مسلسل ليالي الحلميه والايام الكائيبه

مسلسل ليالي الحلميه والايام الكائيبه الصوره دي مالهاش دعوه بالموضوع
بس انا جبتها من جوجل بالصدفه كده
وحسيت انها ملخبطه فيها ميلون تفسير شبه الحكاوي بتاعت بلدنا
....................................
انا عايش الايام دي في اللي اسمو ايه ده .... اه الاسهال
وده بسبب العك الكتير في الافكار المربعات اللي جوه عقولهم
وانا م البلدي وانا م البلادي بلد ابيويا وجد جدي
يا اخي شوف الصوره الجماليه في البق ده تحس كده انك مبشلق زي حلاتي
بس سيبك انت بيقولك اهالي الشهداء هما اللي غلطنين
لا طبعا احااااا يابني انت مش دريان
طيب قولي على اللي عندك
لا روح التحرير
والله بجد اللي بيحصل ده ممكن يكون اعلان لفيلم
او مسلسل تركي مريض 120 حلقه
والمتفرجين بقي مستنين الحلقه الجديده والموضوع اساسا درامي جدا
يقولك الجيش والشعب ايد واحده او بنحبك يا مبارك او اي خرف من هذا القبيل
والله انا هابطل حشيش بسبابكم انا بقيت بعمل دماغ من الا شيئ
طيب تعالي تاني اسحلك في شلاحه جديده
هو مين مع مين ومين بيمثل ومين بيخرج ومين بينتج
طبعا المتفرح الشعب الزيز والله ده دلع انتو مش واخدين بالكو
هي الثوره كان عليها كلام كتير
وانا تعبت ومش فاهم وبحاول افهم اصدق اي خيالات
اسهاااااااااال ااو ترجيع
فالشوارع وفالعقول
والمناظر وكلاب
والله مليت والله مليت والله مليت
معلش كنت بخرف شويه كده عالماشي زي باقي المواشي اللي ماشيه فالحياه
..........................................
ثواني
دي كانت حلقه تشبه مسلسل ليالي الحلميه والايام الكائيبه
انا بقيت اشوف الناس عريابنه قدامي
ومش معايه حاجه علشان اغطيهم انا اصلي بشبهم سعات

ابتسم

اليا ابو ماضي :

قال السماء كئيبه وتجهما ... قلت ابتسم يكفي التهجم فالسماء

.........................................................................

ماعرفتش اقول لنفسي غير ابتسم حتي لو السماء مش مبسوطه

اليا ابو ماضي كان عندو الحل .. ابتسم لانك هاتصدق انك سعيد بعد شويه صغيره

:) ابتسم لانك لسه عايش

ابتسم لانك لسه شايف حاجه حلوه جواك حتي لو صغيره اوي

ابتسم لانك لان ده الحل .

اتوجعت

ابداء منين ..

هابداء من يومي كانت اخر حاجه عملتها وهي اني عملت مزيكا وسجلتها وقولت انا مش هاغني انا هاتكلم عليها بس

وقلت اننا مش محتاجين غير شويه خير وبس جوانه فيها ايه لو كل واحد ابتسم في وش التاني من غير اي مقابل انا متاكد اني مش اول واحد يقول كده وان في ناس كتير غيري قالت الكلام ده .. نعم بتقول ايه الكلام ده

ايوه الكلام ده لانه كلام ومش هايتحط في زمن الفعل ويكون بجد.

هاكمل للتوضيح

نمت انا وصحيت على تليفون من صديق ليا بيقولي انا عاوز اشوفك

قولتله ياله بينا

ونزلت التكعيبه وشفت هناك شخص ماقدرش اقول عليه انه محدود ولا مصدي ولا بيحاول يمثل انه مش انسان لانه ماعندهوش مخ اصلا

تخيل الفاجر عرف يثبت ان الانسان ممكن يعيش من غير مخ

او بمعني ادق ( عقل ) .

قالي ان الثوره هي اللي خربت بيته وان الناس اللي كانت فالتحرير كلها متخلفه وعبيطه وماتمرطوش .. ماتخفوش انا رديت عليه بس انا دلوقتي ممكن احس ان اي حد ممكن يقول نفس كلامه ده

على العموم مش هاكمل نظريه المؤامره . . . انا هاكمل كلامي وبس

اخينا ده قال اني انا من الدقي علشان كده ماتمرطتش بس هو مايقدرش يفهم ان اللي بيجوع فالدقي زي اللي بيجوع في الزمالك زي اللي بيجوع في امريكا المشكله مش فالمكان يا حماااااار المشكله ف الكيان.

وبعدين انا جاتلي حاله عصبيه رهيبه وقلت انا هاقوم علشان امشي

وركبت ميكورباص علشان اروح وكان في الميكروباص ده واحد قاعد ومريض عندو توحد الغريب انه كان ماسك عود ايوه كان ماسك عود من غير مايحطه في جراب .

وطلع للميكروباص راكب شايل شنطه الغريب ان الراجل العواد ده المتوحد قاله هات ايدك الكلمه دي رنت ف ودني ودلوقتي وانا بتكتب الخرف بتاعي ده جسمي قشعر من جمال الانسان الي جواه

ولما قرب المكان بتاع المحطه بتاعتي لقيته بيقول انا هانزل هو كمان ونزل وانا نزلت .

اول حاجه حصلت انه لما نزل واحد من عمال القهوه اللي وقف قدمها الميكروباص شد العود من اديه .. صرخ . صرخ بصوت يوجع

مشي فضل القهوجي يبصله وساب العود وكمل الراجل في طريقه وانا ببص عليه ..

ولاكنه كمل وهو بيقول كلام بصوت عالي كلام مش مافهوم وكائنه بيسال عن السبب

ومافيش اجابه يا انسان .

انا دلوقتي موجوع وموجوع اوي ومش عاوز اشوف حاجه تاني كفياني فرجه ومشهده روحي بتتحبس مني ياناس

صعب عليكو الراجل ده بس انا عارفه انه هايكمل مصدق انه حر

اه انه حر وانه مش مريض وانتو المرض والعلل كلها

يلعن ابوكو كلكم

يوجد الان فار

الحق في فاااااااااااااار .!!

ايوه انا اكتشفت فار فالكوخ عايش معايه :) شيئ هايل جدا ان حياتي فيها فار

الموضوع ده مش مضحك اوي قد ما هو غريب يعني ايه في فار عايش معايه هنا فالكوخ

ويعني ايه كل لما يجري اضحك جدا ...

فتاحت باب الاساله وشوفت اللي مابتشافش اكتشفت ان الفار ده سايبلي رساله في مخي من قبل كده

ممكن يكون وشوشني بليل وانا نايم ..

نص الرساله بيقول كده :

سعات بياخدني الحنين للسحاب

اخرج من الخبايه للغوايه

والخلاف المستعار ما انا فار

كل المواعيد مستعجله

وانا السريع ماتلحقنيش

ماتفهمنيش

اجري وتجري ويايه العيون

خايفين متشمتين فيا

ويقولو فار وانا العاشق لملكوت الاله

ماتفتكرش اني ضعيف انا بس باتغرب سعات فيا

مع اني فار بعرف اشوفك مضحك حزين

انت الدليل على وجودي

فوسط زحمه الاساله مابتسالنيش مابتفهمنيش

تشوفني تضحك تخوفني وت خاف مني

اه ياه مجنون فيك الحجات اللي لازم تكون فيا

وتتريق عليا

وتقول فاااااااااااار

.......................................

اه بصراحه انا بقول عليه فااااار لان انا العمر اللي عشته ده لقيت الناس بتقول عليه

الحق في فار هناااا

وانا قرارت اني اسيبه يعيش اصلي عجبني كلامه ليا

ماسك ورقه

ماسك ورقه وقلم وعمال اكتب انا محتاج اشتري ايه للكوخ .
محتاج شاي بالخوخ وكمان سكر وايه تاني اه معطرجو
وايه تاني يابو شيكو
ممكن اجيب ضحك وفرح وسعاده وكمان اجيب حب هاهتم اوي اني اشتري مواقف مفرحه
وايه تاني يابندق وايه تاني ... شويه سحاب انطورهم على الحيطان وكمان هاشتري شمع و قلم جديد وفرشه ومعجون اللوان ازرق سماوي
وكمان هاجيب ساعه واظبطها على الساعه 12 و طبعا من غير حجرعلشان الوقت مش مهم اليومين دول وبقي مزعج

وكمان اجيب جيتار جديد علشان جيتاري عجز وايه تاني

تقريبا مافيش غير راحه

لما تتلخبط الابعاد المنطقيه للحجات بتبان الصوره مش صوره

ويبان ان البحر هو سجاااااااد كبير اوي وان السحاب هي شكل موقت بيتغير بشكل مستمر واني بتخطف مني لاني هنا...

عن الواقع والاحلام

انا مش بحلم لاني تقريبا مصدق في حكايه ان الواقع هو الحلم الحقيقي وان الحلم هو الواقع

وطبعا الكلام ده مش مقنع انا شايف اني وانا نايم مش بسمع حد ولاحد بيسمع مني حاجه ممكن تكون سبب

في تغيير رؤيه ليه او تلخبط دماغه او دماغي

مش بادخل في مناقشات فالسياسه او الكوره او المزيكا اللي بتنتهي في الاخر بموضوع جديد

ونحاول طبعا بكل الطرق اننا نوصل لموضوع يسبب ضحك علشان مايحصلش قفله

وبالطريقه دي بيكون النوم او الحلم هو الوسيله الوحيده اللي بقدر منها اني المس الواقع المعترف بيه

بين الناس

ليه لما تقول لحد بتحلم بايه يقولك مثلا بعربيه او عروسه او فيلا او اي خرف

وبيكون مبتسم جدا

لاكن لو قولت لحد انت عامل ايه في دلوقتي بيرد الرد المعتاد الحمد لله او كويس او فل او مخنوق والكلام اللي يشبه مخنوق

على العموم تقريبا في العالم بتاعنا ده او بالتحديد في مصر الواقع هو الكدبه الكبيره

والحلم هو الامل ... فا انا هنام دلوقتي علشان احلم اكتر واكتر واكتر وهاعتبر ان الوقت ده هو الوقت المناسب لرؤيه الاشياء الضائعه من الباقي اللي باقي من بواقي الامنيات

رقم 1 : من الايام

راجح داود البعقري صاحب الموسيقه التصوريه لفيلم ( الكت كات )

بكتب كلامي تحت تاثير الصمت ولاني حاسس اني مابتكلمش وعقلي هو عيني وصوابعي بس هما اللي شغلين

قرارت اشوف حاجه تخليني احس بروحي متمعشق في نغم هادي

انا فاكر يوم زمان روحه انا وجدتي عن اخوتها في الجيزه وشفت النخل بيتهز

سعتها قولت بصوت عالي النخل بيرقص سمعت ضحك و شافتني جدتي عيل صغير

بس سعتها كنت محتاج تشوف الشي العجيب اللي خطفني من طفولتي وهبل العيال

المشكله ديما في ( كنت )

احتياجي سعات للكلام بيخليني اكحي اكتر

انا فاكر مره كتابه ( انا المليان غناء وحكيات بخلص )

كنت سعتها خايف اوي وماعرفش ليه سعات بيخطفني الكلام للحته دي

......................................................................

اكتشف من واحد صحبي ان واحد صحبه بيقول عليا اني مجنون وبقول كلام مش فاهمه

لما سمعت كده ضحكت

اكيد انا مش فاهم انا بقول ايه لاني بتكلم عن نفسي

يا ايها الفتي المحترم : انت فاهم نفسك ؟

سكووووووووووووت بعرض الشارع

ماتهمنيش دلوقتي تفاصيل ضحكتك او شكوتك اصلك عبط مخبول

مايهمنيش كونك زكي كونك غبي كونك جبان

سكووووووووووت بعرض الرصيف

من اخر صف هناك في اخر حته ف الفصل هاقولك سلام

سكوت بعرض السرير

هششششششششششششششششششششششششششششششششششش

زحمه وشوش

شبابيك هواء حوليك
كل اتجاه عكس اتجاه زحمه وشوش موجودين في دماغك بافعال معينه

بكرا مش شبه انهارده في اي حاجه غير المكان والاشخاص والتفاصيل الاساسيه

اللي لو اتغيرت هاتبقي فاقد للزاكره بفعل التغير

كل الامكان فيها حاله وطاقه مفروضه بسبب وجود الطاقه البشريه اللي بتغير طعم المكان

وبتخليله روح

شبه بالظبط لو قولت لحد انا عاوز اروح اسكندريه هايقولك وانا كمان

لان المكان مليان براح

وده الاحساس الاول والاخير اللي بيظهر كل الانفعلات النفسيه

انا بحب اسلوب الحكي في المسرح لانه بيخليني ادخل جوه روح انسان تاني غيري

هو ده قصدي

حاله من التناغم اللي بتخلي الناس تحس بوجودها في الوقت و المكان المناسب

ماتفتكرش انك لو حزين في حد ممكن يقولك كلمه تسعدك

لا انت هاترتاح بس من نبرت صوته ونظرت عينه اللي مليانه خوف عليك

هي دي الحقيقه اللي بنخبيها في شويه كلام او قله تركيز في التفاصيل الصغيره

ويمكن ده الشئ الوحيد اللي بيميز كل واحد عن غيره

الناس اللي بتشوف تفاصيل الحياه اكتر ناس بتعيش الحياه

التدوينه رقم 100

انهارده هي دي التدوينه رقم 100 ليا وانا بخص بالشكر ( ريهام ) و ( ميدو ) و (كريم ) و( ميشو) و(ادهم ) و(سها) و (كل اللي اهتم بالتدوينات ) و (شادي) ابن المفنيخ ده اللي هو انا يعني عباره عن احداث حصلت وبتحصل بشكل بالنسبالي مجنون في حجات انت بتحصل علشان اخااااف جدا واكتب تدوينه و سعات كمان بتحصل حجات تخليني افرح او ازعل او اتجنن وكل ده بيطلع في التدوينه ودي هي كل الحلات اللي قرارت اني احطها على المدونه بتاعتي ومش عاوز انسي خالص فضل ( ريهام ) عليا انها هي اللي اتدتني ساعدتني اني اكون مدون . بس بيني وبنكو انا عارف اني مجنون ...................................................................................................................... تدوينه جديده بقي انا عاوز اتكلم على التدوينات في حلات كده كانت غريبه اوي عليا وكنت ديما بكتب وكاني بسال الناس عن حل .... الناس بس
ثواني اتكلم مع نفسي:
ازيك يا مان انا بحتفل بالتدوينه رقم 100.
ههههههههههههههه. يعني ايه التدوينه رقم 100.
؟.
اوبس انا اتصلت بحد غلط ..
دلوقتي مافيش دلوقتي وحتي بعد كتير ماييجي انا هاعشق لون الهواء وثبات الريح
واخر رفرفه للعمله المعدينه وكمان هاقدر اقول ان الحياه عباره عن ناس بجد وسط انصاف بشر واتعلمت
من ادهم اني لازم اغلي الكركاديه علشان يبقي كركاديه .
وهواري شرحلي طريق السماء
وميدو عرفني اني في وقت لازم اكون عاقل
وميشو كان صديقي اللي بيعرف يسمعني وبعرف اسمعو
وكريم عرفني معني كلمت حد مني
ودياب ابن البلد واد جدع كده ومالوش فالوع
وسامح اللي كان ديما شايفني وساكت
وشادي المجنون اللي ماكنش مصدق ان حسني مبارك اتنحي هههههههههههههه
صباح الراحه معايه ناس في حياتي يخلوني مصدق ان الدنيا بجد. شكرا لانكم في حياتي