بين الهزار والجد

بين النهاروالنهار بين الهزار والجد تم زرع بزور من جسم لجسم اخر ( جيت انا )
مليان لخبطه وهزار وجد ونهار ونهار تاني مافيش لليل كتير في حياتي
مع اني بعيش بلليل اكتر وده مش شيئ غيرب ده اسمو شيئ عادي او مهلبيه
خلينا بقي نقول :
عشت من كام يوم اسرع قصه حب في حياتي تقريبا كام يوم كده بتاع 3 او 4
وانتهت بسهوله جدا لانها مش كامله في الاساس
والمشكله الكبيره هنا ان لو واحد اهتم بواحد تاني اوي هايحبه
صح كلامي ولا ايه
وطبعا في عوامل مؤثره زي مثل التفاصيل الدقيقه فالحكي
او احساس اللهفه والقلق والخوف عليه ومنه
ده حصل بس انا كان ليا رائي هايل فالحدوته دي
هو اني اسال : هو انتي بتحبيني ؟
وكان الجواب منغمش بسبب الا معني
فاكان اللي حصل اني قولت بسرعه جدا مش عاوز اهتمام زياده
لان ده هايععلقني بيكي وده مش مستحب عند روحي
لاني مستحيل اطلع اللي جوايه في الهواء من غير وصف دقيق ليه
...........................
اما بعد انا ديما بقول الناس كلها بتخلص انا مصدق يا جماعه
كل الناس بتخلص
بمعني الموت الجسدي او الاختفاء او التنفيض ......... الخ
بس اللي بيفضل موجود هي الزكريات
تعرف مثلا
انا مجنون لسبب وانت عاقل بلاسبب

ماتقوليش ان الحدوته عجباك

رساله متعاده للتاكيد على وجودي فالحياه

معجون سنان وفرشه ومشط ومرايه وحنفيه ولمبه وحوض
" اللي حصل ده كان الحمام "
تعالي بقي عند المطبخ
" مغلق للتعديل "
مافيش غير المكان اللي بنام فيه وده اكتر مكان مليان ذكريات
لو كنت ذكي شويه كنت عرفت اني لو مش حر كنت هابقي اسطوره
ديما الاحرار بيفتكرهم التاريخ وينساهم بسرعه
وكان التاريخ شخص قاعد جوه اتوبيس وبيبص على الناس بنظره سريعه
مافيهاش اي تركيز
السحاب بيمشي ويخطط على الرمل والسراب بيشدني
ولو مافيش سراب انا كنت ماكملتش ف طريقي كنت زهقت
كنت مت لومافيش سراب انا كنت مت
الامل ديما بيكون شبه الاحباط
اتخيل حاجه مثلا الموت بيسامحني علشان اكون وسط ناس بحبهم
انا
الاصل والصوره و المسخ نسخه من شيئ
مين هاكون ولو كنت ..انا كنت ايه.. وهاكون ايه
" اللي حصل ده اسمو صوابع محشي "
كل حرف وكل كلمه كانت ممكن ماتكنش كده كان ممكن
الحروف كلها تتلخبط وتتكون جمله تاني مليانه حجات تاني ومعاني تاني
بعد ما اخلص كتابه بحس ان الكلام اللي انا قولته هايرفض
مكانه وهايتغير بس انا مش هاشوف بعيني اللي حصل ده
ممكن لا مش ممكن انا اخترت اكتب .. كل الاحاسيس انا اخترتها
اعتمدت علي نفسي وانا بكتب
في شيئ ديما هو اللي بيخليني اكمل كلام
امتئ هايسكت الصوت الخفيف اللي بيشبه الهواء الساقع ويلمس جلدي
وروحي
في مشاهد كتير ليا ممكن اطلع بمشهد
وانا مسكين او اطلع في مشهد وانا ماسك سكين او اضحك
دلوقتي اقفل فيروز واسمع محمد منير وكمان شويه اقفل منير واسمع محمود درويش
وبعد شويه تاني اسمع زياد الرحباني ليه كل ده ليه الناس دي
ليه وجيه عزيز ليه مش تامر حسني او عمرو دياب ليه ديما حد جواه حاجه ليه ديما
ليه مش علشان اكمل شيئ جوايه لا ده اسمو الاحتياج للصدق
"اللي حصل ده حديث مشوش شبه بخار الماء الخارج من
جوه صدري ساعت لما ابص للمرايه واتوه في تفاصيل وشي"
................................
وليه ماتكنش دي لحظه صدق حقيقيه مافيش كسوف انا اصلا مش مكسوف
انا هاعترف لازم اعترف
بحبها .
بحبها لدرجه اني بحس ان لحظات الوحده الغبيه فيها خلل
مابقاش بيعجبني حبي للوحده انا بس بحبها هي بس
كان ممكن المزيكا تكسب اكتر لو كانت المزيكا قالتلي انت لوماكنتش
مزيكاتي كنت هاتبقي مزيكاتي وانا اقول اني بعتمد على كلمات
بتوجعني وصوتي وكل حاجه اتعلمتها وحظي والحظ حظ الموهبه
بعتمد على موهبتي اللي مش ملكي وهي في الاساس ملك الناس
.................................
مافيش حد كان بيوجهني لفتره لحد ماظهر حد وجهني انا التاني
انا بذهق من الذحمه وعلشان انا بذهق من الذحمه ذهقت مني وابتدت مشكلتي
انا المسافر والسبيل
والبدايه لكل حد فالكون كماله انا الكماله بتعتي
لازم ييجي نصر
علشان اصدق الحواديت والنجاح المرسوم فعيون الناس اللي بتسمعني
انا عاوز اقول
حاجه
(.......)

شارع طلعت حرب

بنفس الحرص الشديد على مشاهده الناس ولفكره اني عاوز اشتري بنطلون
نزلت وسط البلد
وكان اللي كان
مشهد اول : المكان شارع طلعت حرب
البياعين بتصرخ فالشارع علشان يشدو نظر الناس انا اتخضيت جدااا
واحد بياع بيقول اااااااااااااااااااه بصوت عالي اوي وكائنه موجوع او بيتضرب
ده اسمو جنان او حاله من التوتر الخارج عن السيطره
كملت في طريقي طبعا بحاول اركز انا عاوز اشتري بنطلون
وفجاه كده على غفله واحد شدني من دراعي وقالي تعالي افرجك علي المحل اتفج بس مش لازم تشتري
قولتله: لا مش عاوز شكرا
قالي :لا هاتتفرج
كان ردي المنطقي احاااااااااااا
ومشيت وسبته ولا كائنه حصل اصلا
فضلت ماشي كتير بتفج علي المنظر ومش مصدق يعني ايه الناس بتصرخ فالشارع
ده حتي مش بينادو ويقولو ( تعالي بص ) بتاعت زمان
لا ده صراخ صريح
فضلت ماشي وفجاه تاني واحد جي عليا وماسك تي شيرت وقالي ايه رائيك فيه
قولتله ( البسه ) وكملت مشي
طبعا البسه الوحشه مش الحلوه
مشهد تاني : محطه مترو الاسعاف اتجاه حلوان
كتابت علي موبيلي بيت شعر ( انا لسه قاتل نفسي من ساعه )
الغريب اوي اني فضلت فتره كبيره قاعد على الكرسي في المحطه عمال ابص للجمله دي
ومش عارف اكمل
مشهد اخير : قرار
قرارت اني اغير نمط الحكايه كلها حطيت سمعات الموبيل في ودني
وشغلت فيروز (بيت صغير ب كندا )
وركبت المترو انا شايف وشوش الناس وسامع صوت فيروز الحنين
حسيت اني مسامح الناس كلها علي حاله حصلت مش شبهي
وصالحتني وقولت بكرا احلي ياشيكو ابتسم :)

اي كلام

موديل السنه دي
مافيش معني محدد جوه دماغي علشان اتكلم فيه وانا عارف ان كل
كلامي مش مهم او مش ضروري لحد
علشان كده انا هاتكلم بصراحه واقول اي حاجه
انا مش خايف منها انا مصدق انها عاوزه تبقي انسانه كويسه
مش عارف ايه اللي بيحصل بس اللي انا متاكد منه انها انسانه
عرفت تكون انسانه وانا لسه بتعلم ازي اكون انسان
انسان دي كلمه سهله اوي بس المعني كبير واكبر كمان
من قوس الكمان (كمانجه) الكلام بقي ملوش طعم بعد ما حطيت ايدي
على الوجع الموضوع كلو ان زيد مش زي عبيد فا اكيد هايطلع
عيني علشان اعترف بحاجه مش عاوز اعرفها لحد
مش عارف ايه اللي مستخبي ليا بكرا بس اللي عارفه اني بقيت نظيف
مابقتش بحس باي شعور ملوث بشئ من الكره او الحقد
الله على طعم الهواء بيدفي صدري اللي اتملي تراب
هانفخ التراب وهانفخ البلالين كمان علشان اطير ياه نفسي اطير
يادي الحلم الغبي اللي كل لما اجي اكتب اقوله
فاااااااااكس كفياني طيران
تخيلو كده لو كل واحد مننا قال لنفسه على اي حاجه فاكس
يعني الحب فاكس الجواز فاكس
الشغل فاكس البلد اهلي اصحابي
اي حاجه وبعديها
يقول
فااااااااااااااااااااكس
وينسي طعم الحاجه دي ......... ( الي هيحصل دلوقتي اي كلام)...؟
تعالو نساعد بعض علشان نوصل لمستقبل احسن
تعالو كلنا نتعلم فلسفه السمع
تعالو كلنا نقول لبعض الحقيقه حتي لومش حلوه
تعالو ننسئ الكدب
تعالو نضحك في وش بعض
....تعالو نكون بشر ...
::::::::::::::::::::::::::::::::::::::::::::::::::::::::::::::::::

امي

وحشاني اوي
قالولي زمان انها بتبص عليك من السماء
وانا بصراحه مش بصدق ف الكلام ده
يااااااااااااااااااه بقالي كتير ماحدش ضمني
وحشاني اوي
معقوله ماتجليش فالحلم انا عارف ان الحكايه كلها في عقلي الباطن
هو انا مزعلك
سعات بحس بيكي فيا لما تجيلي لحظت الشجن اياها
انا كنت بحب بنت حضنها شبهك بس الموضوع خلص
بصراحه بطلت احكي عنك لاني سعات بحس في عيون الناس جمود
ماهو انتي بردو مابتحكيش عني
امي صحيح سلملي علي جدتي اوي وبوسيها
وقوللها محمد بيسلم عليكي وبيقولك وحشاه
ابويا كويس يا امي وزي ما هو مسحول فالنسوان عايش علشان يرازي الناس
عنيا اتملت دموع ومش شايف الحروف علشان اكتب
اه يامي الوحده خنقاني اوي
لما سعات بطلع لاهلي مابحسهمش
انتي عارفه بقي الحكايه
امي ابنك بقي بيغني والناس بتحبه
مش كل الناس يعني
انا مش مشهور بس بحاول
امي هو انتي بتشوفيني زي مابيقولو
امي انا ساكن في نفس الشقه بتاعتك اللي اتربيتي فيها
سعات الناس بتقولي ايه المكان ده اللي انت قاعد فيه ده
مايعرفوش حاجه
امي انا بشرب سجاير وحشيش وخمره
انا اسف مش هابطل
ماتزعليش مني انا برردو غصب عني بتخنق مالحياه
كان نفسي الكلام ده يوصلك

................

البدايه ( رغي كتير مالوش عازه)

النهايه ( سكوت بعرض كل شوارع مصر )

في النصف ( انا )

بحبك اوي انت الحياه ليا ( كلمها .. كلامهم كلهم )

انت اجدع صاحب فالدنيا ( كلامهم هما ليا )

وانا بقول بصوت مش واضح سعات ماتغيب الشمس انا مش شايف
ومش حابب الحكاوي اللي بتخلص بعد ما بتتحكي

ممكن

ممكن تمسح من فوق شفايفك لون شفايفك لا طبعا هو عبط ولا ايه
بس ممكن تقفلهم وماتخلهمش يبانو في الاساس
حكايه اني مش مرتاح دي طولت حبتين
ممكن تكون المشكله هي البند بتاعي ( حلمي الكبير)
او الفلوس وفكره الاكل والخروج والسجاير
او اهلي
بص انا مش عارف
اللي عارفه كويس ان كل الناس عندها مشاكل كتير وده بيعمل حاله من اللغوشه
ممكن تمسح المرايه علشان تشوف نفسك بوضوح شديد
او ممكن ترمي نفسك جو حضن حد انت متاكد انه بيحبك
ممكن تسمع نصيحط "زياد الرحبني" وتركب عجله وتلف بيها
ممكن تمسحني من حياتك لما ييجي الوقت الغير مناسب واقول حاجه ماتعجبكش
ممكن كمان تقول حاجه كنت قولتهالك قبل كده وتنسبها لنفسك.. انا عارف انها عجباك ومصدقها اوي انا ماعنديش مشكله :)
ممكن تنسي لون اللبس بتاعك لو حد سائلك علي غفله عليه
بس بردو لازم تعرف انه ملل اوي علشان يسال سؤال زي ده
ممكن تغني وانت نايم من غير ماتصحي او تقلق حد مش نايم جانبك
ممكن تتخيل اشكال على الحيطان وتقعد تركز في تفاصيل اكتر
ممكن يكون معاك الحل ياغبي وساكت
ممكن تكون انت الحل بتاعي
لحظه سكوت .

هواء

مدخل بشكل بسيط ليوم مش بسيط .

مشهد رقم :1

ركبت مترو الدقي علشان اروح التحرير علشان احضر ندوه شعريه فيها

رامي يحي ومؤمن المحمدي

جوه المترو ... رحيت عرق لناس كتير ممزوجه بعطور رخصيه (وده مش مهم )

المهم شكل اديهم وهما متعلقين علي شماعه المترو انا مش عارف اسمها ايه

ووصلت التحرير

مشهد رقم :2

امن مركزي وعساكر من الجيش في كل مكان حاله من الهياجان

خايفين لاصوت الناس يرجع تاني للحناجر ويشق بطن السكون

عديت علشان اوصل للمكان المطلوب .

مشهد رقم :3

مؤمن المحمدي الشاعر اللي كنت بسمعه بصوت حببتي اللي خلصت

رجني من جوه شوفت في عنيه صورتها وقد ايه هو صادق

هو يشبه قلبها اوي

قال كلام كتيرررررررررررررر اوي موجوع

شعره كان بيشرخ في قلبي عدئ على الوجع وداس

مسكت عنيا من البكا وهو كان مصمم على الكلام

وخلص كلامه وجه دور رامي يحي صحبي اللي شوفته بيتضرب جوه المظهره

قال كلام كمل بواقي الجمل النقصه عندي

قالولو عالي صوتك مع صوته كان عالي كلامه بيتقال بالطريقه دي

علشان يلمس كل الخيالات وينده فوووووووق ويضحك علشان مانضحكشي

خلصت الامسيه الجميله اللي كانت خير وقولت لمؤمن انا حببتي كانت بتسمعني شعرك

هي حفظاك اوي حباك علشان شبها .. كان رده كلام عادي زي شكرا بس عنيه كانت بتقولي بوس راسها .

مشهد رقم :4

روحت سمعت حجات ملخبطه علي القهوه وحسيت ساعتها اني لسه في الحياه

مشهد رقم :5

رجعت علشان كان لازم ارجع البيت مستني حد بيقوللي دميا كلام جمل مش مهم هو مين

بس المهم انه حد بجد

مشهد نهائي :

قرارت اسمي التدوينه دي هواء اصل الهواء ببلاش

شكرا

شخبطه

هو انت ليه شخبطه

سالت روحي وهو انا ليه شخبطه

الاجابه ..... ( مش مهمه ومش هاتفيدك )

.........................................................

لاني انا هو انا

وانت الكلام كل الكلام

انت حالتي لما اغني لدور زكام

انت ضواء شاشه موبيلي

لما يطول الانتظار

لجمله شارده في وسط تخاريف الكلام

انت ضحكنتا اللي صوتها اعالي من صوت انفجار

انت المراررررر

انت خضنهااا الحنين

انت اوتار الجيتار

انت اخر بق بيره

انت الحصار

انت اللي بتعدي الحجات بمزاجك

وانت اللي بتشاور هناك عالبحر...

بـــــــــــس

.....................................................

ماعرفش انا قولت ليه دلوقتي الكلام ده بس يمكن علشان اللخبطه

بفتكر لما كنت بحاول اعلم الناس بالوان حبه ابيض حبه اسود حبه هواء

حبه متوارب

حبه شخبطه شبهي واتسحلت فالحكايه دي

وفي الاخر لقيت حبه شخبطه حبتهم وهما حبوني

ونسيت ان في الوان تاني.. كنت نسيت اعلمهم علشان وحصلت صدمه

في دلوقتي جوه ودني شيئ اسمو موسيقي ( وقمح .. فيروز وزياد الرحابني )

الساعه الان 5:30 مساء اليوم 10:8:2011

...................................................................

الساعه الان 7:42 مساء نفس اليوم 10:8:2011

ابداء كلامي بفكره البلونه اللي باقي فيها نفس واحد لواحد انا ماعرفوش

البلونه دي لقتها في الشارع واخدتها حطتها عندي في الكوخ

وبفعل الولا حاجه بقت بتصغر وتكش بي تقريبا لسه فيها نفس واحد لواحد

ولاني معجون بالتفاصيل... حبتها

طول عمري نفسي اجيب كائن اربيه عندي

بس المشكله هنا اني كده هابقي حابسه

ومش لازم اكون قدر لحد مابيعرفش يعبر بوضوح عن اللي جواه

والفكره فضلت متعلقه مابين محوله للتفكير و انسحاب

بس بيني وبينك كده انا مجنون

لما كنت فالتحرير يوم 25 حسيت بحاجه غريبه جدااا

الناس بتصرخ حوليا في كل مكان ودخااااان منغمش عنيا

وتجاعيد بسيطه على جبيني بفعل الزهول

كنت واقف قدام العسكر ومش خايف

بس مزهول

وبعد ما شوفت دم كتير وصراخ وتصفير

وناس بتجري علي الاسفلت وتسيب بواقي الامل ع الارض

جريت ويا الناس وبنبص ورانا وكائن الباقي الثوره دخااااان

رجعت البيت بعد ما خيطت دماغي 3 غرز

وسمعت اغنيه ( بعد الطوفان : محمد منير )

زلزااااااااال نفضني من مكاني نااااااام ياشيكو الحلم بايش ع الورق

وبعد معارك مع المرض اللي بيسموه نظام انتصرنا

وسعتها حسيت باصوت في ودني بقولي عامل ايه دلوقتي

رديت بصوتي الحقيقي انساااااان

...............................................................

الساعه 8:22 مساء نفس اليوم

بطلت مزيكا لما ماكنش عندي حاجه اقولها فضيت

فضوني الناس

شربوني على اخري

بس المفجاه كانت باسم (فادي مكرم)

قالي : لا يا شيكو انت مخنوق علشان بتطور انت جواك بيوسع

علشان تستحمل اكتر.

وانا صدقت الكلام ده

دلوقتي بقي الكلام اللي قاله فادي ده من حق الجميع يستخدمه

يا كل الناس لازم تعرفو كويس ان اللي بيحصل او هايحصل

هايكون مفتاح جديد لباب ماحدش دخله غيرك

.............................................................

التكوين

التكوين

1985_ 11_ 21

هو ده تاريخ ميلادي اللي مش عارف ليه بيفضل معايه حتي لو انا

رافضو

بس انا مش رافضو انا بس بقول اني سعات كتير اوي بحس اني بتولد

من جديد

مش لازم اتحبس جوه تاريخ صلاحيته ممكن تنتهي في اي وقت

زمان وانا صغير كنت بستغرب ان لو حد اتولد سنه 1985 يبقي اصغر

من حد اتولد سنه 1984 مع ان 1985 اكبر من 1984 وكانت الحكايه

دي جوه دماغي وماكنتش بصدق اي تفسير لاي حد لاني لو صدقت

هاتبوظ كل الارقام اللي جوه دماغي والحسابات

.....................................................

الساعه 12 مساء غير الساعه 12 صباحا

واليوم 24 ساعه مع اني مش ببقي صاحي 24 ساعه ولوعملت كده

هابيوظ في دماغي اليوم . بينتهي اليوم لوحده وبيبتدي

اليوم التاني بسبب اني انا خلاصته

......................................................

السبت الاحد الاتنين .........الخ

الاسبوع 7 ايام

الشهر 30 يوم

اواقل سعات اواكتر

60 دقيقه

60 ثانيه

اربع فصول للسنه

ارقااااااام كتير الحياه مع ان الارقام بتخلينا محبوسين جوه دائره

وبنبقي عارفين كل ابعادها الممله

التكوين جزء من الكون

تكويني جزء من جزء من اي جزء من اجزاء الكون المحسوب

بالارقام

انا رقم 15 في جدول اعامل الاشيئ

تروس ساعه

لما سعات احتار واتغير
او لما بامشي في شارع
واتونسي بخيالي الضل
بحن لفكره الشباك على الصوره
لما تديق بيا المسائل
ماتهمنيش اعزار هواء
الكدب
سعات بيكون خوفك من حجات متكرره
سعات هو يمشي وسعات هو ييجي
وسعات مايعجبهوش الكلامي
فاتقلب لضحك
تجاعيد مريتي الورق
مليانه بكلام متعاد
وكائني تروس ساعه بتدور من مافيش
اه يااااااااا تطنيش
وكائني تروس ساعه بتدور من مافيش