بحث هذه المدونة الإلكترونية

الاثنين، 30 أبريل 2012

الهوس

مشاركة غير مبرره لنبضات القلب لتثبت وجودي الكامل  في الحياة 
ماتستغربش ..
انا اصلي متفائل 
واعجبك
مانيش عمود قصب يا هذا 
يا ايها
 الطويل الرفيع 
التخين النحيل 
اضحك علي غشك
اضحك وسيب وشك
اضحك وجمع من اللي راح اشعار 
اضحك ومايهمكش
وابكي ساعت ماقولك بس
ماتستغربش
ارمي الحكايه فيا 
ووجعني ع الاخر
بس الخلل 
فالكلام بيوقع الصورة
ميلون جمله مكسورة 
انا مش بحكي 
ضحكت  عليا 
sheko
...............................................









NONE

مع اختلاف الاسباب والمسبب 
في حالة ملل عام حوليا وده غير احساسي الشخصي بالملل 
................................................
الاعراض :
1- عدم تركيز
2- عدم اهتمام 
3- صعوبه في اتخاذ القرار 
4- صوبه في النوم 
5- رؤيه الاشياء مجردة 
" دي الاعراض الاساسيه "
...........................................
وفكرة الحكي عن الملل في حد ذاتها ممله جدا شبه مباريات الاهلي وغزل المحله 
وكمان في حاجه اكتر من كل ده 
انا مابقتش بلاقي الابعاد الاساسيه لمحيط الحياة بتاعتي 
يعني ( اصحابي  -  حببتي  - اهلي - الباند  )
مافيش غير التراك اللي انا مشغله حالا ده ممكن ارفع اللينك كا نوع  من المشاركه 
 http://www.youtube.com/watch?v=7vN1HzujFKg

افرد دراعك 










وغير اني بنام وحدي
وبعيش وحدي
وهاموت وحدي 
بحاول ارسم الصورة
وبخلص ويا اخر خط 
لا 
انا مش بخلص 
انا بس بتخلص مني افكاري 
وابطل حكي 
وغير اني مبطل حكي 
بتكلم 
مين 
منين 
وفين 
ولفين 
واه 
ولا 
وحااااااااااااضر 
واحاصر وشي في اطار المرايه
واغرق شعري 
واراجع نفسي بنفسي
لنفسي بقول 
افرد  دراعك يا ولد 
sheko

الاثنين، 23 أبريل 2012

سفينة نوح

احتمال كبير اكون مستني " سفينه نوح " 
ولكن مافيش سبب يخليني استنى اكتر السفينه 
وعلشان كده انا هاغير الفكرة 
........................................................
سعات في حجات بتحصل مفرحه جدا ..
بس المشكله هنا انها لما تحصل هل هاكون مستعد 
او ماتملتش ملل وحزن واحباط 
......................................................
هنا تكمن المشكله "
كيفية التواصل مع الاخر 
ازي تتكلم بصوت واضحك جدا ومعني عميق خالص
ويكون ناتج النقاش .. دوشه بصوت مسموع 
انا مش عبقري ولكني بحس 
ومش ذكي ولكني بفهم وبحاول افهم ديما 
.........................................................
نظره  من داخل المعلقة الخشبيه 
 

........................................................
جمل متنطوره في دماغي  بفعل فاعل  : 

احنا قولنا نقولك بعدين علشان ماتزعلش .

انا ماكنش قصدي اسف \ اسفه .

لازم تعمل كده " ودي بتكون خاصه بالمواضيع الماديه "

اخيرا  كبر دماغك يا شيكو .

( اما انا .. هاقول سفينة نوح )
 .................................................

اتعلمت حاجة هايله اوي اوي 
اني سعات باسيب نفسي جوه الاحداث وبشوف تافصيل الناس 
ولاني بحب اكون الكائن اللي بيطبط علي الروح البردانه
بس سعات بقى مابيكونش في رد فعل من الاخر لما بكون محتاج ده 
انا عارف جدا اني شخص صعب التواصل معاه فترة زمنيه 
لاني مليان مواضيع ولخبطه وتفاصيل قد الرمل في الصحراء 
هاختار مين يستاهل  العطاء 
وهانطر كل الكائنات الجافه من حياتي مهما كانت درجة القرب او الفترة الزمنيه اللي بنا
 .....................................................
اما عن امي 
شكرا لانك ظهرتي اخيرا في الحلم كونتي وحشاني  خالص 









.......................................................


وخيرا  :
تكبير 
تصغير 
تفخيد
تصوير 
تعديل
تموين
تشمير 
تدعيم 
تدعيم 
تدعيم 
تدعيم