ابداء كلامي بالاولى مفتاح والتانيه مفتاح
والتالته تمساح
مد شفيفك جوة في قلبي وبوس
ارفع رجلك من فوق راسي ودوس
دوس على حلمي
حلمي بيكبر لما تدوس على حلمي
انا مش اراجوز علشان تضحك
" بس كده "
............................................
" قرارت اكتب اللي ماحصلش "
مشهد 1 :
امي طبخة صنيه مكرونه بشاميل عظيمه جدا
وكان ابويا بيقولها تسلم اديكي " مع قليل من الغزل المباح "
مشهد 2 :
انزل اقابل خلود ونقعد على الحامديه ونتكلم عن ابعاد " الهيح المفرحه جدا "
واسمعها اخر الاغاني بتاعتي واخر قصيدة كتبتها عن الوطن
احكلها ازي بعيش وانا مفلس وازي بحب اصحابي
واحضنها الحضن الافترادي
مشهد 3 :
جدتي مصممه جدا انها تشتريلي " عرسه حلاوة " انا اقولها يا ستي دي بتاعت البنات
تضحك وتقولي دي بتاعت عروستك
مشهد 4 :
اصحابي بيحتفلو بالنهم لسه اصحاب ولسه مصدقين بعض ولسه موافقين
وان مافيش حاجه بعدت حد عن التاني
مشهد 5 :
الاضائه في ضوء القمر واضحه جدا
وكل الناس اللي تم ذكرهم هنا قاعدين مع بعض في حديقة محمود مختار
وانا بتفرج علي التواصل بين كل الاطراف
وازي الخير بينور جدا فيهم
مشهد استثنائي :
يفشل شادي في اقناعي بعدم الانتحار وانتحر فعلا
....................................................
ربنا يريح قلبك
ردحذف