هو : في اساليب تانيه للعلاج يا دكتور
الدكتور : فيه يا حبيبي ماتخافش
هو : ارجوك ساعدني
الدكتور : استعد انهارده هانشيلك النقطه السودة اللي في قلبك
وهانفك دماغك وهانغسلها بالديتول والفودكا
هو :ولكن انا خايف يا دكتور العمليه تفشل هي نسبة نجحها كام
ممكن اعرف ؟؟
الدكتور : طبعا حقك تعرف .. نسبة نجاح العمليه ياسيدي نسبه نجاح العمليه ياعبدي
100%
هو : انت قولت عبدي دلوقتي ؟؟
الدكتور : اه
هو: انا مش عبد لحد يا سيدنا البيه
الدكتور : انا بتسمحلي افتح بطنك واللعب في دماغك ومش عبد عندي
هو : اه مش عبد عندك انا بس محتاجك
الدكتور : على العموم انا اسف يا سيدي انت مش "عبد " انت حر
هو : " يبتسم " ويقول انا خايف وعارف كويس انك مش هاتفهم انا حاسس بأيه
الدكتور : خلي ايمانك بربنا كبير انت بتتكلم كتير اوي خلينا نبداء
هو : يا دكتور هو انا هانسى شكل امي ... وشكل حببتي .. وشكل اصحابي ؟؟
الدكتور : اول ما هافتح دماغك واغسلها هاتنسى كل شيئ
" يشاور الدكتور لدكتور التخدير .. " ويتم حقن ال " هو " بالبنج
ويدخل في دوامة من الارهاصات
................................................................
ليست هناك تعليقات:
إرسال تعليق