ابتداء الموضوع بدعوة واحد صحبنا اسمو " حاتم الوكيل " لعمل حفله للقنصليه الفرانسيه
والدعوة تشمل السفر والاقامه .
طبعا الدعوة دي ليا " انا وهواري "
..................................................
انا كنت محتاج اعمل الحفله دي علشان اجيب شويه فلوس يظبطو التظبيط
ولكن " تَأتي الريَآحٌ بمآ لآ تَشتَهي السُفُنُ "
وهنا تبداء التدوينه :
المكان من داخل القطار المتجه الى الاقصر
اتناقش انا وهواري في مواضيع مضحكه جدا مثل " مدد يا سيدي المسحلاني "
وهو الرمز الدائم للسحله او بمعني اكثر عبط للدوشه والارهاق
اتواصل مع اصدقائي عبر الفيس من خلال الموبيل
واكتشف وجود خلود اون لين
واتحدث معها في سعادة وترسل لي اول تدوينه وهي عن والدها
استمتع جدا بالحدث ده
ولما حطيت تعليق انه عاجبني جدا
هي اقولك حاجه وماتزعلش
قولتلها قولي
قالت بلاش كده علشان " ريهام سعيد " ممكن تزعل بلاش تقولي كلام جميل
انا اتفصلت سعتها من حاله الساعدة العظيمه اللي كانت جوايه
وسالت نفسي سؤال هي ليه كده ..؟
وزي العادة قفلنا مع بعض
ورجعت لهواري بعد ما شربت سيجارة ماركه " كليوباترا "
وكملنا يومنا في سلام تاااااااام
ووصلنا سوهاج وهنا كانت العبقريه
اهل هواري ناس طيبين جدا ولاد بلد بصحيح
حسيت ان امه هي امي ست حنينه .
وقبل ما انام دخلت على الفيس بتاع " خلود " وديقني جدا فكرة اسلوب التواصل مع
الاخرين
كان فيه شيئ من الاستهتار بي الالفاظ يعني ممكن حد يحط تعليق فيه " ك* ام كده "
بمعني " كس ام كده "
وده شيئ بيسببلي حرج نفسي متخلف
اكيد هي مش هاتفهم او هاتحس " دلوقتي مش فارق كتير "
خلينا في الموضوع الاساسي اللي هي مجرد جزء فيه
بعد ما صحيت من عند هواري وقرارنا نروح الاقصر
اتجهنا فعلا لنحطة القطر
وركبنا وكان الموضوع اشبه بي الهزار المستمر انا كنت فرحان جدا بالتجربه
ولكن كان جوايه شيئ بيظان
يمكن عدم اهتممها بيا في نفس الوقت اللي شيماء صديقة السنين مهتميه بيا وميدو
واصحابي كلهم كانت هي حاله شاذه
حسيت ان في فجوة كبيرة بيني وبنها
نرجع تاني لموضوعنا
وصنا الاقصر وقابلنا حاتم الوكيل ودي كانت اول مرة اشوفه فيها
ولد بيضحك جدا وسعيد ولكنه " مخبي الحوديت "
روحنا انا وهواري عند حاتم في البيت وقررنا ننام علشان نستعيد الطاقه تاني
ونمنا في سلام تام
وهنا ابداء اللغز
انا ماعرفتش انام وحاتم كمان
لكن هواري نام
علشان عندو شغل لازم يخلص
قعدة اغني واغني واغني
نقلة سريعه لان شبح خلود بينط في الاحداث
....................................................
حصل " عك " بي كل ما تحتمله الجمله من ابعاد
بيني وبين حاتم بسبب اختلاف النظرة للاشياء
انا شايف اني مش مسلواتي
وحاتم قالي اني مش مسلواتي
وده اللي هاحتفظ بيه من كل النقاش اللي دار بنا
....................................................
بمناسبه الوضوح الشديد اللي حاصل في التدوينه دي
اليكم جزء من مزكراتي الشخصيه :
الاقصر :
* الاداء .. حر + ثقافه مختلفه + روح جديدة
* الارتياح لشيئ ما بدون سبب معين
* تعرف بكرا تشوفني تقول ده واد مجنون
* من غير سابقه معرفه البنت الصعيدة هذة
* بفكر فيها بنت الايه وهي غبيه مابتحسش
* ( انا بسمع ظافر يوسف )
* مش عارف اقاوم نفس السبب
* انا بحب الشخبطه
* تعرف " يلعن دين الحر "
...............
قنا :
* الناس كلها بتبص عليا كأني فضائي
* يمكن علشان الجيتار
* يمكن علشان النظارة الزرقاء
* يمكن علشان انا فضائي بجد
* يمكن علشان مش منهم
كفاااااااااااايه يمكن الجو حرررررررررررررررررر
قعدة علي قهوة هي مش قهوة وغسلت وشي
حسيت اني باسيح
غسلت وشي بي مايه سخنت من شدة الحرارة
شعار المكان هنا حرر حررر حررررررررر
* الاتوبيس هاييجي الساعه 30 : 6 مساء
والساعه دلوقتي 30 : 3 مساء
مش معايه غير سيجارة هاروح اشتري علبة سجاير وأكل
* في هاجس في دماغي بيقولي الاوتار هاتسيح احيه احيه هو في ايه
* الساعه 00 :5 مساء
* انا قاعد في مكان معمول من الخوص وبشرب كبايه شاي زيادة يمكن
تساعد على الاستمرار
* ميدو يتصل بيا ( كنت محتاجه جدا كنت عاوز اقوله بس اني مهدود )
بحب الواد ده اوي لانه من دمي
* هابداء في اقتصاد البطريه الشحن قرب يخلص وانا مش عارف
ممكن يحصل ايه كفايه فيروز يا شيكووووو اعقل يابن المجانين
هاتتلط
* اشريت اخيرا اكل بعد معناة رهيبه " اشريت نص كيلو تفاح "
* اتعرفت علي ولد في رابعه ابتدائي اسمو احمد واديتله تفاحه
* الوقت ممل فشخ
* الساعه 30 : 5 مساء
الراجل صاحب الكافتريه اداني لمووووووووووووووون كتير علي غفله
انا بضحك جدا من قلبي مع اني مش قادر اضحك
* حاسس اني محتاجها تكلمني حالا تقولي انا بحبك وتقفل
* الساعه 00 :6
* هيه هيه هيه هيه فالتتقدس الاسطورة وليفرح شيكو
* روحت المحطة لقيت نفس الولد " احمد " الصغنون
* اديتلو تفاحه تاني :) وهو اداني حتت تلج
حسيت سعتها ان التلج = دهب او ماس
* شاور على الجيتار وقالي هي دي موسيقى
كانت عنيه بتلمع ومليانه فضول
قولتله تحب تجرب
ابتسم وقالي شكرا
فتحت الجتيار و ادتهوله
فرح جدا .. اصلو طفل يا ناس والله جميل
* التفاح مسكر جدا مع انه اخضر انها المعجزة
انا بأمل جدا من قلبي ان حلاوة طعم التفاح تنسي الولد همه
علشان استمتع باني عملت شيئ طاهر
" انا اصلي اتلوثة جدا "
* لغيت العهد بتاع قفل الموبيل انا زهقااااااااان عاوز اسمع اغنيه
* معلومه في غايه الاهميه الشمس غابت شويه
والساعه بقت 30 :6 والاتوبيس على وصول
* وصل الاتوبيس
* الساعه 00: 7 التواصل مع اتنين من الركاب اصابني بالتخلف الذهني
اتنين اخواااااااااااان
* قرارت اكتب علي الفيس يا مهون هونها وهون
ونمت او كنت بحاول انام ونمت او كنت بمثل النوم ونمت
انا نمت
...............................................
وانا هناك اكتشافت قد ايه اصحابي ملهوفين عليا وواحشهم
جدا واكتشفت كمان قد ايه " هي " حاجه انا اخترعتها في دماغي مش اكتر
واكتشفت اني استاهل احسن