افراج

بعد قرار الخروج من حالة الصمت في الكوخ وبعد 7 ايام من العزلة
خرجت لوسط اللبلد 
...............................................

الغريب هنا اني لما  طلعت افطر  فوق عند اهلي " لاقيت ابويا فوق  بالصدفه "
قولي انت مالك شكلك حزنان .. وقالي تعالى نقعد نتكلم شويه في البلاكونه 
دخلت معاة البلاكونه وقالي احكي بقي فيك ايه 
" قولتله يا ابويا انا مش حزنان علشان خسرت ماتش ضومنة المكان هنا ماينفعش قبل الفطار وكده خلينا نتكلم في الجراج قالي موافق نفطر وننزل مع بعض "
انا حسيت سعتها ان الموضوع مختلف جداا
ابويا طيب اوي على غفله ولا انا شكلي واضح اوي كده
روحت الجراج وقولتله على اللي انا حاسس بيه حسيت سعتها انه مش عارف يعمل ايه بس كنت حاسس جدا انه عاوز يساعدني وده بصراحه يكفيني جدا .
وسبته وانا حاسس باحساس عظيم جدا ابوك بيحبك ياض 
المهم اني كملت خرجت من الجراج 

وحطيت الهاند فري في ودني وشغلت موسيقي love engie
هاحط اللينك تحت :)
خرجت وانا مليان يائس وملل واحباط 

وروحت سوق الحامديه شربت كبايه قهوة 
وحسيت باني عاوز اشكر مصطفي حجازي وسمير وحمزاوي 
حسيت انهم كانو جانبي اوي الفترة اللي فاتت 
بس بصراحه اكتر حد كان جانبي " سامح "
كان بيتصل بيا على طول وكأني ابنه او منه جدا
وبعدين قرارت تاني اني اتمشى واتصل بي حد كان عاوز يشوفني 
اتصل بي " سارة " وقبلتها وفجائه لقيت محمود عبد الهادي ماشي قدامي ندهة عليه 
وبعد شويه سمير اتصل بيا وجالي وبعد شويه تاني شادي واحمد على ومروة 
بقى في لمه كبيرة اوي حوليا فجاة 
انا بصراحه كنت قاعد معاهم وحاسس اني مفتقد احساس الناس 
كانت وششهم وحشاني اوي 
قعدنا نحكي كتيررررر حماس رهيب جدا كان ملينا
وبعدين الوقت خد مرادة منا وقررنا الرحيل 
انا روحت اركب تاكس علشان امشي 
الغريب هنا ان سواق التاكسي قالي : لو انت كنت ساكن ابعد من الدقي ماكنتش وقفت
قولتله: ليه يعني غريب الكلام ده
قالي : لان الفلوس ولا حاجه انا ممكن اعمل مشوار من هنا لحد المطار بي 50 
ضيعت وقت كتير كنت ممكن اعمل مشاوير اصغر بفلوس اكتر 
قولتله : انت قصدك ان الوقت مهم اهم من الفلوس 
قالي : اه .. انا ممكن اعمل 10 جنيه بالوقت لكن العشرة جنيه مش هاتعمل الوقت 
ربنا يا استاذ خلق الارض في ايام وقت محدد وهاينهيها في وقت محدد  .

ونزلت من التاكسي وانا مزهول من فكرة الوقت والفلوس والنظريه دي جدا 
مبتسم ابتسامة جوانيه .. راضي عن نفسي 
" انا ماخسرتش شيئ ولكني شوفت اشياء كتير " 
شكرا لكل من الشجر والاضائه والكراسي وطعم القهوة و البنت اللي مش عارف اسمها 
  " شكر خاص لابويا " لانه قام بدور مهم في الفيلم في التوقيت ده بالذات :)
واخيرا او اولا شكرا لهذا التراك 
 http://www.youtube.com/watch?v=Jf1gTK-NoJk