شـــــــــــــــكـــــــــــــــــــرا

شــــــــــــــــــــــــــكــــــــــــــــــــــــــــرا

وانا ماشي كده

وانا ماشي لوحدي وتايه مني بعيد عمال اشوط ورق الشجر اللي
زهق من الشجر وقرار الانتحار
.........................................................................................................................................................................
كانت مش سامع غير صوت الا شيئ كنت وانا وماشي لوحد وتايه مني بيعد مش عارف هو انا رايح فين ...هو انا ماشي في الطريق الصح ولا انا بامشي علشان لازم امشي وخلاص ولا انا عاوز اتوه
وليه كنت بقول ان العصافير بتطير وتروح اي حته ومش بتركز هي هاتوه ولا لا بتطير بس... معندهاش حاجه غير الطيران
كل الانفاس اللي اتنفستها في الاماكن كانت بتحاول تلاقي حاجه تشبهني علشان توصل لجوه منو وتشكل خط معين جوه عقلو بستحمل حروف اسمي ..
وكنت ماشي ماخدتش بالي من الناس لاني كنت متاكد ان مافيش حد هايخد باله مني اصل الناس .الناس مش ناس وكنت عاوز اكتب على الارض جمله واحده بس (اه يا عذاب النفس ) .....
كل الاحداث السريعه اللي باشوفها وانا راكب الاتوبيس مابتبقاش واضحه لعقلي وكمان مش بتكون صوره خالص
الحكايه دي بقي شبه حياتي اللي هاتخلص وممكن ماتكونش صوره
انا كنت ماشي وتايه مني بعيد هاستناني واكيد هاشوف فيا شيئ تاني
السماء صفيا والشمس طالعه بس مش بتوجع عنيا وبعرف اشوفها وابص ليها علشان هي عاوزاني اشوفها بوضوح
مره واحد هولامي اوي سالني لو انت عارفت ان النفس الي هايخرج منك دلوقتي هو الاخير هاتقول ايه قولتلو ساعتها هاقول سلام لاكن لما توهت من نفسي وعرفت حاجه والدنيا عملت فيها عرفت اني مش هاقول في اخر نفس حاجه انا بس هابص للسماء ودلوقتي بما انو مش اخر نفس ليا سلام

حبه كده

انا عندي 24 سنه وعندي جسم بيكره الحر والدبان وكمان عندي لسان وعقل وقلب ورجلين وادين وودان و كل الحجات دي مش بتشتغل بنظام لانها بتتغير مع الزمان والمكان والابعاد اللي بين السطور
...................................................................................................................
اتولد سنه 1985 وكنت وانا صغير ديما بستغرب من حكايه ان اللي اتولد سنه 1984 اكبر من اللي اتولد سنه 1985 والحكايه دي فضلت كتير معايه لحد ما اتعودت ان في حجات بتبقي مش عقله بالنسبه لعقلي المحدود والمعروف ابعادو ( ساعتها )
..................................................................................................................
مصاب بالوحده المزمنه واكتشاف الاخطاء والضمري اللي بيوصل لدرجه الرخامه طبعا
ده مالهوش لزمه في الوقت ده بس للاسف كل ده شغال عندي وملهوش علاج
...............................................................................................................
انا هاتخصص ومايخصش حد انو يعرف لان ده اختصاصي انا و موجود مخصوص علشاني
فاذا كان 1+ 1= 2
فا انا رافض لان واحد وواحد مش لازم يتجمعو لانهم واحد وواحد
.........................................................................................................بس

كان عندي شيئ

استني شويه لما اضحكك كنت عاوز يبقي عندي فريق ونعلب مزيكا ونلف العالم مع بعض ونغني للفقراء ونتكلم عن مشاكل الناس
بس الاوغاد طبعا لازم يكون في اوغاد في الحياه ومافيش حد بيظهر اللي جواه مش عارف ليه
انا مابقتش عارف هو مين السبب في الهسس اللي بيحصل ده مين السبب وبعدين انا كنت بدفع فلوس وهما كمان كانو بيدفعو فلوس في البروفات يعني كلو زي بعض ليه فجاه كده الدنيا تتشقلب وتبقي بالشقلوب
انا ماخسرتش حاجه خالص عمري وقتي فلوسي حرقت دم تركيز كل ده عادي عادي جدا
مش لازم يكون في شكل معين للفن جوايه اكيد انا جوايه حاجات تاني وهاحول اكتشفها
وشكرا لكل من ساعد في تدميري شكرا ايها الفريق العظيم

اسف يا مصر

موجوع يا ليل البلد مسروق من قلب بيت القصيده ماسكين وساكن زي نجمه مهجوره من سنين
مش عارف اقولك حاجه ولا عارف حتي اهون عليكي لاني مش كداب
مش عارف اوعدك بشيئ مافيش جوايه شيئ ليكي غير اني مصري اتولدت مصري بس كده وحتي مافيش هروب من ده انا لما بحب واحده وتعمل شيئ يخنقني بسبها مع انها حببتي بسبها بعد ما يخصل بيني وبنها لغه الحوار علشان مافيش شيئ ممكن اقوله ليها خلاص كلمنا كله بيخلص فا بسبها .. لاكن انتي اعمل معاكي ايه وانا اللي عارف انك مخنوقه ومجروحه ومافيش في ايدك حاجه ده لو طلع اصلا انك ليكي ايد زهقت انا من كتر الاكل والشرب والنوم والمزيكا والصحاب كل شيئ جواكي بيخنقني .. زي مايكون في واحد مخنوق مع جماعه من اصحابه قاعد مخنوق جدا ومافيش حد فيهم مزعله بس هو مخنوق بينقل الشعور ده ليهم انتي كده نقلتي ليا احساسك ومش انا لوحدي ناس كتير بس يمكن مافيش كتير بيعرف انك انتي السبب اسف يا مصر لاني باكل ولاني بشرب ولاني بنام ولاني ليا اصحاب ولاني بلعب مزيكا وانتي مسجونه بس مش اسف لاني هافضل اعمل كده علشان اعيش انا عرفت ازي اعرف اعيش حاولي انتي تعرفي .......

الحطان

الحطان بس اللي بتفتكر الزكريات حتي لو كنت فاكر انك بتفتكر وعبقري ودماغك مابتفوتش فتفوته لا يا رفيق الحطان زاكرتها اكبر منك بكتير بس للاسف ملهاش لسان علشان تعبر عن مشاعرها ليك بس هي ديما بتقول لنفسها انت ايه ان الشيئ اللي بيمشي جنبها وعمره ما شفها او حسها او لمسها وطبط عليها انت مش مهم ليها خالص بس هي مهمه ليك اوي لانها بتديك احساس بالخصوصيه اللي مش بتلاقيها حتي وانت وسط اقرب حد ليك نفسك من غيرها مش هاتكون لان ابوك وامك مش هايعرفو يتوصلو مع بعض علشان يجيبوك فااااااااهم طبعا
الحطان بتحفظ سرك زي المثل اللي بيقول الحطان ليها ودان بس المهم في الموضوع ده ان الجماد ممكن يتنفس امام انسان واحد بس لما يصدقو ويحسو بكل ابعاده المستخبيه تحت كلمه الكسوف .
وطبعا مافيش اي تفسير واقدر اقوله لكلامي ده غير انه احساس مستخبي في عبايه السكوت
سعات كده ببقي لوحدي او مش سعات ديما بس انا بكابر وبقول عكس كده انا ببقي لوحدي ديما بس الحطان هي بس اللي بتسمعني ممكن يكون شكلي وانا بتكلم مع الحيطان اني مجنون بس ده لو حد شفني مافيش حد بيشوفني خالص وانا بعمل كده لان مافيش حد اصلا
سعات كنت بحس ان الحيطان بتديق عليا وبعد كده عرفت انها مش بتديق لا انا اللي بتملي وببقي اكبر من المكان حتي اللي المفروض انه يحتويني زماااااااان اوي وانا عيل صغير حلمت حلم غريب اوي حلمت ان في غزاله محبوسه في الحيط ولما صحيت من النوم قعدت احفر بالمفك في الحيط ومافيش حاجه ظهرت ولا الغزاله طلعت من الحيط وامي شافتني وضربتني كان نفسي تصدقني علشان انا كنت مصدق ان في غزاله في الحيط ولما نمت تاني يوم حلمت ان الغزاله دي كلها اسد اكيد ده السبب اللي عقلي المريض صوره ليا علشان ماحفرش تاني في الحيط ومن سعتها وانا مش بحفر في اي حيط خالص
جوه الصمت اللي بيشبه لليل الخريف بيظهر شيئ ويقولي اسكت شويه واسمع يا غبي صوت السكوت علشان تتعلم شيئ وديما كنت بحاول اتعلم بس اللي اتعلمتو من الاحساس ده ان في حاجه اسمها الصمت والصمت علمني ان الحطان هي الحاجه الوحيده اللي بتفتكر الزكريات