ماتلعبش بخيالك وانت ماشي

ماتلعبش بخيالك وانت ماشي
عاوز تغني غني بس ماتقعدش تعد فالناس
الناس مش هاتروح تخطبلك حببتك ولا
هاتخش الامتحان بدالك
الناس مش هاتسعدك على النوم
هما دوشه وبس
وانت كمان دوشه قعدت تسمع كتيررررر
ودماغك باظت
ماتخبيش عليها انك محتاج تنتحر الايام دي
في ملل لان الوطن ديق والافكار والاحلام متخرمه
وصوتك مابقاش عالي زي زمان
فا ماتلعبش بخيالك وتقولي انك كده فرحان
في عالم الروح انك تمشي تتفرج على خيالك وتحاول
تركز فيه ده شيئ مقبول
لاكن في عالم الواقع ده مرض
او هبل او استهبال
مين اللي بيخلي اي حد يسرح على غفله
غير احتياجه للسكوت
وما تجبش الهموم اوالمشاكل اوالظروف على حد تاني غيرك
انت ليك سبب كبير
بس ديما اقول ان الشجره ممكن تموت لو مش مزروعه كويس
طظ فالسجاير ايه يعني هاتموتني وموافق
دوشه دوشه عمتي طظ فيكي انتي حماره مش فاهمه يعني ايه حب
انتي ابيض واسود
انا شخبطه
وورقه وقلم واصوات ووشوش وخيالات
ما انا كنت موافق في الاول
ودلوقتي انا مش موافق
بحس الناس اللي حواليه بيخرجو طاقه كده هبله
وايمن لما يقول شيكو بيغني كويس لا كن صوته وحش
مافهمتش بيغني كويس لاكن صوته وحش
اي كلام بس مش عارفه ده حلو ولا وحش
تلاته وحش وره بعض
علشان اخد بالي من بعد ما كنت بسيب عقلي وقلبي والكي بورد يكتبو
دلوقتي بركز
هو انا لو كنت بسمع كلام اهلي ووافقت على اللي هما عاوزينه
كنت هاكتب كده طيب ..كنت هلاقي نفسي
لا
انا كنت اقول لامي ان الصوره بتاعت الفرح بتعها هي وابويا مش صورتها
وان هي دلوقتي وحده تاني
كنت باشكك في انها هي امي غبي
كنت واثق في ابويا جدا
مش ممكن يكون ده بسبب الميك اب
ممكن
خد عندك مافيش مصدر للدخل ... انا كنت بتفرج على افلام
والاقي البطل المغنواتي فقير وبعد شويه ينجح
ويكسر الدنيا ويبقي غني
انا مش بكره اني فقير
انا بكره الجوع سعات
ماتقوليش ان ربنا مش بينسئ حد
هو مش بينسئ هو مش بيركز بس مين يستاهل ايه
عادي
ماتلعبش دور مش دورك
اعترف انت قرفان
مش هاينفع تلعب مزيكا وتشتغل وتزاكر وتحب
علشان انت لسه ديق حبتين
بس ممكن تحب وتلعب مزيكا وتشتغل وتزاكر كمان
روحت اخترعه جمله اسمها فالقسم
ريحت كل العيال اصحابي وخليت المشكله بقت سهله
سؤال انت بتكره حببتك
لا
بتكره الجيتار
لا
بتكره الفلوس
لا
بتكره اصحابك
لا
بتكره الخمره
لا
بتكره الحشيش
لا
بتكره نفسك
اه سعات كده بكره نفسي
علشان بمشي ابص على خيالي في الشارع والعب معاه

رساله جديده

رساله جديده من رسايل كتيره فيها نفس الاحساس نفس الاخطاء نفس المحاوله للوصول لمعني من المعاني والسعه
ديما بكون فالكوخ مستخبي من الحجات الممله بس سعات الاحساس الممل بيدخل للكوخ ويوصلني حتي لو كنت بسمع فيروز
المدونه معموله علشان تتكلم عن نفسك بس في ناس بتقول على لحظات معينه انها لحظات مش ظريفه او كائيبه
مع انها هي الحظات اللي بتخلق فيك حاجه جديده ممكن تلاقي حد يسمعك كويس وبالتالي انت كمان تسمعه
او اي حاجه وخلاص .....
انا طفل مولود من بين حدود السمعات والابر
كانو الناس هناك متغطيين بلون ابيض
وكنت انا العريان
كان لوني لون جلدي وماكنتش بخاف ضربوني علشان اصرخ
وكنت لما اصرخ الكل يضمني
وينده عليا بصوت بيحبني
واهرب من بين حدود الطفل كاره غضبان
اه يا امي ليه بتخراجيني ما كتي تسبيني
صدقيني كان شكل اجمل وكنت سعتها بحس بكل احساسك
كنت بسمع صوت قلبك وهو بينبض بسرعه لما تبصيلي جواكي
وقد ايه حبيتي وجودي جواكي كنت ساعتها بحس النبض
.........................................................................
بس كده هو ده اللي عندي ..

مغلق

مغلق لاعاده التاهيل

تقدر تقول مثلا

علشان مانيش طيار ولا فارس ولا بحار

ولا بعرف اغزل بالحكاوي حواديت
وبقالي كتير مستني الدور
وكل الحجات منغمشه فالسماء
ماهو اصل الدنيا برد وانا قرارت اني اكتب
اقول ايه .. اقول ايه
مش محتاج اصرخ ولا حتي اقول نوااااااااااال
ومش لازم اقول اووووء
ما انا اصلي مش عندهم قصدي مش معزوم يعني
لما هانعمل الغداء هانتصل بيك
ترن ترن مافيش اتصال
مافيش حد هايكلمني من سلك السماعه
ويتظاهر بانه سامعني
لاني زي ماقولت مش هناااااك
يا حنين هو انت مش فاهم اني بكرهك
لا بعشقك ولا اقولك بكرهك
كل الخطوط متشبكه ببعضها ترسم طياره ورق
هي ورق بس بيطير زي حلمك يا جاهين
زي قميص ابويا اللي ليه جيب ديق صغير مابيساعنيش
ديما تجيني في شكل السؤال وتشدني لحضنك كانك بتحب فيا التمرد
مش عاجبك وانت كمان مش عاجبني
يا هواء ماتخف ايدك شويه انا سقعان
وحببتي مش جانبي دلوقتي علشان تحضني
بس تعرف لسه نفسها فالبيت طيب حنين زيها
ايه ده استني كده انت عاوز تنام بسرعه قوم
قول لعم رياض انا هامشي وحاسبه بسرعه وروح احضن
الجيتار وغني غني غني املا الكوخ اغاني غني في كل ركن
سيب صوتك على الحيطان يمكن لما تتعب هي تغني
اه يا حببتي بحب صوتك اوي وبحب صوت فيروز
وبحب كمان ضحكتك لما بنجري انا وانتي في وسط البلد
مابيهمناش عيون الناس اللي مليانه كلاكيع
كل اللي بيهمك ويهمني الهواء الساقع اللي بيلمس رحنا علشان يعلمنا الدفاء
بحبك ياربنا اوي شكرا ليك علشان بتسامحني

ماتعدنيش قدام عنيك مشهد سريع

دلوقتي انا هاقول اللي عندي من غير كسوف لاني مش ماكسوف مني
مش معايه غير شويه احلام وكلام واشكال للحروف بتتكون بشكل مش مظبط اخطاء في الكتابه
بس عادي مش مهم دلوقتي هاقولك ماتعدنيش
:::::::::::::::::::::::::::::::::::::::::::::::::::::::::::::::::::::::::::::
ماتعدينيش قدام عنيك مشهد سريع بيمر
دانا حالي مش بيسور
ماتفتكرش ان الحكايه هاتنتهي باسمي
انا نكته بايخه فوسط قاعدت ظار
انا روح ودم وصوت ايوه انا سبب كل الاعزار
ماتعدنيش قدام عنيك انا اصلي بعرف اشوف
اشربني جوه سيجاره انفخني خلصني
ادعكني جوه عنيك
امسحني من فوق جبينك
لخبطني كوني جنين
اشتمني لو عاوز تفضفض
لوني اعملني لوحه وعلقني
بس ماتعدنيش قدام عنيك
انت الوحيد اللي عارف كل حاجه
طب ليه تعيس هاتقولي عيش
طيب ياعم ان كنت هم انا بردو شيئ .. لا انا كل شيئ
ولما هاخلص هاتخلص الدنيا ف عيوني ومش هاشوف
اسمحلي احس اني بشوف
اسمحلي احس انك شايفني
اسمحلي اقول انك انا وغصب عنك هاييجي يوم وماتعدنيش قدام عنيك
عاوز دليل انت الدليل
انت الكلام كل الكلام
انت حالتي لما اغني لدور زوكام
انت عيني لما ابص على البنات
انت اخر بق بيره
انت حضنها الحنين
انت اوتار الجيتار
انت ضحكتنا اللي صوتها اعلي من صوت انفجار
انت المرار انت ضواء شاشه موبيلي لما يطول الانتظار
لجمله شارده منهم في وسط تخاريف الكلام

وبسرم بس من غير لون

وبرسم بس من غير لون وبستني اشوف رسمي اللي انا شايفه وماشفهوش اه ده اسمو الخيال بالنسبالي
حجات كتير بتشكل شكل الحديث الداير بين الناس شويه حجات كلها اتعلموها من بعض علشان يقولولها لبعض. حاله من الملل او البطاطس او الاشيئ
الساعه بتاعتك مش زي الساعه بتاعتي ليه. وهمومك مش زي همومي وهدومك مش زي هدومي . بس الفرق بيني وبينك شكل الضحكه وصوتها العالي وطبيعه النظره للاشياء
سعات بجري وبرقص وسط الشوارع بليل وماحدش يشوفني بنطلق علشان انا عاوز انطلق
الاغاني مابتخلصش من دماغي خالص وتقريبا مش هاتخلص علشان انا مش عاوزها تخلص.
انا اكتر واحد بيكره الازعاج ماتزعجنيش علشان اعرف اقول انا (بحلم ) سبني
ومش ضروري تصحيني
كل الخطوت العبيطه اللي تشبه شكل خريطه العالم ماتهمنيش ولا يهمني اني غني وممكن الف العالم ده كله ومش هاقول اني صغرت احلامي لحد مابقتش باشوفها .
لا هاقول في امل حتي لو مش عارف يعني ايه امل اللي انا عارفه بس اني بحبك ومصدق واني كمان لو قرارت اعمل اغنيه هاعرف اعمل اغنيه بس هو ده الشيئ الاكيد
هايحصل ايه بعدين مش عارف ومش لازم احط ايطارلااحداث علشان كده هاتبوظ
عاوزني اقولك حاجه تحب اقولك شيئ زفت شيئ مقرف خد في دماغك مافيش فلوس يا سيدي
والبيت بقي واسع ومابقاش بيديق والكلام بيفضل كلام والاحلام كلها شبه افلام الكرتون
والناس كلها خيلات والضلمه مابقتش ضلمه ونقط الضعف كلها واضحه تماما
ولسه بيحطو سور على الجناين ولسه الناس بتضحك على حجات هبله ولسه في ناس مصدقه ان بكرا الدنيا هاتبقي احلي وفي ناس بتنام علشان معندهاش حاجه زي حلاتي
وفي التزمات وفي فارس معاه خنجر صفيح وحصان خشب وفي دوشه في عز الوقت اللي بتحتاج لهدواء فيه ناس بتموت في اي وقت وفي ناس محبوسه في جسم مش قد روحهم ومافيش ابطال للحكايات
كفايه كده علشان الباقي هايكون تقليدي زي اللي فات ده
نقول حجات حلوه اني لما بخرج من الكوخ علشان اروح اجيب اكل او اشتري استلا
بشوف وشوش الناس اللي انا عارفهم بيطمنوني معرفش ليه يمكن لان بيني وبينهم حاجه
كل الحجات اللي بترضيني مش ممكن ترضي حد غير حببتي وشويه من اصحابي الحقيقين
انا بخص بكلامي ميدو وهواري واحمد مجدي وميشو وادهم بدون اي تهييس
هي دي الحجات الجميله اللي بتخليني اثبت وارفش اني امشي انا مش هامشي غير لما ازهق
انا هافكني من الحكايات الماسخه اللي ملهاش طعم
وهاستمر في رحله البحث عن المعاني المسخبيه في اركان الحيطان
لحببتي اقول بحبك لانك شهادت ميلادي الجديده اللي فيها اسم يناسب كوني انسان اسمي حبيبك
لاحصابي اقول شكرا على الوقت الحقيقي اللي هايفضل حقيقي
لنفسي اقول ................. ولا حاجه

نفس الكلام بس بشكل مختلف

وسعات .. هي دي الكلمه اللي ديما بقولها لما مبلقاش كلمه ابداء بيها هي بتجيب كلام لوحديها علشان السعات بتعرف تحدد معاد كل المواعيد المهمه في حياتي زي المعاد اللي هاشوف فيه حببتي او معاد نومي او معاد الحفله او معاد موتي اي معاد مهم او مش مهم او لازم يحصل
الغريب في الحكايه انك وانت ماشي على قشر البيض بتبقي عارف انه هايتكسر بس بتصمم تكمل علشان انت لازم تمشي ولا هاتقف في مكانك
الاساله الكتير الاهتمامات والمواضيع الخربانه اللي بتزود حجات جوه دماغي مشاكل البلد ومشاكل الزباله وترويق الشقه (الكوخ)ومشكله اني لازم اتدرب علشان اغني احسن واحسن وحكاوي الناس اللي بتدخل في ودني بشكل غبي انا مش رافض بس مش حابب
القرارات السريعه وصوت الراجل بتاع الجاز وهو بيقول جاااااااااااااااااز بطريقه تموت من الضحك بس هو مش سعيد عنيه مليانه مشاوير كتير ووشوش ناس اصلا الاهتمام بالحجات بيعملي نوع من الراحه ومايهمنيش ان شكل الكلام مش مناسب لحد .
طبعا بعد اكتشاف مناطق الالم قرارت الاتي : استخدام الصمت لفتره من الزمن للاستعداد للتواصل مع الذات

تاجر الكلام

ويمسك قلم و ورقه ويبداء يقول عن الحجات الكتير
اللي مليانه هواء
مسجون ليه يا كلام ماتطلع بقي خليني اكمل كتابه عاوز ارغي شويه
ااه لقتها الناس في الشارع بحسهم عملين تناغم في الملابس والصوت والملامح والطول والحجم
هما ماشين في وسط البلد على ايقاع عيني
يخلص هنا كلامي عن الناس علشان اقول كلام تاني
شكلو شبه رغيف العيش الخارج من الفرن
المزيكااااا وطعم السيجاره في ايدي الشمال ولحظه الصمت اللي بتكمل شكل التاجر بتاع الكلام
وفكره ان الناس كلها هاتتجمع على كلمه حب كره كفر صدق وطن
كراكيب كتيررررررر حولين حياتي وعجباني بس
انا بعجب الكراكيب دي؟؟
اه انا بعجبها علشان هي ديما ساكته
ومش بتقولي حاجه وكمان انا السبب الوحيد لوجودها هنا
هابداء اخترف تاني
لما واحد يحاول يقول لناس حاجه هو مصدقها اوي ويتكلم عنها كتير
هايظهر احتملات كتير منها ان الناس ممكن تفضل تسمع الكلام بتاعو
لانه شكلو حلو ويشبه شكلو ونظرات عنيه وايمانه
او بلخبط حجات جوه عقلهم ويسبب حاله من الهبل بمعنها الحقيقي فاتخرج منهم بسرعه ومن غير تركيذ ضحكه عاليه
او يتكلمو معاه فالموضوع فالحاجه اللي هو بيقولها دي على سبيل الفراغ اوالبقدونس
..............................
التاجر بتاع الكلام محتار اوي دلوقتي وبيقول لنفسو هو يعني ايه ناس
يعني حبه بشر متجمعين هناك وبيتقال عليهم ناس
ولا الناس يعني طاقه من الاحاسيس بتشد عنيه ليهم علشان كده بيبص عليهم
" في شيئ مهم اوي انه وهو بيتكلم دلوقتي السيجاره في ايدو الشمال "
وصوت فيروز بيغطيه وبيعمل حاله تشبه حالته وهو ماسك ايد حببته اللي ديما عندها اجابه لكل سؤال
انا مش بقول ان فيروز زي حببته لان ده في ظلم كبير اوي ليهم هما الاتنين
كل وحده فيهم ليها دور فعال اوي فتكوين الكلام اللي بيقوله التاجر
................................
من صفات التاجر انه لازم يبيع ويشتري
بس تاجر الكلام بيبع كلام وبيشتري كلام
والكلام سعات بيكون اول طريق الفعل والكلام سعات اصلا بيكون فعل
لو صادق
والصدق حاجه طيبه وهو التاج للي لو معاك ممكن تملك الدنيا كلها
وماينفعش حد يصنع تاج الصدق لحد هو بيعمله لنفسو علشان كل واحد عارف مقاس روحه
السؤال هو: امتي وليه وازي
الكلام مش بيخلص من التاجر غير لما يقرر انه يقول انه خلص