الشجره

يظهر اني ماكنش واخد بالي ...
بعد فتره من الاتصال مع انا التاني عرفت اني كنت في دوامه
ولازم اتعب شويه وكفايه وهابداء تدوير علي علاج لان العلاج في حد ذاته علاج.
لما كنت ماشي في الشارع لوحدي جربت انده عليا يعني قولت شيكوووو
(بصوت عالي )
اتخضيت لاني عملت كده وكمان لاني سمعت اسمي بصوت عالي ومني انا
تقريبا الناس مهمه في حيات الواحد .
1- مشهد مباشر من قاع المحيط .. شكل الشجره اللي حبتها
2- مشهد سريع من شباك ميكروباص التحرير اتجاه الدقي .. ناس ساكته ومليانه غموض
3- فاصل زمني من السكوت
4- الاستماع لاغنيه سلمي مصفي وحدي مشيت
5- كتابت بيت شعر في ورقه .. (حوديت بتحكيها علشان تنام المشكله)
6- الوصول لاقصئ درجات الملل .. وانا وحدي
7- مشهد بالتصوير البطيق .. محاوله حل لغز من الغاز الحياه المزمنه
8- اكتشاف الحل للغز وهو اني ارجع تاني للشجره واحضنها تاني
9- مشهد من المرايه (الكوخ ) عنيا فيها حزن
10- اختيار حل الكتابه ك نوع من الفضفضه الغير مبرره
......................................................................

فتح عنيك

فتح عنيك غمض عنيك
شايف مين هنا غيرك
كل اللي باين وشوش
سراديب معاني ومحفوره كفوف
وانت النقط فوق الحروف
يا غنوه لسه مخضره
فتح عنيك غمض عنيك
كل اللي باين ليك
شويه اساله
عن الاله
عن المدد
عن البلد
عنك وعني
وعن حجات ممكنه
فتح عنيك تاني لاتخبط فالمعاني
وتقول حجات مش ممكنه
SHEKO

اوبـــــــس شد الكوبــــس

انا اكتشفت ان جوه دماغي سراديب معاني

واكتشف كمان اني شاعر بنبضات قلبي من غير ماحط ايدي علي صدري
وبشوف نوت مزيكا بترقص جوه لحن حزين

وكمان بحس ان روحي بتوشوشني علشان اقول شعر

حطيت نفسي في جمله متشفره علشان مايفهماش حد غير والكل فهمها بسهوله

احااااا يعني...
......................................

مع اني بقيت مش مترتب

وبلخبط كل اللي في بالي

مع ان الوقت لما بيجري

بندهني واحكي عن حالي

مع ان الظاهر مش باطن

والباطن ظاهر جوايه

وحجات بتخدني لجواها

وجحات بتكركب مصريني

مابخفش اموت انا دلوقتي

خلصان ومخلص حوديتي

الكلمه ماكنتش بتاعتي

انا فاكر خدتها من جواك

واخدت انت الضحكه بدلها

يا مصاحب كل الابعاد

مع ان الكلمه بترجع تاني تخبط جوه معاني النص

انا بتقص

مع ان الشاعر جوايه مجنون بيلخبط فالحوديت

انا بتقص

مع اني بقيت مش مترتب

وبقص حجات مش للقص

.............................................

اغرب اللحظات لما بتونس بروحي بكون حنين اوي عليا

بطبط على صدري كائني المولود امبارح

بلخبط واعشق تفاصيلي

واشوفني وانا بضحك بكرا

واتحدي العبه الملعونه

................................

والله ماكنش عارف الرحله دي رايحه لفين ضحكو عليا ولاد الايه

وانا هامشي ومش هارجع حتي لو صدفه .

افتح العلبه

افتح العلبه واتكلم معايه شويه ولما ازهق اقفل العلبه تاني
خلاص خلاص هابداء من الاول هاروح اقعد شويه بعيد عني
وكده كمان مش نافع اصلي بوحشني
ومن هنا بدخل جوه الايطار الديق الواسع
مجنون انا سعات بدوخ ومافهمش العناوين واركز ف التفاصيل
الحدوته مش بايخه اوي بس متعبه
اشد سطر جديد علشان اقول كلام مختلف مايشبهش اللي قبله
يطلع كلام موجوع ومتلخبط في نكته بايخه
مع اني مش في ظار بدوخ
ايه اللي بتحاول تقوله
من غير رغي كتيرررر وعاده بناء اشياء مهدومه
انا قرارت شويه قرارت
1 - انا مش هاكمل مزيكااا
2- هاسافر بعيد في اي حته ماعرفش فيها حد ولا حد يعرفني
.....................
ماعنديش كلام اقوله تاني دلوقتي غير اني زهقان من ال ولا حاجه

كانت عندي شنطه

علشان حظي كويس اتعلمت ازي اقول .
وكان حلمي الكبير اني اكون ولان حظي كويس كونت.. حتي لو خيال بايت جواك وجواها
ولان النهار طلع عليا دلوقتي اقد اقول ان ده يوم جديد ومحوله جديد ليا
....................................................
رسمت رسمه اسمها صنع في جسدي
كل الالم والتعب والاسئ ...اللي حصل وماحصلش بفعل الاشيئ او بفعل التركيز .
الميدان كان مليان اوي انهارده وحسيت اني اتلخبطت مع الناس والناس بصراحه
لخبطتني
وكانت سمعات الموبيل في ودني ومحمود درويش عمال قول :
ليس السؤال : متي ؟
بل : لماذا ؟ وكيف ؟ وَمَنْ

مَنْ أنا لأقول لكم
ما أقول لكم ؟

كان يمكن أن لا أكون
وأن تقع القافلةْ
في كمين ، وأن تنقص العائلةْ
ولداً ،
من أنا لأقول لكم
ما أَقول لكم ؟
كان يمكن أَلاَّ أكون أَنا مَنْ أَنا
كان يمكن أَلاَّ أكون هنا ...

..........................

كنت سرحان جدا وكائني بحب جديد صوت محمود درويش اخطلت بالعك اللي جوايه
علشان اتعالج

كنت ديما بقول لنفسي ان الوحده بكتريا بتاكل في روحي علشان انطفي

وكنت بخاف ولسه بخاف ومافيش علاج

سعات كنت اقول لنفسي .. فيها ايه لو رجعت تاني لاهلك .. كان ديما الرد اني هاخسر

وسعات كنت بقول لنفسي هو انت محتاج طبطبه

الوحده شيئ سيئ ولانه مفروض انا هاجري بسرعه

...............................

كانت عندي شنطه مليانه لعب وانا صغير

ماتت امي وخدوني عندهم علشان اكمل

وضاعت الشنطه

كانت عندي صور انا مش فاكرها دلوقتي

ماعرفش مين خدها وغير شكلي فيها

وخلاني كبير

كان عندي شباك صغير جوه اوضه النوم

ببص منه على المشيين

واغني في سري لايصحئ ابويا يضربني

وكان اسمي بصوت امي حنين

وكان في عم عباس الجزماتي

وكان في عم عبدو بتاع البان

وكنت بسرح فالشوارع وفالوشوش

ولسه فاكر طعم طبق الفول بتاع الصبح

كانت عندي شنطه وضاعت لما ضاع الوقت

.........................................................

الكلام خلص هنا

مع اني عارف حجات كتيره عني

برغم اني مكركب ومشخبط بتخبطني شويه زكريات
علشان تفكرني بالطريق اللي كان لازم افضل ماشي فيه
لاني غيرت ملامح الحجات بجنوني
ومش احتمال كمان اكون ظلمت ناس معايه كتير والمشكله انهم مني
انا عارف دلوقتي في حد وهو بيقراء الكلام ده مش هايصدق اني بقول كده
لا انا بقول اهو اني زي ماقال جاهين( نقطه مايه فالمحيط)
انا بايظ شويه كده لاني فتحت جوايه وبصيت في حته جديده
مليانه عك انا كنت ناسيه او عامل ناسيه
من الاخر كده خالص انا حاسس اني عكيت كتير اوي اوي
ياريت كل حاجه ترجع زي الاول ياريت .
.......................................
مع اني عارف حجات كتير عني
لسايه بسالني
لسايه بفهمني
لسايه بعرفني
حوديت بتشربني وماكفهاش
فاترميني تطردني
وابدء وانا خايف
وسعات بكون شايف
حللول للمساله
وماحلهاش
يوحشني البحر
ارميني فيه
يغسلني من همي
فاكر انا تفاصيل شارعنا القديم
ولما روحت ماعرفتهوش
مسالتهوش ايه غيرك
اصلي كمان انا اتغيرت
غريبه
غريب
بعيده
بعيد
وانتو اللي فاكرني دافي
بترعش مالبرد
وبعد كتيرررر
بسكت عن البوح
مع اني عارف حجات كتيره عني

اختراع اسمو عقل

انشتاين قال : - أهم شيء أن لا تتوقف عن التساؤل.

- إذا لم يوافق الواقعُ النظريةَ، غيِّر الواقع.
- الحقيقة ليست سوى وهم، لكنه وهم ثابت.
- الثقافة هي ما يبقى بعد أن تنسى كل ما تعلمته في المدرسة.
- كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية.
- كل الديانات، الفنون والعلوم متفرعة على نفس الشجرة.
- أنا لست موهوب، أنا فضولي.
- الشيئان الذان ليس لهما حدود، الكون و غباء الإنسان، مع أني لست متأكدا بخصوص الكون.
...........................................................................
افلاطون قال :
السعادة هي معرفة الخير و الشر.
الحياة أمل من فقد الأمل فقد الحياة.
كل انسان يصبح شاعراً إذا لامس قلبه الحب.
غاية الأدب ..أن يستحي المرء من نفسه أولاً.
أصعب أنواع الصداقة كافة هي صداقة المرء لنفسه.
الرجل الصالح هو الذي يحتمل الأذى، لكنه لا يرتكبه.
قليل من العلم مع العمل به أنفع من كثير من العلم مع قلة العمل به.
العفيف هو صاحب النفس التي انتصرت على رغباتها وغلبت حبها للملذات.
نحن مجانين اذا لم نستطع أن نفكر ومتعصبون اذا لم نرد أن نفكر وعبيد اذا لم نجرؤ أن نفكر.
لا تطلب سرعة العمل بل تجويده لأن الناس لا يسألونك في كم فرغت منه بل ينظرون إلى إتقانه وجودة صنعه
......................................
ارسطو قال :

ينبغي في العمل إتباع العقل الحكيم.
إن المرء هو أصل كل ما يفعل..
من لم يكن حكيما لم يزل سقيما.
الأفعال الفاضلة تسر من يحب الفضيلة .
الحكمة رأس العلوم والادب تلقيح الافهام ونتائج الاذهان.
الذين هم في ثورة الغضب يفقدون كل سلطان على أنفسهم.
شر الناس هو ذلك الذي بفسوقه يضر نفسه والناس.
من لم ينفعه العلم لم يأمن من ضرر الجهل.
إن المريض لن يستطيع أن يلبس ثوب العافية في الحال بمجرد رغبته.
للحكم على شيء خاص لا بد أن يكون الإنسان على علم خاص بذلك الشي

........................
بس كده الحل كان معروف زمان
بس احنا مش بنشوف