بعد حقن الكائن " ال هو بالبنج "
دخل في ارهاصات وابتداء يتخيل انه سائل غير متماسك في ماسورة ممدودة من ارفاع عظيم
وبيسقط على الارض ليحدث " طرطشه " ويتحول الي اجزاء صغيرة من تفاصيل الروح والجسد .
استمر هذا الوضع لمدة ساعه ونصف . ولكن
ينقطع النور و " هو " في غرفة العمليات ودماغه مفتوحه
قرر الدكتور انهاء العمليه فورا
وفعلا استعد الطاقم المصاحب للدكتور لترميم جمجمة الكائن " هو "
( وبعد 3 ايام )
استيقظ هو : وقال اااااااااااااااااااااااااااااااااه بصوت عالي جدااا
ذهبت الممرضه اليه لتتفقد ماذا حدث معه .. ولماذا هذا الصوت المجنون
نظرت اليه وهي مبتسمه ايه فيك ايه الف حمدله على السلامه
هو : انا فين حاسس بوجع رهيب في راسي
الممرضه : ماتخفش ده شيئ بسيط جدا
هو : بنظرة كسوف .. اسف هو انا مين
الممرضه : انت اسمك " هو "
هو : اسمي هو ازي لازم يكون ليا اسم معين
الممرضه : حقيقي انت اسمك " هو " وكمان ماتقلقش يا سيدي
الدكتور كان عامل حسابه وجمع شويه حجات هتساعد في تنشيظ الذاكرة
( وهنا يدخل الدكتور مبتسم ويقول مش قولتلك انك هاتعيش )
هو : انا مش فاكر حاجه
الدكتور : اخرجي انتي برة دلوقتي سبيني معاة لوحدينا
( تخرج الممرضه ويغلق الدكتور الباب ويجلس مع هو )
الدكتور : قولي بقى حاسس بايه
هو : حاسس بوجع لما بحرك عيني وكمان مش لما بتكلم او لما بحاول افتكر اي حاجه
انا بتوجع بس ارجوك ساعدني
الدكتور : ماتقلقش كل دي اعراض عاديه جدا بعد العمليه
هو : هو انا مين
الدكتور : انت انسان وده المهم
هو : لا انا عاوز اعرف انا مين انا مش فاكر اي حاجه غير الممرضه والاوضه دي واللون الابيض ده ويشاور على " الستاير "
( يذهب الدكتور ليفتح الستائر ويدخل الضوء الشمس في عين ال " هو " ليكتشف انه يدرك الاشياء من جديد " هو " .. حتي الجماد الان اصبح لهو دور في حياته )
هو : انا عاوز اشوف الحجات اللي انت جمعتها عن حياتي
الدكتور : طبعا تقدر تشوفها ارتاح دلوقتي وبكرا نكمل
هو : لا انا عاوز اشوف ده دلوقت " ويصرخ من تاثير الانفعال على الوجع "
الدكتور : حاضر حاضر اهدى بس ده غلط على الجرح
هو : " يبكي " علشان خاطر الشمس ساعدني
الدكتور : يضعط على الزر الموجود بجانب السرير
( يدخل الممرضين بسرعه وينقلو ال " هو " من السرير الثابت الى السرير المتحرك
في عجاله من امرهم ليدخلو غرفة المشاهدة المخصصة لمثل هذة الحالات )
الدكتور : اقفلو النور
( يغلق الممرض الضوء ويشغل شريط الفديو الخاص بي هو )
هو : يجلس في ترقب شديد
الدكتور : لا يظهر على وجهه اي تاثير او اهتمام
وايضا الممرض
الان يتم تشغيل الفيلم
.................................................................
خلاص دلوقتي ماليش مزاج اكتب .. بعدين اكمل
وده لينك سيناريو مغلق 1
ليست هناك تعليقات:
إرسال تعليق