تماما مافيش اي اختلاف حاصل .. نفس الوحده نفس الشخص
نفس اسلوب التواصل
نفس الناس اللي بتقراء .
ولكن بيظهر هنا نقطه جديده اسمها " الفرق " علشان تحصل حاله واكتب ده مش شيئ سهل
علشان انت تقراء اصلا ده مش شيئ سهل .. علشان الاقي الكلمات من دماغي واحضرها من وسط زحمه افكار مدووشه بفعل الفعل ده مش شيئ سهل
من هنا هابداء :
بعد مغامره مع الوطن مدتها " سنه " احتفلت باول عيد ميلاد للجرح اللي في راسي
هو مش بيوجعني دلوقت .. بس سببه وطريقه المعالجه بتاعته هي اللي بتوجع .
قد ايه لاقي الحجات وعارف اقولها .. هاكمل
السنه اللي فاتت كانت مغامره بالمعني والمضمون .. مليانه تفاصيل كتيررر جدا
منها كان في حب وكان في كلام عنالحب وكان في وطن وكان في وجع وخوف وسعاده
لما ببص علي اللي فات رقبتي بتوجعني لاني معول علشان ابص قدامي
بس يا اخي اللي فات بيعلم .. لا مابعلمش بيفهم وكمان بيديك صلاحيه للاحداث اللي منها مثل العلاقات مع الناس .. سعات تكتشف ان في مواضيع وانت جواها انها
" ليها مده معينه .. او فتره وهاتخلص "
مين اللي بيحدد المده دي .. اصلا السؤال ممكن مايجيش علي دماغك بس مقنع
( اللي بيحدد المده دي هو اللي فات ) واللي فات انت مش معول علشانه لانك معول علشان تبص قدام
الله الله كلام جميل كلام نظيف كلام = بس كلام
اكتشف شويه حجات بتلمع جدا منها :
1 - الوطن عند الناس عباره عن وجة نظر مش اكتر " وده بمعني المعني ولكل الناس"
2 - اكتشفت اني مش مجنون " انا بس مليان حجات كتيررررررررر "
3 - اكتشفت ان الحبيبه هي " مكان افتراضي لحفظ المعاني الجميله " او مكان ترمي فيه خوفك من العدم والاحتمال
4 - اكتشفت ان ليا كام صاحب فاشوش
5 - ايماني باش
6 - اكتشفت ان في ناس بتشوفني من جوه بسهوله
7 - اكشتفت ان ميشو وكريم ناس طهره اوي وبتلمع
8 - اكتشفت ان كلمت ملل بتغير ايقاع الناس واشكال وشهم وانطباعاتهم
9 - ( ) المساحه الفاضيه بتمثل ليا الراحه والهدوء .
10 - اكتشفت ان كبايه الشاي الساده لوحدي .. ليها مفعول التكيلا ومن اصحابي الكتير
اللي هما فعلا مش كتير .
.....................................................
من التطورات طبعا حصلالي منها
( عصبي .. متردد .. بركز في تفاصيل اعمق .. بحس الناس بسهوله وبحس بالطاقه بتاعتهم .. وكل واحده من دول بتنفي اللي قبلها )
الساعه دلوقتي بالظبط 6:00 مساء .. هاخد فتره من الراحه وهاعمل شاي بصراحه عجبتني الفكره جدااااا :) " اوعي تكون فاكرني حزنان "
.....................................................
سالت نفسي سؤال حالا .. ايه هو السؤال اللي عاوز تساله لنفسك ؟
وخدت بالي من تركيبه الجمله وقرارت اني انام واتناغم مع الموسيقي اللي شغاله حالا دي ايوه هي عارفه نفسها .
