على الوحدة 
وكلامي المنشور على روحك وقع
وانا لسه ببداء احكي عن روحي 
لاقيت روحي بتشتقلك
وبشتقلك انا وروحي 
واغيب عن التفاصيل ودوشتها 
اسكر اسكر 
اضيع واضيع
اسمع نبضاتي بوضوح 
وصوت اصحابي اللي حبين يشربوني
في اخر الليل مع البيرة  
اخر مرة شوفتك كان السرير عريااان 
.......................................
" مقطع ثالث "
من داخل اتوبيس الحياة والمشاهد
بيعزف لحن اغنيته الشهيدة 
كان سعتها الحوت لسه مابلعش يوسف 
ولا المسيح اتصلب 
ولا اخر بق براندي اتشرب 
كان للمدينه عيون عسلي 
وانا كنت واقف هناك  

شايفني 
ايوة انا اللي في اخر الصف مكسوف من الفلاش 
بتدور عليا فين يا سيد
cut
( العالم عاقل مش مجنون " محمد منير ")
العالم عايم في الاحلام 
والكون بركان وصبح بلون 
 اظهر تفانينك يابن الايه 
واياك تضحك على مجون 
cut
شرب السجارة الاخيرة 
وخرج من العذاء
مات الولد وهو حزين 
سالت ناس  كتير 
مين السبب 
مين اللي قتل الولد
مين 
مين 
رد عليا خيال الضل 
اتبسم يا صديق 
الجد اصبح هزار 
والهزار اصبح جد
انا الوحيد اللي شايف كل افعالك
cut
لا مش cut انا لسه هاكمل 
رديت بصوتي المرتعش من الخوف 
انا ايه عملته لكل ده
صرخ الخيال فيا 
انت اللي قتلت الولد 
قولت انا مقتلتوش هو اللي مات
رد الخيال وقالي انت اللي قتلت الولد
وراح الخيال 
ورميت السجارة 
ورجعت للبيت وحدي 
sheko


الأربعاء، 5 سبتمبر 2012

حديث صباحي



للعلم هذا العالم الموازي الخاص بي :

.................................................................
رشاد  : يا شيكو ياشيكو صباحك فل 
محسن : ايوة يا شيكو صباحك فل والشعب صباحة زفت 
السيد سعد : اسكت يا غبي انت سيب الواد يفرح يا اخي 
رشاد: شيكو انت لسه نايم 
شيكو : انا صاحي من سكر ومش ناقص وجع دماغ 
رشاد : انت عامل ايه دلوقتي .. المشكله خلصت 
شيكو : اه المشكلة خلصت خلاص 
محسن : ما احنا قولنا انها هاتخلص بردو 
السيد سعد : يا شيكو انت اخترعتنا علشان تسعد يا سعيد :D
شيكو : تعرف 
رشاد : لا يا شيكو اوعى تشتشم 
شيكو : مش هاشتم بس تعرف انا اخترعتكو ليه ؟؟
محسن : علشان ده اسلوب سياسي من اساليبك لفك شفرة الاحباط
شيكو : لا 
رشاد : علشان المدد !!
شيكو : لا 
السيد سعد : علشان كنت زهقان 
شيكو : لا 
رشاد : طيب علشان ايه من غير ماتطول لسانك
شيكو : انت يابن الكلب يا حمار .. انت مال دين اهلك بيا 
رشاد : انت بتسبلي يا شيكو 
شيكو : لا 
محسن : على فكرة انت حالتك مش كويسه ومحتاج تروح تغير جو 
شيكو : اه صحيح انا اتصورت امبارح صور علشان الباسبور 
هاعملها وهاخرج برة هذة المتاهة  
السيد سعد : شيكو !!
شيكو : ايه ؟
السيد سعد : انت مجنون 
شيكو : لا انا مش مجنون 
السيد سعد : علشان كده بقولك انت مجنون 
رشاد : استنو بس بيقول ايه ده 
محسن : هاتسافر فين ؟؟
شيكو : الكويت بس الكويت  اللي بجد 
رشاد : بجد !!
شيكو : اه بجد جدا 
محسن : راجع نفسك يا شيكو 
شيكو : ما انا راجعت وعملت كل الحجات المهمه جدا 
رشاد : هاتسبنا هنا لمين يا شيكو .
محسن : انت عبيط يا رشاد ولا ايه احنا جوة دماغه 
السيد سعد : يا شيكو انت مش هاتعرف تعيش هناك 
شيكو : خخخخخخخخخخخخخخخخخخ
رشاد : شيكو بطل تعمل القرف ده 
شيكو : لا 
محسن : ممكن تقولي تفسير لكلمة  لا  دي 
شيكو : ممكن اقولك  اسكت دلوقتي علشان انا بسمع الست ام كلثوم 
رشاد : تعرف يا شيكو الاثبات الوحيد انها ست هو اسمها   اهاهاهاهاهاهاهاها
شيكو : شوفت بقى انت ازي ابن كلب عرص وهاطلع دين اهلك
رشاد : يا شيكو مين البنت اللي اتصلت بيك وغنت اغنية بحر الحياة " وانت سكران " 
محسن : هو ما اهتمش لانه اصلا مابقاش بيصدق  في العبث الكوني 
السيد سعد : الحب يا شيكو شيئ طاهر .. بس تعالى هنا انت هاتسافر فعلا
شيكو : انا مصدع ياولاد الكلب  ..  قولت اه مسافر مسافر 
رشاد : طيب يا عم 
محسن : والمزيكا ؟
رشاد : واصحابك ؟
السيد سعد : والشوارع اللي انت بتحبها 
شيكو : كل ده هايفضل جوايه 
رشاد : هو انت مش راجع ولا ايه 
شيكو : لا 
محسن :  انت بتتكلم جد !!
شيكو : المرة دي  هاقول  "   اه   "
شيكو : انتو عاوزين تسمعو صح ؟
رشاد : جدا بقى قول يابني قول  
شيكو : تعالو هنا انا ليا مين في مصر ؟؟
رشاد : اصحابك .. حبتتك .. اهلك 
شيكو : انت بتقول ايه يا عرص .. مين دول انا مش شايفهم هما راحو فين اصلا
محسن : هاتشتغل ايه يا شيكو هناك
شيكو : هاشتغل اي حاجه 
رشاد : اسمع كويس ياض انت .. انت بتاع موسيقي مش بتاع الهري ده .. الكوخ ياشيكو 
سنين عمرك الطيبه فيه 
فاكر البنت شيماء " الملطوطه " لما قالتلك انها بتشم ريحتك في الكوخ 
السيد سعد : هو انت ليه مابتتصلش بيها وتدلع نفسك انا شايف انها هاتساعدك 
في الخروج من الحاله دي 
شيكو : انت شايف اني لو عملت سكس مع واحدة مش حببتي هابقى كويس 
يابن الكلب ياهبل انا ناقص كلاكيع يابني حرام على دين اهلك بقى 
محسن : شيكو انت قولت انك محتاج تتحضن صح .. ممكن تقابلها وهي كانت حببتك في يوم من الايام ... وكمان هي هاتعرف تتعامل معاك 
السيد سعد : قوله يا محسن قوله  ده مش عارف مصلحته
شيكو : هو انتو مش ملاحظين انكم بتتكلمو اكتر مني وانا اللي اخترعتكم اصلا 
رشاد : يا شيكو احنا انت وانت احنا 
محسن : ايه يا رشاد انت قالبت على "  الحلاج " كده ليه 
السيد سعد : بص يا شيكو اسكت واسمعني .. روح على اليوتيوب واسمع
" جارة الوادي "
بصوت عبد الوهاب :)
شيكو : انا عندي سؤال ليكو ... بما انكو شايفني مجنون 
رشاد : قول ياعاقل 
شيكو : هاقول .. هو ليه الجشع والغدر والكدب والادعاء والتمثيل بيحصل 
محسن : علشان هما مش ناس كويسين يا شيكو 
السيد سعد : عاوز ترتاح يا شيكو بطل حكي دلوقتي يمكن تنسى 
محسن : انت هاتشتغله ولا ايه 
رشاد : اشمعني هو مش هايشتغله  هو اصلا شغال عندو في دماغه 
متخصص في السعادة وده في حد ذاته اشتغاله وشغلانه 
شيكو : تم تسجيل الخروج وخرج 

http://www.youtube.com/watch?v=vcxyo6LPgZE




الثلاثاء، 4 سبتمبر 2012

حدث بفعل فاعل

حاولت انام وماعرفتش 
" نفس الشعور اللي رافض فيا الراحه "
صحيح الدنيا فاضيه حوليا اليومين دول 
بس المفروض هنا.. اني اتعودت على الحكايه دي 
هي لما مشيت سابت فراغ جوايه .. وهما كمان 
مافيش غير النظرة اياها بتاعت كل يوم بليل 
والسؤال المغفل " هاتعمل ايه يا ولد "
شوفت من شويه موضوع عن اضرار الوحدة 
بس المعجزة هنا انها حصلانه لوحديها 
( لا تشرب الخمر يا ولدي فقد تسقط على الارض مرتا أخرى )
صحبي اللي مش فاهمه مابقتش بفهمه ولا بحس بوجودة 
والتاني والتالت والرابع حتى الخامس كمان 
لاني اصلا مش هنا 
انا مستني هناك 
على حدود الشط التاني وصول  سفينة " كريستوفر كولومبوس "
اللي هايكتشف المدينه الجديدة 
طبعا اشتريت سندوتش فول لاني جعان  جدا واشتريت 10 سجاير فرط
وللاسف نسيت اشتري مسكن للروح والصداع والمشكله 
او تصحيح "  مش هاينفع اشتري لان الفلوس خلصت "
دلوقتي حالا انا بسمع " بسكليا .. موسيقى لراجح داوود من فيلم الكيت كات"
مضاف اليها سيجارة كليوباترا منفسه " بس مضحكه جدا "
مع العلم اني مش بضحك حالا .. المفروض اضحك مثلا اني اشتريت 
باخر فلوس معايه سجاير منفسه ؟
سعات لما بخرج من الكوخ بحس ان العالم مجنون جدا ومليان تخريف
اكتر من تخريفي الغير مباح
اه صحيح في كلمة غيرت في رؤيتي انا اتكلمت عن الكلمه دي قبل كده
وهي " الوجع "
في يوم كنت ماشي في وسط اللبلد وسمعت بنت بتقول لصحبتها 
( بس انا شوفته موجوع  ) 
سمعت الجمله دي وبس 
الكلمة دي بترن في وداني جدااااااا
تخيلت كده هو ازي واحد بيوجع واحد تاني وهل كل الناس دي بتكون قصدها ده  ؟
طلع اه في ناس بتكون قصدها ده 
ولكن هنا بيظهر ميكي ماوس علشان يقولي يا شيكو فكك من الهلس والتحليل 
انت مش دكتور نفساني .. انت كمان مليان عك وقرف 
بفتكر حالا لما سالت " خلود  " هو انا ببقى عامل ازي وانا زعلان ؟
"  قالتلي بتبقى ضعيف "
بعد الخروج من العلاقه الغير انسانيه دي 
خرجت خسران كتيرررررررررررررررررر
اه صحيح انا قررت اني ماغلطش فيها تاني خالص 
لاني واثق انها بتقوم بالدور ده على اكمل وجه هي عارفه كويس ازي 
تعمل حاجه تبوظ الدنيا 
..........................................................
بسمع تراك " بسكليا " للمرة العاشرة 
ومن غير اي احساس بالملل او الزهق 
انا عارف كويس اني مجنون 
وكائن ساخر من كل حاجه 
علشان كده بكون انسان بيضحك 
ولكن وانا حزنان مابتفهمش 
( بس تعرفو يا ولاد الافاعي انا لاقيت مهرب او طريق جانبي للهروب من المشكله 
اقولك ازي بص انا بحضني الايام دي بشكل عبقري وبطبط عليا كمان )
وده بيساعد الروح على احتواء الوجع والوحدة الممله 
سعات بحس اني عاوز اتصل بي حد واقوله انا اسف 
بس بعد ادراك شديد جدا للكارثه وابعدها 
اكتشتفت :
*ان الضوء الوحيد اللي خارج من عندي هو ضوء اللمبه الي فوق دي 
*وان الكائن الوحيد اللي عارف انا فيا ايه هو انا 
*وان الحب وهم ولكنه ثابت 
*وان الدنيا عبارة عن ملاهي كبيرة جداااااااااا وعلشان تستمتع بالعاب اكتر 
لازم تدفع اكتر 
* وان الناس اللي بيحبو يتفرجو عليا " انا بحب اقولها كده " مش حاجه خالص 
دول بس جمهور من عرايس الماريونت بيحركهم  الفضول 
* وكمان السرير بتاعي حنين جدا انا بحبه 
....................................................
اما الان اخرج من هنا لاني خلصت كتابه 
http://www.youtube.com/watch?v=fuAvnDmAQ_k