بحث هذه المدونة الإلكترونية

الثلاثاء، 27 ديسمبر 2011

يابهيه























اكمني بدوب لما بسمع شعر
قرارت اكتب
.........................
يا بهيه اطلعي مره .. اندهي مره
فضفضي عن كل شيئ محبوس
عارفك بتتوجعي ما انا كمان موجوع
يابهيه الشمس مابتدخلش جوفي
والخوف بتاعك غطه علي خوفي
والناس بتتخانق عليا
يابهيه الوحده خنقاني والدنيا مش واسعه
ضحك ف وشي وقالي انت بتحب الحزن ديما
ماقدرش اقوله اني مش حزنان
ماكدبش انا ايوه انا حزنان
بيقولي غني اغاني مفرحه
اغني ازي وانا موجع
اغني لمين ومين يعرف ف جوايه
انا الكلمه اللي بتمزع غطان الليل
من زمان جدا وانا حيران
تكوين دماغي كده
بفكر ف اللي مش موجود
وبتغطي بوحده وشوق
وبتعازم علي الضحكه
وبتساير مع الرحله
وبتكبر علي الخينين
سؤال حيران من صغري بسالني هو انت مين
هو انت فين وليه هنا وليه مش هناك وليه راضي وليه غضبان
لقيت الحل والتفسير
ف شيئ غايب عن الحضرين
لقيت الدقه جوه القلب بتغني وانا بغني
بكيت ساعت ماقولت الاه
بكيت انت عشان حزني
يابهيه كلنا شجان ولكن الوجع كافر
يابهيه كلنا جدعان والموت قريب مننا ومش خايفيني
ومصر مش للغناء ومصر مش تمثيل
...........................................................

وبعد شويه الكلام اللي حصل فوق ده مش هاكتب

السبت، 24 ديسمبر 2011

شيئ فاشل جدا 2


الحمد لله مبقاش عندي حاجه خالص .. ولا فلوس ولا اهل ولا حب ولا وطن ولا اله
الحمد لله هواء جدا
انسحاب غير مبرر للمبادئ والافكار والخطط .. مبقاش في غير شويه الفاظ وسخه ملصوقه علي ظهر الجماهير
جربت الموت طلع احساس مغفل جدا
جربت الحياه بقيت مغفل جدا
صدقت الناس ..ماصدقونيش
........................................................................
طبعا جعان جدا
احساس عجيب يااخي لما تكون متلخبط فيك
.......................................................................
هذا ما حدث لهذا الشخص المدعو" شيكو "
حبيت "خلود" جدااااااا ولهذا الشعور اكتب
كنت مغفل كنت حمار كنت مصدق كنت وكنت
روحت رايح علي والدي العزيز قولتله انا هاتجوز
قالي ازي فجاه كده وشكلنا "وقعد ينفض السجاده ف وشي " او يقول اي كلام هزي
قولتله شكلنا ايه هو انا معاكو في الشكل ده ولا لسه بره الكدر
قولتله انا بحبها وهاتجوزها
قالي اللي عاوزه اعمله و"مشي "
هو اصلا مش موجود بصفته الاساسيه
العجيب انها هي كمان مش موجوده بصفتها الاساسيه
عارفين انا وهي كنا متخانقين مع بعض .. بس الفرق اني كنت مصدق جدا وهي " فاشوش "
روحت بوظت علاقتي بابويا طبعا مش بسببها لان علاقتي بيه بايظه او مافيش علاقه اساسا
...................................................................
عن الفلوس اكتب
يعني ايه فلوس ... يعني ممكن تنام جعان وده عادي جدا خالص
يعني ايه تنام جعان .. يعني تكون عاوز تاكل ومافيش " مافيش"
...................................................................
عن الوطن اكتب
هلوسه اقوي من حالتي وانا شارب " عرق لبناني مضروب " يعني تصنيع فاشل لمشروب فاشل لانسان فاشل
...................................................................
عن الاله اكتب
صدىً حولَ الصدى
.................................................................
عن زكرياتي مع الحياه
ممتعه اوي تفاصيل ورق النتيجه
..................................................................
عني انا
قرارت الرحيل من فتره ولكني مستني اشاره والاشارات مش من السماء
والسماء اللوان وفرحانه
وانا المدعو لفرح الملك بالملابس الداخليه
انا مش مكسوف انا مش بتكسف
بس بحزن
...............................................................
لحظه من الهلوسه المفرحه
قولت لنفسي كده
تخيل تصحي الصبح تلاقي المعاش بتاعك ماتقطعش ومش مديون ب 8.000 جنيه
تخيل تصحي الصبح تلاقي توفيق عكاشه بيقول " انا اسف انا كنت غلطان .. انا مع الثوره "
تخيل تصحي تلاقي " حببتك ف حضنك ومبتسمه اوي لانك صحيت "
تخيل " الاله " يساعد البشر ف المشاكل ويظهر بشكل مباشر ويوقف حمام الدم
تخيل انك بتسمع مني كل ده علي غفله
تخيل اني امشي بالمعني الواضح جدا ليك

الثلاثاء، 13 ديسمبر 2011

حالتي

الايام دي انا عيان جدا عندي " كحه" مش عاوزه تخلص
فرك
شت مع صحبتي من كام يوم .. طبعا انا مش مبسوط اصلي لسه بحبها
بس هي مش من هنا ... هي ف حته تاني بعديه عني خالص
..........................
وعملت بيدج لراديو اسمه راديو منتهي العبث
وسجلت

وكمان دور الكحه بوظلي موضوع الشغل ..6 حلقات
" كنت هاغني في كافيه واغني المزيكا بتاعتي اقول اللي عاوزه"
انا شويه متلخبط ومتاخد عجبني اوي لون السماء واغنيه فيروز " بيت صغير ب كندا "
الكحه عملالي صداع رهيب
ملعون ابوها الكحه
الغريب هنا اني بكمل شرب سجاير
من زمان جدا كانت عمتي تقولي ان اللي بيشرب سجاير بيموت ... بس انا ماليش دعوه
اه صح اشريت " لبن وعسل وادويه كتيرررررررر" احساس متخلف جدا
احساس انك عيان
بصراحه انا كان جوايه كلام تاني هاقوله وخلاص
وحشتني ومش هاينفع ومش عارف ومش هاتعرف
بس

السبت، 10 ديسمبر 2011

بوش ف التلج



شد لحاف العمر وبوش .. بوش ف التلج
عمرك شوفت حمام بردان.. عمرك عشت زمان وياهم
ام الخلول يا حببتي الشيئ البايخ فيا وفيكي هو عيونا
نحول طعم ل معني والمعني يبوش والطعم فاشوش
..............................................................
هذه القصيده ليست للغناء
كل خطوط الواجب واجب وكتر العيب بيخاق عيب
وكل الناس بتقولي انتو عاوزين ايه انتو مين
انا ابتديت اخاف جدا منهم
قلت ادبي مش وكله معايه
قلت ادبي مش اديهم .. هما كتير
فكره بلدي مش هاتصير
عارف جدا ان الناس كلها طراطير
بكره هـ احرب لجل النور بكرا النور مرعوش
بكره هــ احرب لجل الروح بكرا الروح ملهاش لزمه
احا بموت
احا سكوت عالي
اننصار ال غل ويا الوسيله
وقالتلي الست العقله الراسيه . فين ايام حسني
قولتلها انتي فكرها ؟..قالتلي لا ناسيه
ولان الدين المصري بيجب الكفر
قرارت اكتب تاني واقول
علي كل موطن مصري شريف
اياك تعمل خرم ف عقلي
ها طلع دينك ودين دينك
.......................................
موتو جاهين اولاد الافاعي وهايموتوني كمان وفي ناس ماتت تاني وسط الاحداث
وناس ماتت جوه الاحداث وناس سمعت وعمل حدث مخالف جدا لسير الاحداث
حس حس حس حس حس حس
مش حاسس

الجمعة، 9 ديسمبر 2011

انا اللي مجنون


انا اللي مجنون ف الحقيقه
والحقيقه كدب ف المسلسل
والمسلسل واقع حياه
وبتفرط وبتفرج ..بكون غنيوه و وحشاني
اصوات كتير ف وداني
فيروز رصاص والزعيق والجيتار
وحتي صوت نفسي وانا نايم
الوحده كانت طوق بيخنقني
وحاجه بتلخبط الكراكيب
مابحبنيش وبحبني
مشهد.. حدث بالفعل خلني " ال كائن ال شيكو"
مابحبش الجبنه اللي مايعه " مثلثات"!!؟
بس القطه بتحبها
اكلتها
حسيتني بتواصل معها
مافيش كلام
عنيها بتتكلم
وانا مصدق
حبتني جدا
حبتها جدا
الصوره من بره انا وهي كائنات
حبتني حاله بتحصلي سعات وسط الحلات جوه السعات
حبتكو اكتر جوه مني .. مانتو ناس مصدقني
بشوف الدنيا بعنيا
بشوف تفصيلي تخليني اقول.. كمل
انا اللي مجنون ف الحقيقه
والحقيقه كدب ف المسلسل
والمسلسل واقع حياه

الاثنين، 5 ديسمبر 2011

شيئ فاشل جدا


من شويه صغيره جدا كنت بتكلم عن مشكله وكانت الحديث غير مسموع بالشكل المناسب
وكان الحيز او المكان المحيط " روحي "
مع اخر سجاره merit حالا اشعلتها
اكتشف اني عندي 26 سنه والهواء بيحيط بيا من كل اتجاه
وحده بطعم الوحده .. واحد بس
الغريب اني لو قفلت الموبيل بتاعي هابقي متاكد ان مافيش حد هايصحيني
وحده ممله
سعات بحتاج لناس تقولي اي كلام هبل هزل عبط اي حاجه
ممله فكره الحكي جدا
قولت اجرب ..قولت حجات كتير جدا وف الاخر طلعت ماقولتش
اصوات كتير بتدخل جوه دماغي سعات ماكون وحدي
انتظار للمجهول ديما شيئ لازم يحصل بيحصل مستمر
فكره الانتحار
مافيش تاثير علي اثر الخطاوي الاولي ليا
سعات مابفتكرش حاجه سعات بتوه
بيعجب الناس كلامي وبيعجبني عنيهم ونبره الصوت اللي مليانه تفاصيل اعمق من المضمون
ديما بقول لاصحابي تصبح علي حلم يناسبك
بحتاج اوي اكلم " ريهام " شبهي اوي البنت دي
شويه الناس اصحابي هما الحدوته الكامله
بتدوش مني دلوقتي ومش حابب الكلام

الجمعة، 2 ديسمبر 2011

عن ال هو


بعد مقارنه بين انتظار المواطن الجالس علي الكنبه والمواطن صاحب الحدث
المواطن الاول : عندو الرؤيه منقوله من وجهه نظر المذيع وده ف حد ذاته خرف بطعم "المكرونه المسلوقه"
المواطن التاني : بينزل التحرير علشان يصنع المعجزه علشان مصدق بس بيتضرب ديما بيتضرب او بيتعرض للموت
الغريب هنا ان في نموذج تاني وهو " الشبح " وده بقي اللي ممكن يكون انهارده مع الثوره وبكرا مش معاها
او بيكون هو الشنطه اللي بيتشال فيها افكار الغير .. وبتنتشر بسرعه "التنين السكران "
هما دول الحلات اللي انا شوفتها مع الاحتفاظ ب حاله او اتنين داخل عقلي لاجراء التجارب عليهم مش قصدي الاهانه
ولكن لانهم فعلا فران.
....................................................................
عمرك فكرت تعزم قطه علي علبه زبادي ؟
طيب عمرك حاولت تتمشي ف وسط اللبلد وتتفرج علي وشوش الناس اللوان البس بتاعهم وهي بتتداخل وتعمل لوحه حيه ؟
عمرك قرارت تتكلم مع ولد من اللي بيبيعو المناديل وتسمعه بوضوح جدا وتخرج الاختراع اللي جواه " تخرج طفولته " ؟
الاجبات الاكثر هي لا لا لا
................................................................
ماهو مش استعباط انا مش هاكمل

الثلاثاء، 29 نوفمبر 2011

لاني خارج اطار النظام


يا بياع الخواتم بالموسم اللي جاي يا بياع الخواتم راح يتركني حبيبي احبسلي حبيبي بخاتم
" فيروز اغنيه بياع الخواتم كلمات والحان الاخوان رحباني "
..................................................................................
ولكم جزيل الشكر
و لهذا الشيئ العبقري اكتب
الشيئ العبقري اللي هو روحي ... وانت سعات بتكون عبقري
سعاااااااااات
بتدرب كل يوم علي فكره التواصل مع الاخر بشكل محترف علشان اعرف اعزر الاخر
بتدرب كل يوم ع التركيز
اتعلمت شويه حجات منها لما ابقي مش عاوز اكمل نقاش اقول " لا " واسكت
مش هروب ولكن لاني "غير سوي" مجنون يعني
كل يوم سجاره حشيش بعد ماتصل ب خلود علشان اسمع شويه صوت طيب
بفترض ان اصوات الناس ممكن تكون سبب السعاده
لاني مجنون سعات كتير بكون عاوز المس وشوش الناس بايدي
المس جبين الناس بايدي من غير ماقول ترنيمه او دعاء او استخرج من دماغهم المعرفه علشان استمتع
المس وشوش الناس وبس
مع ان ده اختراق ل حيز الروح .. بس الاكيد اني مش شرير " انا عرفت " وهاستمر
مافيش حد حوليا فاهم ( تعديل ) مافيش حد حوليا بيحس زي التاني وده كلام واضح بشكل بسيط
.....................................................................................
عن الوطن اكتب جمله سريعه شبه مشهد هجوم العسكر عليا ف المظهره
" يا مصر يا شنطه الزكريات الكبيره حبيني شوفيني ولو مره بشر "
.....................................................................................
سعات مسافر جوه نفسي للبراح انده وصوتي صدئ النسيان
وسعات بكون ساعه مسافر وسعات مسافر جوه نفسي للبراح
وسعات براح وسعات صاحب شبح وسعات شبح وسعات مافيش
وسعات بتكرر وبترجرج ومش بخرج ومش بدخل
وسعات باب الوصول للحاله وسعات حاله
وسعات هو يشوفني اسطوره وسعات اسطوره بشوف فيروز
وسعات بقولك يا غبي وسعات كتير بكون غبي
وسعات بغني لروحي وسعات روحي تغنيلك
وسعات بتجيب سعات واكمل الرحله
بتكلم وساكت وسامع ومش سامع واحتمال
وسعات بكون دوشه وسعات بقول اسف
sheko
..............................................................................
تدوينه طويله شويه اصلي كنت عاوز اكتب :)

الخميس، 24 نوفمبر 2011

قصيده ليست للغناء


قصيده ليست للغناء
يتخلها احرف الكتابه المتعارف عليها
ولكن بداخلها غوغاء
جدع يابشاء
رد العدم ع الوجود " انا مش سامع"
وتعلو اللي السماء بسمات العويل
لاتنظرالسماء اللي تفاصيلنا
ابوس ايدك شدني
عصياااااااان كتير "ضرب"
تشويش ع العيون
وع الودان
انا " ياشيكو الدنيا مش هاتمطر
ولهذا قام الحاكم بالحكم علي باقي الثياب
تتدفق اصوات المرايا اللي اعماقي
يجري الولد " دخان ..بموت"
عاوزين شاش
ياتري في حاجه ممكن تحصل
وعند المساء قرر الملك العنكبوت غزو الميدان
شخبطه هلوسه دخااااااااااااان
قصيده للغناء في وقت الثوره
يامصر قومي وشدي الحيل
كل اللي تتمنيه عندي
(الشيخ امام.. احمد فؤاد نجم)
قصيده ليس للجميع
عندما ياتي الخيال
من اقاصي الجبال
ينحصر ايطار السماء
ليدخل ايطار الروح
ويتلاشي الجسد في ثيابه عاريا
قصيده من وحي القصيده
يتمدد الازرق ليخترق جدار المنزل
ينتابني شعور الاسيئ
لانني لسه قيصر روما
يا ايتها القديسه الغاليه
اكتب الليكي رسالتي الاول
من داخل اقاصي العدم
في بلادي يموت المرء ولا يتحلل
( يستحسن الاستماع اللي هذه الاغنيه http://www.youtube.com/watch?v=uaJdk9025KE&feature=share

الجمعة، 18 نوفمبر 2011


جمله واحده ويعلن هتلر الحرب " يادي السهوله اللي دايبه فيه "
وكان الحل وقت الحل حل مناسب للجميع
الجنود كانت حتاجه تموت جدا والقائد كان محتاج نشان
وانا كنت محتاج اشوف الحدث بوضوح
دين ابكو انا مش بخرف
حالا ممكن ماتكملش قرائه علشان كلامي مش حلو مش شبه دقن الشيخ محمد حسين يعقوب
وكمان مش هاجيب سيرت " الاله الاوحد "
بعد فتره من التعريص علي النفس اكتشفت ان السماء هي مش اكتر من سما
واني مستحيل اطلع للقمر والاكيد اني هاموت ومش هاعمل كده زي ناس كتير جداااا
الموضوع مش بيدخل ف الهسس
لان الهسس جوايه من جوه
انهارده انا روحت التحرير .. طلع دين امي ف ايماني بالحقائق
رجال دين كتير متغطين بدقون واصوات ودعاء غير مبرر
ماظنش ان ربنا انقظني يوم 25 ... انا عندي علامه مميزه في راسي بسبب طوبه
ماظنش ان الدعاء حبس حسني مبارك مليووووووون شخص ده بالافتراض يعني
كانو بيدعو عليه وهو فضل عايش وماطلتش حتي
السما اعلنت من زماااااااااان جدا تخليها عن البشر حسب ما ورد في الكتب السماويه
ليه بكون لعبه وليه تكون اصلا في لعبه
وانا انهارده بعترف بوجود ال انا بس
.......................................................................
السؤال الاقوئ جاي
الناس بتحط حد للتفكير علشان الخطوط الحمره
بس بصراحه انا عارف ايه هي الحاجه الحمره
.....................................................................

ثم قال بصوت عالي جدا : اريد البحر كي يغسل جسمي المتسخ من احتكاكي بالبشرولاكني لا اعرف ما المطلوب لغسل العقل اذا جربت الخمره بكون مخمور واذا جربت الحشيش بكون مسطول واذا جربت الاتصال بصديق بكون مصدوم ولهذا الحدث اكتب هذه الجمله " لقد تم الاعتداء علي عقلي منذ الولاده وسوف يستمر هذا الاعتداء اللي يوم النهايه "
فالتنفجر ايها المعتوه
....................................................................

الثلاثاء، 15 نوفمبر 2011

وانا قاعد بدور علي النواقط والزوايد وبعمل المعادله


اكتشفت اني
با بيع الوقت للصدفه
اكتشفت اني انا الطفل هو هو ماتغيرش
اكتشفت اني محتاج حجات كتير اوي وكلها حسيه
سعات بخرج اتمشي لوحدي فالدنيا
وبتخبط ف شيئ مني
ما انا مني
وسعات وجع جدا وسعات مليان طبطبه
بضحك ديما علي نفسي علشان اضحك لنفسي
بالظبط زي ما باين كده ملخبط جداش
صوره لبنت صغيره جدا بتشرب من ايد اوبها
وولد بيحضن امه بشده
مشهد سريع
مشهد بطيق
لحظه خروج الروح
لحظه خلود الجسد فالارض
اسلوب ممتع شبه الشطرنج
اللعب جرب تخسر واعرف ليه خسرت وحاول تكسب
تعرفو انا بحب الشتيمه جدا
وعاوذ اقول يلعن دين ابوهم كلهم
بس السؤال مين اللي هايلعن دينهم
مين اللي هايوصل الشتيمه
ما انت لو خنقت عليا هاقولك ياحمار
بس انت فعلا بشري
وكائني بنزلك من درجه لدرجه اقل
لحظه من التوقف واعاده قرائه الموضوع
اكتشاف اخر
انشتاين "الحقيقة ليست سوى وهم، لكنه وهم ثابت"ده كلامه
انما انا بقول
بما ان ق =وحده
ع = فراغ
اذا ق + ع= ابداع
وبما ان ط = خرف
اذا ق -ع = بشري سليم
" شيكو "
وانا رافض جدا نزولي للشارع دلوقت لاني ورايه حجات كتير جدا
انا لسه هالم الحزن من قلبي ولسه هارش الفرح جوايه
ولسه هابيع العمر للايام وهاشتري نفس الحكايه
ولسه ها كوي مشاعر متطبقه ومتكسره جوايه
والطبطبه علي قلب كل صديق
انا مش هانزل الشارع

السبت، 5 نوفمبر 2011

حاله من الاندماج


هاسكر جدا جدا لحد ماتحول ل طيف يقدر يعدي كل الحدود ويسرق من السراديب المعاني ويخترق حجاب السؤال
...................................................
طول البعاد جنني وانا مين هايسالني عن حالي
تطول السنين وانا بتدرب علي الاحتواء
طول الوقت بفكر ف بكرا وامبارح ودلوقت
طول الوقت مفتوح صدري للاحتمال ناس بتيجي وناس بتمشي
طول الاوضه وعرضها بالعقل بيسيع الجميع .. الكل مترتب علشان يكونو سواء
طول المسافه بين شقتني وروحي مش بعيده انا ساكن شقتي وشقتي ساكنه روحي .. و روحي هي الامتداد
يطول العمر ويذيد الانتباه ان الحلم حلم وان الواقع واقع واني مش فراشه
....................................................
مقدمه بشكل بسيط جدا :

لما اشوف اصحابي بتكون الدنيا بكل الاحداث خلفيه بيضه
"حاله من الاندماج"

الثلاثاء، 1 نوفمبر 2011

رساله السماء للارض ومن الارض للسماء

هو صحيح الهواء غلاب ماعرفش انا ..
كلمات : بيرم التونسي والحان : زكريا احمد
........................................................................
النور مطفي وانا ماسك صدري بدون الصوره
بطلت اشيل الوحده جوايه
بطلت احب الحزن ف عنيا
وف النهايه بطلت اموت
الحمد لله انا ابتديت اخرف
الدنيا نور جدا
والجو واضح للكتابه
الحروف مترصصه جوه دماغي
والسؤال المستخبي ف الاجابه
قالي حاضر يعني لا
قالي ان الشر موجود قبل مني
قالي فاهم قولت مجبور
واللي مجبور بيتوجع
الطريق كان بين اديا وفجاه تاااااااااااه
والسؤال نفس السؤال هو ليه الناس بتخلص
...............................................................................
يامه نفسي اعمل اعظم لحن فالوجود .. ويكون سهل جدا لدرجه ان كل الناس ممكن تغنيه وتحفظه بسهوله
البنت ام قلب بيضحك اوي " سهيله " هي كمان عندها حلم مايختلفش عن حلمي كتير حلم البنت دي " ان الناس تبتسم "
تخيل بنت في مصر نفسها الناس تبتسم بس طبعا اتصدمه جدا بالواقع والناس والاساله المتخلفه اللي زي مثلا ( انتي تبع حزب ايه .. ايه اللي وره الحكايه دي .. الــــــــــخ )
ولانها تربيه منير وفيروز قرارت تكمل ... لما كنت بسمعها وهي بتحكي كنت مركز اوي اني ماقولهاش علي علاج واتفرج هي هاتعمل ايه
وهي قرارت تواصل الحمله الطيبه دي .. فا بما اني من هذا الجنس البشري اللعين قرارت اشكرك جدا علي احساسك بالناس .
.................................................................................
اما بقي شادي الولد اللي اتربه و اتعلم ازي يكون بشري " اتعلم لوحده " احب اقولك بكل صراحه انا بحبك يا صحبي جدا لانك عرفت تبقي معجزه
.................................................................................
ولكن البنت اللي بتخاف "خ" من الناس احب اقولها انتي بنت قويه بس مش واخده بالك .. اتفرجي علي شريط الشهر اللي فات وقرارتك كلها
هتشوفي شجاعه بس انتي محتاجه بس تتعلمي تبصي علي الهدفه بنظره مختلفه يعني " بصي علي حدفك بقوه اكتر "
...............................................................................
اما انا فا قد امتلاء فؤادي بالهواء ..... وشربت حتي تداعت علي امري الاساله
من يكون ولمن يكون ومن يتبع هذا الفتئ الطائش
انا الحنين للبر .. وسعات دفاء فالشتاء
وسعات ونس للناس وسعات مافيش
..............................................................................
الان استمتع بصوت ام كلثوم واغنيه هو صحيح الهواء غلاب ماعرفش انا
واتملي شكر للحظه الهاديه دي
" سعات بعرف ان الاغنيه اللي هاعملها هاتعجب الناس وسعات بعرف ان التدوينه هاتعجب الناس "
بس الاكيد اني لما بعمل مزيكا مش بفكر فالناس
الحق ام كلثوم بتقول ايه :
يا قلبي آه
الحب ورآه
أشجان والم
واندم واتوب
وعلى المكتوب
ما يفدش ندم

الثلاثاء، 25 أكتوبر 2011

ع الماشي

وكل شويه اسرح .... ايه بقي الحكايه ؟
الايام دي بحس الموسيقي بشكل رهيب لدرجه ان ممكن عنيا تدمع وانا بسمع
وكمان حابب اوي اصحابي :) " انا مرتاح جدا "
افكار كتير بتجيلي ف دماغي وشارات طيبه ... الصف " اشارات من العدم "
بعد ما لفيت كتير جدا
عرفت ان رجلين الناس اللي داست علي نفس الشارع ده اصحاب
بفعل الوقت والفتره الكبيره من الصمت
كل اتجاه فالشارع شبه تفصيل شكل العروق ف ايدي وانا بلعب جيتار
التزامن الحقيقي بين الطبيعه

الاثنين، 24 أكتوبر 2011

اهداء للا وجود الموجود جوانا


ابداء كلامي بالاوله مفتاح .. والتانيه مفتاح .... والثالثه تمساح
مد شفيفك جوه ف قلبي وبوس
ارفع رجلك من فوق راسي ودوس
عاكس معكوس
شامعه من جوه فنوس
ايه بس اللي هايجري
وايه اللي هايجري جديد
معمول ب ازاز وازاز معمول ب حديد
ارفع رجلك من فوق راسي ودوس
دوس علي حلمي
حلمي بيكبر لما تدوس
انا مش ارجوز علشان تضحك
وصحبني خيال مرسوم ع الارض اطول منك
خيال بيبوش
خيال منكوش بس خيالي
مالك بس انت ومالي
فوق الشجره بقره بيضه وبقره حمره
تحت الشجره الكون محبوس
فوق الشجره الناس بتبوش
واللي بيعند واللي يهوش واللي طنش .. طنش طنش
.........................................................................
استعنا بالمعين السؤال طب هو مين ........؟
اللي مطمني جدا الايام دي اني اكتشف شوبه حجات منها مثلا ان " وادع .. لو قلبت حروفها هاتبقي عادو "
وان الناس كلها بتبص علي نص الكبايه الفاضي او المليان انا بفكر املئ الكبايه اصلا اكملها يعني
وان البنت البنت اللي انقظتني ف الحلم مش هاتعرف تنقظني ف الحقيقه " ماتسالنيش ليه "
واني سعات بنسي الملل لما بسمع " في شيئ عم بيصير "
وان كلمه شكرا بتملي الدنيا سعاده " شكرا يا ميدو .. هواري .. كريم .. صفاء .. شادي .. مروه .. خلود .. سامح .. فادي .. سهيله "
والنهايه الجوه في مصر مش جميل شكرا يارب

الأحد، 23 أكتوبر 2011

اظاهر في حاجه


بقالي كام يوم حاسس بمشكله ف قلبي
مش قصدي حب ومشاعر ... لا قصدي ان قلبي فيه مشكله وانا مش عارفه
سعات بحس انه اصلا مش بينبض
انا مش خايف بس متاخد ........... الموضع ده جديد
احا جدا
كل شويه امسك صدري علشان اتاكد من انه شغال
اتجننت .. بس هو فعلا فيه حاجه
" ممكن يكون من السجاير "
مش عارف بقي بس علي العموم ..... مش للعموم المعلومه دي
المعلومه اساسا مش مهمه وممكن تكون بتعملك ف دماغك حاله من الضحك
بس هذا الشخص الذي يدعي شيكو تقريبا عندو مشكله ف " المخزن او القلب "
.....................................................................
ممكن تكون حاله نفسيه ... من البلد او من زحمه الناس اللي ف قلبي
ممكن ويمكن وفي لسه ممكن اساله
ممكن اغاني الصحاب تخلص فجاه من ودني
الغريب جدا اني دلوقتي حالا بفكر ايه الكلام اللي ممكن اقوله قبل ماخلص
" استني يا استاذ انت .. انت بتوهم نفسك " لو قولتلي الكلمه دي هاقولك " طظ فيك "
كان الواد " هواري " قالي علي " ديوان الغرفه 8 لامل دنقل " وده اخر كلام كاتبه وهو ف المستشفي بيتعالج
وبيحارب السلطان وف الاخر الشر انتصر والقصيده كمان انتصرت " المجد للشيطان معبود الرياح "
كان اخر حاجه كتبها اسمها " الجنوبي "
وجع وصدق ومعاني و لوحه فنيه عبقريه مليانه سراير لونها ابيض ..
...................................................................
السؤال ليا هو : انت استمتعت بحياتك ؟
ج : جدااااا لاني قضيتها مع ناس بجد
السؤال التاني : ايه اللي كان ناقص ؟
ج : اللي كان ناقص احضر حفله لفيروز انا وكل اصحابي الحقيقين واكون انا اللي عازمهم علي الحفله .. وكام اخد معايه صديق جديد
السؤال التالت : مين اللي هايوحشك ؟
ج : مافيش غير الكوخ وجيتاري
السؤال الرابع سؤال تقليدي : ايه اللي توقعت اقوله ؟
ج : توقعت انك هاتسالني وتقولي انت بتسالني ليه يا مغفل وانا ممكن مايطلعش عندي حاجه وافضل زي الجن
..................................................................
السلام علي من اتبع معني السلام وسلم علي التاني بنيه طيبه
السلام للي بيقول سلام من قلبه
السلام زي الموسيقي اللي ف ودني دلوقتي حالا
السلام كان وش امي
والسلام ختام يا ناهي وامر ورافض وراضي وماسك وسايب زمام المور

السبت، 22 أكتوبر 2011

ايوه انت شعاع وصوت ال لاوعي


زي بالظبط ضوء الشموع ف لليله برد وانت عارف انها مش هاتدفي جسمك بس هاتدفي روحك
وانت روحك جو روحك والبراح نفس الشارع بتاع كل يوم
بتضحك سعات لانك مجنون
بس مستمر
مش عاجبك الوطن مش مقاسك ... مع انك اتعلم تعرف ان للوطن مقاس
كان بقالي كتير مش عاوذ اكتب ولاني دوشه
هاشوشر علي الهدواء ده .
...............................................................................
شويه احداث مش منطقيه في وقت مفتوح للحدث
انا ماكنتش عارف اصلا
بس كده

الأربعاء، 12 أكتوبر 2011

جلسه استماع


عند الرقم 3 ابداء الكلام :
1
2
3
انهارده وانا راجع من الشغل كنت بافكر ازي احوش فلوس محترمه علشان اجيب جيتار جديد
لنفسي وادهولي في عيد ميلادي :D
وكنت عمال احسب واضرب واقسم واطرح
وفجاه لاقيت ست معاها شنطه وبتطلع حجات شكلها غريب وترميها جانب العربيه
وفي قطط كتير اوي حوليها
وقفت من بعيد اراقب ايه اللي بيحصل ده
لاقتها بتكلم القطط وبتقولهم عاوزكو تاكلو لحد ما تشبعو
حاله كده من التواصل الغريب
ولما شدني الفضول للتواصل مع الست دي
روحت قولتلها انتي بتكلمي القطط
قالتلي في ابتسامه صافيه " دول ولادي "
قولتلها انتي طيبه اوي وشكرا لانك كده
ومشيت ع الكوخ
............................................................
المعالج :
اللي انت شوفته ده حصل لانك قولتلي قبل كده انك هاتنتحر
وده بياكد ان الحياه فيها حاجه مهمه اوي اسمها " الخير "
دور يا صاحب المشكله ع المشكله هاتتعب اوي
ولاكن لو سبت نفسك للبراح هاتدوب ف المعاني والصور
والشجر والقمر والشمس والنجوم وضحكه الفرحان
وتفاصيل وش راجل عجوز ودعاء من ست عجوزه وطيبه
وعيال بتجري علشان يجيبو بكرا
الحياه مش حلوه ولا وحشه
الحياه شويه قرارت واحتمالات و لحظات من السكوت
الحياه لون قماش ابيض بيعجبك لونه
بتصدق اللي بيعجبك ديما
وسعات بتصدق اللي سمعته قبل كده
بس بتنسي تفصيله صغيره اوي بسبب سحر الحكايه
..........................................
اللي المدونه بتاعتي " غدا يوم النجاه من اليوم "

السبت، 8 أكتوبر 2011

ميم فتحه ماااااااااااااااااء


بما اني قرارت اكتب تدوينه جديد احب اقول توضيح:
انا بعيش ف حاله من التساؤل ديما .. وسعات بتوحد مع ذاتي
من غير سبب حاله بتوصلي وبتوصلني لحته بعيده
بخاف ديما من الملل وبحب جدا ضحكه الاطفال الصغنين :)
وحشاش.
..................................................
ده بالظبط عرض البينات الخاصه بيا ... مش المكتوب فالبطاقه
هو ده الكلام اللي انا بصدقه وبشوف الدنيا علي اساسه
وعلي اساسه بفرح وبزعل .
...............................................
لاني مش عاجبني حال البلد افتكست حدوته كده لنفسي
بتقول ان البلد دي ست والحاكم ده راجل
وفي اماره يقولك مصر هي امك
وحسني هو ابوك
من زمان الحدوته الشرموطه دي شغاله
ومافيش توقف
الرجل اللي هو فارس احلام البلد
من مواصفاته : الجشع _ الظلم _ الكذب _ الغباء .
فا لو جوزها مات مش بتتجوز غير واحد بالمواصفات دي
فالموضوع بقي اسمو عندي ( احا وحشه بالشطه وزفت البحر )
وال "احا الوحشه بالشطه وزفت البحر" دي الحاله الثابته لرؤيتي للاشياء
دلوقتي انا بحس بكده بالظبط
عاوز ازعق جدا باعلي صوتي واقول كفايه كده يالي فوق ماتحدفش زباله ع سكان الارض
المرض انتشر ..
.....................................................
هو انت ليه مكعبات ..؟
بتحب اللون الابيض ..؟
نفسك ترجع طفل وتمسك ايد البنت اللي كنت بتحبها زمان ..؟
فاكر اول مره شتامت فيها ..؟
كنت بتحب تروح حديقه الحيوان وتتفرج ع الاسد ..؟
طيب الموسيقي الجديده علي ودانك وعجباك اوي اول ما تسمعها بتحس ايه...؟
عمرك جاتلك هديه في شكل صندوق ومربوط شبه الحلم ..؟
( من الاساله دي هاكتب قصيده )
مكعبات اللون الابيض
وترجع طفل وتمسك ايد البنت
اول مره
بتحب
ودانك تسمعها
مكعبات مكعبات
صناديق مربوطه بشكل الحلم
.............................................
انا واثق جدا ان اصحابي المقربين ليا اوي
مافيش حد فيهم شافني وانا صغير
وكمان مافيش حد شافني وانا بسوق العجله بتاعتي
خلاص كده . فـــــــــــــــــــــــــس

الخميس، 6 أكتوبر 2011

قصاقيص من كراسه سنه اولي ابتدائي


يعني ماتقولش لواحد صاحبك انك بتفكر تعمل شات مع سمكه
لانه هايضحك
سمكه وشات مايركبوش علي بعض بس ممكن صحبك يديك فرصه توضح وجه نظرك
الغير تقليديه .
كنت راكب مع سائق تاكسي زي عادتي فتحت معاه كلام .. هو كان حزين جدا والدنيا لونها اسود عندو
حاولت اغير شويه في اللون ده وماعرفتش لانه بقاله كتير مصدق ان اللون الاسود هو الحل
نزلت من العربيه بتاعته انا مليان طاقه ملهاش اي تاثير طاقه مليانه نور مطفي
.................................................
بمزاجي
بمزاجي بغير شويه في التفاصيل
امبارح قعدت انا وشادي صديقي الحقيقي نرغي ف كلام كتير ممتع وبيسبب لاي حد غيرنا حاله من السكوت
" لان نص كلمنا كلام مبني علي امبارح وتفاصيل كنا اتكلمنا فيها قبل كده"
...............................................
الهسس المستمر عندي في فكره التواصل مع الناس المجانين اللي في الشارع
مش بيخلص .
...............................................
تحت تاثير الكركبه وموسيقي "الجاز" وصوت الناس اللي ف الشارع
ونظرات من عيني ع الكي بورد للتاكد من وجوده تحت ايدي
بتخلق حاله ملهاش اسم ( بس بحبها )
............................................
انا بكره كلمه خساره يا ايها الشعب الغير مختار انا مش حاسس بالخساره
ولا حاسس بكل المشاعر المنسوخه منكم
في حاله شبه نبضات قلب طير عالي جدا ومش خايف من الارتفاع
..........................................
ممتع ده ....؟
تخيل كده معاك عسليه و انت واقف فوق اعلي قمه الهرم
والهواء بيلطش وشك ومش عندك فرصه انك تنزل
عارف ليه ؟
لانك معاك عسليه وواقف علي قمه الهرم
.........................................
قصاقيص من كراسه سنه اولي ابتدائي
مكتوب فيها "محمد" وحرف الميم مكتوب بشكل مربع
وحرف ال ح مكتوب بشكل مربع ناقص ضلع
وال د نفس الكلام
ده بسبب MISS ناصره المجنونه
.......................................
عرفت من كام يوم تمثال

الثلاثاء، 4 أكتوبر 2011

او


او
يمسك قلم ويعلم علي الخريطه ويختار المكان المليان هدواء ( ويعلن الحرب )
او
مايرضاش ويكون السبب ساذج جدا ولاكنه معاه سلطه او سلطنيه
او
يرفض جوازك من بنته لانك ماعكش فلوس كفايه ( لحل المشكله النفسيه عنده )
او
يكون هو الوحيد اللي فاكر ان الحل بعيد ( مع ان الحل موجود من كام شهر بس مكتوب بشكل ملخبط)
او
يروح يشتكي لحد هو فاكر انه حقيقي ويطلع مش حقيقي
او
السؤال عن حاله بيسببله حاله من الحزن المبالغ فيه
او
يحط نفسه في احتمال ويرمي الاحتمال ف البحر " ويستنئ الحوت المنقذ "
او
يروح يتمشئ لوحده عند نهايه الكون ويقول بصوت عالي " انا الاصل فالحوديت"
او
يغير ايقاع الرقص ... يرقص بشكل دائري لمده طويله جداااا
او
يدخن سيجاره " كيلوباترا" مع انه عارف ان كليوباترا كانت عاهره
او
يغني

شيئ من تحت جلدي " تقريبا ف اعماق صدري "

ده كان لقاء مع شيئ جوايه .
لما عرفت اوصل لجوه جوه جوايه .. سالتني 
هو انت جيت  ليه ... وكان الرد " علشان اخرف والناس تخرف معايه"
سؤال لنفس الشيئ  تاني .. هو ليه البنت اياها لضمت الخيط لما لاقتني محتاس 
الجواب كان " علشان هي طيبه شبه وش القمر "
اممممممممممممم
اوك
طيب هو ليه الناس في مصر مجنونه ؟؟
الجواب كان " اسكت ياحمار انت كمان مجنون "
انا مصدق طبعا ان السما مش بتحب قناه الجزيره
ولا شكل الرصاص ف صدر ولد صغير فلسطيني حتي انا مش عارف اسمه
بس عارف كويس الشكل الدائري اللي ف صدره " بفعل الرصاصه"
(دايره من رصاص وابتسامه صفره جدا)
..........................................

هذا هو الخبر الاول :
صرح مصدر مسؤل عن هطور امطار تسعاد علي شفاء الروح
وغسيل الوشوش واظهار الوشوش الحقيقيه.
وقد هرب المواطنين بعد اكتشافهم اول حالات الحقيقه والوضوح والشفاء من امراض الروح.
.........................................

حالا انا قولت كلام ماتكسفش منه
 انا عاوز اعترف بشويه حجات .. زي مثلا اني لاقيت 200 جنيه والجيب بتاع البنطلون كان مخروم ووقعت
واني بشتغل دلوقتي مع ابويا " شغال مدير للجراش بتاعنا "
مدير وش :D
وكمان عاوز اقول ان السعات ممله جدا دلوقتي 
وكمان عرفت ان الشاعر: (فؤاد حداد) كان عنده نفس المرض بتاعي " الدوخه "
وعرفت كمان اني ممكن لما ازهق اغني اصلي "مغنواتي"
.....................................
لو كان الكلام ده عاجبك ماتقوليش لاني مش متعود اسمع 
تعليق يغير شيئ بجد
وكمان  طاغور بيقول : بعضهم يعبر الحياة...كالطفل الذي يقلّب صفحات كتاب مقتنعاً أنه يقرأ فيه .
خد ضحكه كبيره من غير سبب علشان يمكن تحس السبب

الخميس، 29 سبتمبر 2011

مزكرات غير كامله


بقالي فتره عايش في حضن الكوخ ..
شبهي اوي المكان ده
مجنون ... مش مترتب .... مليان تفاصيل ... هادي لدرجه السكون
سعات بحس ان الكوخ حافظ الاغاني بتاعتي :) ديما بيكون ساكت وبيكسفني
انا هاقول شويه زكريات من الكوخ ومني :
.
.
مش عارف ابتدي ازي بس انا هاقول اللي هاييجي في دماغي وخلاص
امي وجدتي والعجله والبندقيه الرش و وحاله الهروب من المشكله و عيون ريهام وهي بتقولي بحبك
واصحابي الطيبين والوحده والحطان المحفوره بفعل الزمن
وبواقي موسيقي قديمه اوي .. والبوم الصور اللي مافهوش غير صورتي
وايه تاني .........
اه
ولحظات اعترافي لنفسي
_____________________________
اعجب ما فيك يا جاهين انك بتشبه الحاله ومابتحكهاش انت بترسمها علي قد الروح
" اللي قابلته راح وفات الانين "
" حبيبي سكر مر طعم الهواء "
____________________________
فاكر شويه حجات من الحدوته
المهم اني فاكر و الاهم اني بحاول مانساش
بكرا مش طيب ولا جدع
بكرا يوم اخرس مابيتكلمش
وانا هاستغل الحكايه دي واتكلم معاه انا

الثلاثاء، 27 سبتمبر 2011

عرايس الماريونيت

بعد الفاصل الكوميدي من الاحداث المصيريه للمواطن المصري اقدر اقول الاتي :
اني غضبان

اني زهقان
ان الثوره مانجحتش
وان الطوفان ماكنش طوفان
وان الناس اتحولت عرايس متحركه
"ماريونيت"
وانا يسعدني ويشرفني اني اكون متفرج وف نفس الوقت بشارك فالحدث
من فتره مش كبيره اوي .. كنت كاتب اننا في فيلم وكانت حكايه الفيلم دي مسيطره عليا
اه طبعا انا عارف ان في ناس كتير اوي مش موجوديني باروحهم هنا هما بس اجساد
ومليانين شويه افكار واحلام وحجات من دي.
بس تعرف ... هما عرايس بردو ومصدقين الهدف الساذج ده
من كام يوم بالصدفه وبدافع من الوحده والملل قرارت اني اتفرج علي اي هسس علشان اضيع وقت لحد ما انام
المهم انا اتفرجت علي "مصطفي محمود" ولاقيته بيتكلم عن النسيبيه وانشتين وكده
قعدت اسمع وانا حاسس بسعاده وملل في نفس الوقت بس على غفله قال : الفرق بين الانسان العادي والعبقري ان العبقري بيقدر يخترق حجاب النمط والروتين وبيعرف انه يتخلص من الشهوات والرغبات زي الاكل والفلوس والجنس والخرف المفرح ده
جه في دماغي سؤال غريب هو ازي كان بيقول كده في مصر يعني للشعب ده
ف اخر الفيلم الناس بتقول الله شوف الرجل ده دماغه عامله ازي ده عبقري ..
بس ييجي زياد الرحباني علشان ياكد الحاله اللي جوايه الكلام بيفضل كلام
يا شعب مصر العرايس انا مليت من كتر المشاهده
كل يوم بخرج باشوف حجات عجيبه اوي وتوجع
وكل يوم بسال نفسي نفس السؤال هو انت بتدور ع الحجات دي ولا هي اللي بتلاقيك
وبرجع وانا شايل حاله من السكوت تكفي المحيط
وبرغم اني معنواتي .. مابغنيش
وبرغم اني سعات ببقي شاعر .. مابشعرش
وبرغم اني مش مصدق فالي ف السموات ... بندهه
وبرغم غباء الناس ودوشتهم .... نفسي احضنهم
وبرغم اني سعات بصرخ من كوني وحيد .... بتونس بيا اوي
انا عروسه
ماريونيت فرحانه بشكل الشمس ... ولما تخرج تسيح تدوب
انا الخلصان بفعل النوم
سلام يا عرايس

الأحد، 25 سبتمبر 2011

مشهد ل اغتصاب

والمدينه متلخبطه جدا
مشهد ل اغتصاب كان هايحصل بس ربنا لحقها او الشرطه
كنت قاعد انا وجماعه اصحابي علي قصر النيل بليل الساعه 4 pm تقريبا
كنا بنغني وبنخلص في سجاير بعض كالعاده ..
وفجاه ظهرت بنت ماشيه وماشي وراها بتاع 15 موتوسيكل وعليهم شباب كتير
من الطائفه الشعبيه الغير سويه ....
قعدو يرخمو عليها واتكترو جدا عليها وهي ماصرختش حتي كانت مخضوضه
انا حسيت ان في " ادرينالين " حوليها بيشد الكلاب للنباح ..
والغريب انهم استجابو جدا للاشارات الهرمونيه اللي خرجه بفعل الخوف من جسمها
قمت انا واصحابي بسرعه جدا عليها علشان نفهم الموضوع
واحنا رايحين عليها كانت هما اتخنقو مع بعض
زي ما قولتلكو كلاب
وطلعو مطاوي واللي قلع الحزام
حاله من الفوضه الرهيبه
المهم واحد صحبنا خد البنت بسرعه علي عربيه الشرطه
وامين الشرطه راح علشان يعرف ايه الحكايه
بس الغريب انه كان ماسك " خرزانه "
انا ماضحكتش بصراحه
انا كنت حزين جدا علي الموقف ده
الناس كلها مشيت واحنا اصرينا انها تركب مع الشرطه علشان يوصلوها للبيت
بس طلع البنت هربانه من امها ... وهنا خد قرار الرحيل
انا انسان مكركب جدا وسعات بحس اصحابي فاكرني حزين انا بس بقيت بشوف حجات كتير ملهاش دعوه بحالتي
يعني ممكن اكون فرحان تحصل حاجه تبوظ الحاله بس بيتبقي شويه شراشيب من الحدوته جوايه ..
هو ليه
وكمان هو فين
وهو مين بالظبط
انا مش راوي انا الحكايه وبس

الجمعة، 23 سبتمبر 2011

ماتت " فجله "


انا سكران جدا دلوقتي واللي مش عاجبه يخرج بسرعه
ومايكملش .
كان قدام الباب بتاع الكوخ في قطه صغيره كانت ديما بتطلع صوت عالي وكائنه صوات
او نداء للام او الرب اللي مش شايفها دلوقتي .
انا اكتشفت وجدها من ثلت ايام بس
وكنت فاكر ان امهه بتيجي تاكلهم ولاكنها ماكنتش بتيجي
انا عرفت المعلومه دي بسبب الفراغ او اهتمامي بتفاصيل ممكن ماتهمش حد غيري
قولت انا هاسبهم القطط دي ليها رب ياخد باله منها
المهم سبتها يومين وانهارده قول انا هاخدها عندي انا هاربيها
كانت ممكن تموت بسبب عدم اهتمام المسؤل عنها وعن وجودها
كان في قطتين واحد ماتت واتبقت واحد قولت هاربيها
ومسكتها بصيت في عنيها اوي وقلت انا هاسميها من احساسي بيها وهاتبقي كبيره سمتها "فجله"
ورجعت بعد احتفال مع اصدقاء ( سكرت وشربت حشيش كتيرررر)
لقتها ماتت.
هي كانت عاوزه تموت هي اكيد ماتت بفعل الملل زي " ايوب "
كانت فكرت الزبادي اللي جبتهولها مش كافيه
كان لازم اقعد معها
انا غبي
اهو القطه دي اتولدت للحياه علشان تتعزب حتي لما حد قال انا هاخدها اهتم بيها
ماكنش كافي
ماتت " فجله "
صاحبه الاسم المضحك
ماتت بفعل الياس
ماتت علشان ماكنتش موجوده في مكنها
ماعرفش السبب ولا العجيب فالحكايه ولا ايه اللي خلاني اتوجع
بس اللي عارفه ان الناس محتاجه فرصه تاني كل الناس حتي الاوغاد

الخميس، 22 سبتمبر 2011

انا مش فراغ في جدار الحياه


انا مش فراغ في جدار الحياه ..
انا مش شعاع للشمس عكساه المرايه
انا مش طاووس فرحان بلبس للعبايه
انا الغوايه
والمشابك ع الحبال
انا طبق ابيض وفاضي
انا الماضي
شربت ويا الكاس حكايه
شربني الكاس ثواني
بتلف الكلمه في راسي بفعل السكر
واديا ثابته كما الجبل
امبارح كنت فاعل
انهارده مفعول بيه
امبارح كنت شارع
انهارده شباك موارب علي القديم
هواء كتير يملالي جوفي
يمسحلي خوفي
يرميلي غنوه
تشربني جدا
وانا اللي كنت بقول : ماتشتريش الهواء اصل الهواء ببلاش
اشتريت بكل حاجه
انا ديما كنت فاشل فالحساب
ودي النتيجه
اشتريت عنوان لحاله
انا مش فراغ في جدار حياتي
انا اشترتني

الاثنين، 19 سبتمبر 2011

شويه كلام ملخبط


بعد ما شربت بيبسي وخلاصت كام سيجاره في قهوه " افتر ايت "
قرارت انهي الفسحه هي كانت شبه شويه فكره الحدوته اللي لما تخلص
يقولك حلوه ولا ملتوته ... وانا عرفت من فتره ان كلمه مالتوته دي يعني متعاده
او ممله .
طبعا الخروجه كانت ( ) هواء
..........................................................
الايام دي بحب استخدم شويه الفاظ كده منها " الهواء ... والمافيش... المضمون "
وده كان ناتج عن حكايه .. ايه اكتر حاجه ممكن تقول المعني لحد
ومش لازم يكون الحد ده انا يعني .. بس زي ماتقول كده تقريب للمسافات
وانا بشوف في الايام دي الشوارع بجد
اه بصراحه الموضوع ظهر بسبب الافلاس فا كان لازم اروح مشي
:) وعرفت الحدوته
ان المسافه من التحرير للبيت بتاعي " الكوخ " بتحدد بالعامل النفسي
يعني لو عاوز ادخل الحمام اكيد جدا هاكون مستعجل او مثلا لو مصدع ومش حابب الدوشه
وزي كده كتير ..
الوقت اللي خرجت فيه ماكنش عندي اي مشكله مع الحجات دي
بس كنت عاوز حاجه هي ايه .. مش عارف
بس كنت مسحول جدا .. حستني كده
طبعا ركزت شويه زي عادتي في وشوش الناس حسيت انهم مش مني
تقريبا علشان انا كمان مش منهم .
..........................................
اتخانقت مع اهلي من كام يوم .
مع اني عارف انهم مشوشين جدا لبسبب انا ماعرفوش
بس حاسس انا مش زعلان منهم اوي دلوقت .. بس كنت زعلان اوي من كام يوم
هما مش موجودين ف الاساس
......................................
سعات بقعد اعمل اشكال عبيطه ب وشي في المرايه
علشان اضحك
وسعات وانا بعمل الحكايه دي بقف ابص لنفسي وبابص لعيني اوي
بشوفني وكانها اول مره
...................................
العيال اصحابي هايتجننو اصل الناس بقت عبيطه اوي
وهما بيشوفو تفاصيل كتير اوي
فابيحصل صدام طبعا صدام نفسي
بيقولولي الحكايه دي وانا ماعنديش حل غير الضحك
او النقاش في افتراضات كتيرررررررر
.................................
عن ال لا شيئ
شويه كلام مرسل لاشخاص
. . .
. . . . . . . . .
وحشاني جدا . ( امي )
انا من زمان عاوز اقولك انك صحبي الحقيقي. ( غير معلن )
مش بحبها لانها مش شبهي انا هلاقي واحده تاني .( غير معلن)
غيرت فيك وانت غيرت فيا " الئ الجيتار "
لساك عبيط زي مانت ( غير معلن )
ايه ده امال هو ايه المعلن
المعلن يا سيدي حاله جواز
بين سندريلا وعلاء الدين
كانت لابسه فستان لونه ابيض جدا
وهو كان لابس لبس فارس
وماكنش في حصان ابيض
كانو ماشيين علي رجليهم
وكانت هي مبتسمه علي طول
انا اخدت بالي
والناس كانت بتسقف جدا
انا سقفت شويه واديا تعبت
وشغلو طول الفرح اغاني" للشيخ امام"
ولما روحت سمعت انهم شغلو اغنيه لفيروز
كانت " وقمح"
انا مزعلتش لاني حسبتها . قولت انا واحد بس وزعلت علشان ماسمعتش الاغنيه
لاكن في كام واحد فرح ... كتيررر :)
يبقي خلاص

السبت، 17 سبتمبر 2011

اكشن


مخرج تحت التمرين بيلعب بافكاري ويكون مشاهد مش حببها ومش حباني
" صعب جدا اكون الشاشه والجمهور والحدث "
سعات بتخيل اني انا المخرج انا المسؤل عن الحركه والاداء
بس المشكله هنا
ان الناس سعات بتخرج عن النص .
وبتغير في تكوين الشخصيه
وده كتير جدا علي عقلي المريض بداء الشجر .
.......................................
دلوقتي كلمه مصر بتسببلي هم وحزن
دلوقتي الحنين للاشياء وصل لحد القمه
دلوقتي كنت لسه بعيد مشهد من مشاهد زمان
كل ده دلوقتي حصل وبيحصل مستمر
زياد الرحباني قال: ان ربنا مش ممكن يخلص
يعني تقدر تقول ان ربنا بيخلص " لا طبعا "
يبقي المشكله مش هاتخلص لانها بقوه ربنا علينا .
طبعا الكلام ده شكله جوافه جدا بس انا مصدقه
يمكن زياد ملخبط .. بس شبهي
......................................
فكره الاتوبيس اللي مليان ركاب كتير ومايعرفوش بعض
في فتره زمانيه كبيره اوي انهم يقولو لبعض ازيك " وابتسامه صافيه"
يحصل اختراع
خيررررررررررررررررر كتيررررررررررررررر
طظ فالاعارف والبدل الديقه
انا بحب شباكي وانت بحب الكلام اللي بيلمسك ويشبهك
الدرس وصل للجميع من اعداد واخراج ابن المفنيخ او انا التاني

الأربعاء، 14 سبتمبر 2011

اي حاجه

وبعد مقاومه شديده جدا والحاح من انا التاني
قرارت اكتب تدوينه
مافيش اي كلام ف دماغي دلوقتي وده في حد ذاته كلام
.......................................
ديما الدنيا في عيني مختلفه عن عينك والعكس صحيح
زمان كنت بسال امي هو انتي شايفه اللي انا شايفه زي ما انا شايفه ؟
كانت بتتجاهلني تماما .. بس بيني وبينك انا عارف ان الجمله متركبه غلط
وكمان انا كنت عيل والعيال كلامهم سعات مابيكنش مهم ( سعات )
انا مش شايف كده خالص لالالا انا مش شايف اصلا
هو انا ليه
......................................
السؤال الوجودي المتبععتر ده طظ فيه اساسا
هاقول شويه كلام مش هايعجب حد
انا بتخيل ان الناس بتدعي وتتمنئ حجات من ربنا
بس للاسف في طبور كبير امنيات وطلابات
وانا مش عارف دوري
لما كنت فالتحرير سالت نفسي هو دعاء الناس كله ده ضدد مبارك
بيروح فين
وكان الرد جوايه اننا محبوسين جوه صندوق ولما ندعي الدعاء بيخبط في حد
تاني عن طريق الغلط
بس هو مين اللي بينقل الحكايه دي ؟
ومين اللي بيشغل المواضيع
وليه بتحصل كارثه وناس تموت من غير اي سبب
وليه الغني مش بيشوف الفقير
وليه اصلا في فقير
وليه ديما في خطوط حمره
وليه في مثل بيقول ماحدش بينام من غير عشاء
اه صحيح هو ده مثل ولا نكته
مش عارف
" شويه ناس مخترفه اتلمو علي بعض كونو كون جديد مافهوش حدود"
" هو انا بكلم مين في حد هناااااااااااااا"
يالي هنااااااااااااا حد يرد عليا
:( للاسف مافيش
انا هنام دلوقتي بعد ما قولت اي كلام وهحاول احلم بشكل جديد للحياه
اه معلومه مهمه اوي انا مش كتاب مفتوح انا كتاب لسه فالمطبعه بيتصحح

الثلاثاء، 13 سبتمبر 2011

من اول السطر


يابنت فيكي الجمال وشوشه
ماتفتاحيش زارر قميصك
انا شايفك كويس
انتي عريانه بفعل المعجزه
وتشبهي تفاصيل حكايتي
مابحبكيش وبحبك
ماتهربيش من سؤالي
هو ممكن
هو انتي ده
شخبطه كتيره في شكل دواير هبله جدا
من اول السطر
تخاريف مؤالف ابيض واسود
حبيبه بتجري علي نجيله منديه
وحببها الشاطر هواء
كان برسم شخبطه بلليل
وودان وعيون وشفايف
لا لا لا
من اول السطر
هو انت عارف حد
هو انت مني بجد
طب ليه بتظهري في صوره اه
موافق جدا انا
وانت مركز ع الحروف
اوعاك تكون فاكر
ان البدايه دي
ماعرفش
يو مافيش مشكله نكتب تاني
من اول اول اول السطر
قتلت حد امبارح
وقتلني حد انهارده
وهايقتلك بكرا السكوت
ماتخفش م الموت
ده الموت بدايه
اه صحيح صورتني امبارح مع الكبايه
اصلها نطت من فوق الكرسي وماتت
اتفشفشت مليون مثلث ومكعبات ودواير
الانتحار كان مفاجئ
والسبب مش عارف
بس ماتت
حزين انت زيي
ولا بيوصلك رزاز مني
فا تجري
من اخر السطر
مافيش حد يسمعني
اصلي وحيد

الأحد، 11 سبتمبر 2011

اختفاء شخص في ظروف واضحه


اختفاء شخص مهم علي غفله!!
قعدت ادور عليه كتير جدا بس مالقتهوش انا كنت لسه قاعد معاه من شويه
بس فجاه اختفئ احتمال يعني انه رجع تاني لنفس الحته الديقه
ايه بقي ناقص يا غريب الاطوار انت .
كان في : نسمه - ريهام - شيماء - هبه - شيماء 2 - مريم - هدير - سها - نورا
ايه كل ده الله يخرب بيتك
هو التريب مش مظبوط لان الاحداث كلها غريبه
اهم حد فيهم كان (ريهام ) البنت ام قلب ابيض انا كنت بحسها اختراع
موجوده علشان الناس تفرح .. كانت شبه القمر في وسط الصحراء
والباقي اقدر اقول عليهم كانو اشباح
والغريب اني ماقولتش سوره من القران علشان يختفو بس اختفو
بصراحه علشان ماكنش كداب انا ليا يد في الحدوته
اكتر حد وجعني ( نسمه -هبه - شيماء _ شيماء 2 )
كانو اشرار شويه ..
والباقي كانو طيبين
مش مهم ده كلو الحوديت خلصت والاسامي مانزلتش علي تترات الفيلم
لاننا مش ابطال
بس الغريب فالحكايه ان العامل المشترك فالحدوته
اني كنت محتاج حاجه فيهم كلهم يمكن الحنيه او الاهتمام
انا مش عارفه كلمه حب يعني ايه بس اللي اعرفه ان اي شعور طيب اسمو حب
الوقت بيجري بسرعه لما بكون مبسوط ومش عارف الحل
بس انا اتعلمت احتفظ بحاجه من الحدوته
نااااااااااااصح زي ابوك يا شيكو
.................................................
جفاره مات
وانا بشرب سيجاره
ونظاره سوده معموله عاج
وتصويره من اللي كانت حببتي
تطلعني علي قد الصوره بالملي
تطلعني جفاره مات

السبت، 10 سبتمبر 2011

يا ولا حاجه


كتير اوي بكون مش عارف انا هاكتب ايه..
بس بلاقيني بكتب اني مش عارف اكتب
.............................................
بعد مارجعت من الاسكندريه اكتشفت اني ممكن ابقي فرحان باقل حاجه
واني ممكن ازعل من نفس السبب بردو
وكوني غريب الاطوار بتلخبط بسرعه وبتشوش كمان
وعرفت اني اتعلمت علشان اتشوش ..ماهو كل حاجه بتشوش
تعرف يا ولاحاجه انا امبارح كنت هاموت
شوفت يوم 25 تاني
مليان دخان قنابل بصراحه عقلي ماقدرش يستوعب الاعاده
الحكايه كلها تقريبا ان الناس تايهه والحكومه كمان تايهه
وانا مش هاضحك انهارده
يا ولا حاجه انا عاوز اقولك ان الملل مش كاس براندي سيئ الصنع
وان كاس جوينت الحشيش مش بينسي حاجه
وانك حمار يا ولا حاجه
يا ولا حاجه انا عاوز اقولك ان الحكايه بتاعتك وبتاعتها مش كامله
والموضوع مش صح تقريبا لان في حدود
انت شخبطه وهي ورق مسطر
ابعد بسرعه جدا انت مش للحب انت للكلام عن الحب بس
يا ولا حاجه اصحابي مش شبه صوابعي انا بقيت مابفهمهش
وبحس بملل كبير
يا عمود النور نور تاني وريني شخص جديد
بصراحه محتاج (نبي)
شيماء بتقولي كل يوم انها بتحبني وانا مش شايفها
يمكن علشان كدابه يمكن علشان مابتقش محتاجه
يمكن علشان في بنت شغلاني عني
او يمكن علشان ال ولا حاجه
" ماتفتكرش اني حزين يا صديقي اللي مابقاش بيقراء تدويناتي "
انا بس متاخد شويه بقولك يا اخي كنت هاموت امبارح
المشكله مش ف كوني هاموت
المشكله هنا : الكوخ هايوحشني
فااااااااااااااااااااكس
انا لسه عايش
انا كان عندي مرض واكتشفتو خلاص
لحد هنا كفايه .

السبت، 3 سبتمبر 2011

من كام يوم

من كام يوم ظهرت حلات جديد .
اول حدوته هي: اني كنت بتمشئ انا وشادي وفي وسط البلد الساعه 3 الصبح كنا بنتمشي من من غير مانحط خطه .
وتعبنا شويه من المشي وقعدنا على قهوه شربنا اتنين 7up ساقع واستمتعنا بصوت الناس فالقهوه اللي مليان دوشه غير منطقيه بس المثل بيقول ( هو انت قاعد في قهوه )
وفجاه كده ظهر طارق عازف العود اللي سيد درويش امتلك كل تافصيله واحتل حياته احتلال تاااااااام
وقعدنا ندردش شويه عن عمنا سيد درويش والموضوع اتطور لفكره " ماتجي نغني "
حلوه اوي بس هانقعد فين .
وكان الاقتراح من عند شادي قال " تعالو نغني للنيل " نقعد معاه وحشني
وفعلا خدنا القرار
بس كان في مشكله ان في شويه ناس مزعجين جدااا احتلو كل الاماكن اللي ممكن تساعد الوحي انه ييجي . وببتسامه عريضه جدا قولتلهم تعالي نقعد عند الاوبرا " طبعا مش جوه لا بره علي النجيله "
وفعلا قعدنا وابتدت الموسيقي تيجي من السماء .
الغريبه هنا ان في ولد من اطفال الشوارع جه قعد معانه واول حاجه قالها " ممكن سيجاره"
قولتله عندك كام سنه قالي 14 قولتله لا مافيش سجيار في بس موسيقي ينفع
مادش عليا وقعد جنبنا ونام علي النجيله .
فاللحظه دي حسيت باني عاوز اساله ليه انت كده
فعلا جاتلي حاله الفضول وقولتله هو انت ساكن فين ؟
قالي هنا .
قولتله هنا يعني ايه ؟
قالي فالمكان ده.
قولتله يبقي كده احنا ضيوف عندك .
ابتسم وقالي اه
شويه كده واتشغلت بموسيقي طارق واغاني سيد درويش
وكمان شويه هو صحي تاني وقالي انت عاوز تاكل ؟
قولتله ليه بتسال ؟
قالي علشان اجبلك اكل !!
قولتله شكرا انا كلت
قالي انا اشتريت الكوتشي ده ب 50 جنيه ايه رائيك
قولتله جميل اوي
قالي والتي شرت ده والبنطلون ده بخمسين تاني
قولتله انت جبت الفلوس منين ؟
قالي انا بشتغل انا بسمح العربيات في الشارع.
قولتله هو انت ايه حكايتك ؟
قالي ابويا اتجوز ومراته طردتني من الشقه ولما رجعت تاني هو طردني .
وفجاه ابتداء طارق وصديقه وشادي في المناقشه هو ممكن يكون كداب
بس الغريب في الوقت ده انا كنت باصص في عينه .. هو كان صادق
انا صدقتو .
وبعد شويه قولنا احنا هانمشي بقي الشمس هاتديقنا ومشينا كل واحد في اتجاه
واللي فضل في المكان الولد اللي مليان اساله من غير عنوان .. الولد اللي مايهمهوش رائ الناس .. الولد اللي سالني هو انت جعان .
......................
ودي كانت الحاجه الاولي الغريبه اول الحاله الغريبه.
وتاني حاجه هي :
احتياجي الشديد لحب مظبوط علي مقاس قلبي وضحكتي بالظبط
وفكره التدوير علي حبيبه علي حقيقه علي تعريف للمشاعر الجميله اللي خايف تختفي مني من غير رغي الحكايه كلها الوحده ابتدت تلعب الدور بتاعها فالسنه انا اصلي كل سنه كده يجيلي نفس الدور احساس بالوحده شديد مع اني وسط اصحابي واللي هما
مش اصحاب بس لا هما اسلوب حياه بيغير ويبني ويساعد علي السير في طريق الحياه
.................
ماعرفش انا فيا ايه بالظبط
بس حاسس اوي بيا
لما احط ايدي علي صدري
بحس براحه بحس بالنفس خارج بشويش
وشخلله ناتجه عن اخر علبه سجيار
انا جواه الديره المغلقه
شكرا للاهتمام وعدم اضافه اي تعليقات على التدوينات بتاعتي

الخميس، 1 سبتمبر 2011

تدوينه


ايوه تدوينه جديده ياترئ هايقول ايه :
هاقول اه علي الوقت الهواء
هاقول لا انا مش ناوي الرجوع
هاقول ليه حبيت الغناء
هاقول ازي سمعت الهمس من قلبي
اه . لا. ليه. ازي
كل اللي راح مش جاي
:D ابتسامه عريضه جدا لاظهار السنان
...........................................................
لما مايعجبنيش كلام واحد فالاساسا مابيتكلمش بحسني مجنون
ولما بقعد اقول اللي جوايه لاي حد بحسني عبيط
والحقيقه الغريبه ان فعلا مجنون بس الفرق اني عارف
ومجنون في عيون ناس لاكن في عنيا انا ( عاقل ) او يوم الاربع الساعه 5
الواد كعيكع يقولي ان الموسيقي مش احساس .. بيقول ان في حاجه اسمها صوت الععازف علي الاله
وانا قولتله لا يا صديقي الحكايه كلها انه بيحس اوي اللي بيعمله علشان كده بيطلع صوت الموسيقي حلوه
وهنا يظهر شكل من اشكال الحوار الغير عادل
اولا : انا وهو بنتكلم في نفس الموضوع يعني في كل الحلات احنا بنسمع مزيكا
هايله جدا وهي اللي فتحت باب الموضوع
بس للاسف باظ بسبب التفصيص الغبي اللي من غير علم او دراسه
ثانيا : انا سمعت كويس هو بيقول ايه بس هو ماسمعنيش ... اختراعت حاجه في الحظه دي وهي اني قولتله ثواني انا سمعتك انت سمعتني
قالي اه
قولتله فهمتني .. سكت وفضل يعيد الجمله
ولما قالي ايه اكتر حد انت بتبحه في المزيكا قولتله مافيش حاجه اسمها كده
قالي لازم يكون في حد قولتله زياد الرحباني قالي ده احس واحد قولتله
لا ده اللي بحبه وبالنسبالي احس مؤلف موسيقي عربي
وفجاه كده قولت انا لازم اقفل النور واشغل مزيكا .
..............................................................................
انا محور الديره وعنيا مش عنيك
ماترميش حاجه في صدري
انا مش فاضي
وانت كمان مش فاضي ف اكيد في حاجات اهم مني بكتير
ارمي فيها ( اللي عندك )
لكن يا ايها الناس : هذا الشخص الذي ينتمي اللي الشاطئ الاخر
لا يستطيع التواصل مع الاخر بسبب عطل وضرر ناتج عن الوحده الشديده
..........................................
وتقولي مسغرب ... والله شكلك انت اللي مستغرب مش انا

الثلاثاء، 30 أغسطس 2011

بين الهزار والجد


بين النهاروالنهار بين الهزار والجد تم زرع بزور من جسم لجسم اخر ( جيت انا )
مليان لخبطه وهزار وجد ونهار ونهار تاني مافيش لليل كتير في حياتي
مع اني بعيش بلليل اكتر وده مش شيئ غيرب ده اسمو شيئ عادي او مهلبيه
خلينا بقي نقول :
عشت من كام يوم اسرع قصه حب في حياتي تقريبا كام يوم كده بتاع 3 او 4
وانتهت بسهوله جدا لانها مش كامله في الاساس
والمشكله الكبيره هنا ان لو واحد اهتم بواحد تاني اوي هايحبه
صح كلامي ولا ايه
وطبعا في عوامل مؤثره زي مثل التفاصيل الدقيقه فالحكي
او احساس اللهفه والقلق والخوف عليه ومنه
ده حصل بس انا كان ليا رائي هايل فالحدوته دي
هو اني اسال : هو انتي بتحبيني ؟
وكان الجواب منغمش بسبب الا معني
فاكان اللي حصل اني قولت بسرعه جدا مش عاوز اهتمام زياده
لان ده هايععلقني بيكي وده مش مستحب عند روحي
لاني مستحيل اطلع اللي جوايه في الهواء من غير وصف دقيق ليه
...........................
اما بعد انا ديما بقول الناس كلها بتخلص انا مصدق يا جماعه
كل الناس بتخلص
بمعني الموت الجسدي او الاختفاء او التنفيض ......... الخ
بس اللي بيفضل موجود هي الزكريات
تعرف مثلا
انا مجنون لسبب وانت عاقل بلاسبب

ماتقوليش ان الحدوته عجباك



السبت، 27 أغسطس 2011

رساله متعاده للتاكيد على وجودي فالحياه


معجون سنان وفرشه ومشط ومرايه وحنفيه ولمبه وحوض
" اللي حصل ده كان الحمام "
تعالي بقي عند المطبخ
" مغلق للتعديل "
مافيش غير المكان اللي بنام فيه وده اكتر مكان مليان ذكريات
لو كنت ذكي شويه كنت عرفت اني لو مش حر كنت هابقي اسطوره
ديما الاحرار بيفتكرهم التاريخ وينساهم بسرعه
وكان التاريخ شخص قاعد جوه اتوبيس وبيبص على الناس بنظره سريعه
مافيهاش اي تركيز
السحاب بيمشي ويخطط على الرمل والسراب بيشدني
ولو مافيش سراب انا كنت ماكملتش ف طريقي كنت زهقت
كنت مت لومافيش سراب انا كنت مت
الامل ديما بيكون شبه الاحباط
اتخيل حاجه مثلا الموت بيسامحني علشان اكون وسط ناس بحبهم
انا
الاصل والصوره و المسخ نسخه من شيئ
مين هاكون ولو كنت ..انا كنت ايه.. وهاكون ايه
" اللي حصل ده اسمو صوابع محشي "
كل حرف وكل كلمه كانت ممكن ماتكنش كده كان ممكن
الحروف كلها تتلخبط وتتكون جمله تاني مليانه حجات تاني ومعاني تاني
بعد ما اخلص كتابه بحس ان الكلام اللي انا قولته هايرفض
مكانه وهايتغير بس انا مش هاشوف بعيني اللي حصل ده
ممكن لا مش ممكن انا اخترت اكتب .. كل الاحاسيس انا اخترتها
اعتمدت علي نفسي وانا بكتب
في شيئ ديما هو اللي بيخليني اكمل كلام
امتئ هايسكت الصوت الخفيف اللي بيشبه الهواء الساقع ويلمس جلدي
وروحي
في مشاهد كتير ليا ممكن اطلع بمشهد
وانا مسكين او اطلع في مشهد وانا ماسك سكين او اضحك
دلوقتي اقفل فيروز واسمع محمد منير وكمان شويه اقفل منير واسمع محمود درويش
وبعد شويه تاني اسمع زياد الرحباني ليه كل ده ليه الناس دي
ليه وجيه عزيز ليه مش تامر حسني او عمرو دياب ليه ديما حد جواه حاجه ليه ديما
ليه مش علشان اكمل شيئ جوايه لا ده اسمو الاحتياج للصدق
"اللي حصل ده حديث مشوش شبه بخار الماء الخارج من
جوه صدري ساعت لما ابص للمرايه واتوه في تفاصيل وشي"
................................
وليه ماتكنش دي لحظه صدق حقيقيه مافيش كسوف انا اصلا مش مكسوف
انا هاعترف لازم اعترف
بحبها .
بحبها لدرجه اني بحس ان لحظات الوحده الغبيه فيها خلل
مابقاش بيعجبني حبي للوحده انا بس بحبها هي بس
كان ممكن المزيكا تكسب اكتر لو كانت المزيكا قالتلي انت لوماكنتش
مزيكاتي كنت هاتبقي مزيكاتي وانا اقول اني بعتمد على كلمات
بتوجعني وصوتي وكل حاجه اتعلمتها وحظي والحظ حظ الموهبه
بعتمد على موهبتي اللي مش ملكي وهي في الاساس ملك الناس
.................................
مافيش حد كان بيوجهني لفتره لحد ماظهر حد وجهني انا التاني
انا بذهق من الذحمه وعلشان انا بذهق من الذحمه ذهقت مني وابتدت مشكلتي
انا المسافر والسبيل
والبدايه لكل حد فالكون كماله انا الكماله بتعتي
لازم ييجي نصر
علشان اصدق الحواديت والنجاح المرسوم فعيون الناس اللي بتسمعني
انا عاوز اقول
حاجه
(.......)

الخميس، 25 أغسطس 2011

شارع طلعت حرب

بنفس الحرص الشديد على مشاهده الناس ولفكره اني عاوز اشتري بنطلون
نزلت وسط البلد
وكان اللي كان
مشهد اول : المكان شارع طلعت حرب
البياعين بتصرخ فالشارع علشان يشدو نظر الناس انا اتخضيت جدااا
واحد بياع بيقول اااااااااااااااااااه بصوت عالي اوي وكائنه موجوع او بيتضرب
ده اسمو جنان او حاله من التوتر الخارج عن السيطره
كملت في طريقي طبعا بحاول اركز انا عاوز اشتري بنطلون
وفجاه كده على غفله واحد شدني من دراعي وقالي تعالي افرجك علي المحل اتفج بس مش لازم تشتري
قولتله: لا مش عاوز شكرا
قالي :لا هاتتفرج
كان ردي المنطقي احاااااااااااا
ومشيت وسبته ولا كائنه حصل اصلا
فضلت ماشي كتير بتفج علي المنظر ومش مصدق يعني ايه الناس بتصرخ فالشارع
ده حتي مش بينادو ويقولو ( تعالي بص ) بتاعت زمان
لا ده صراخ صريح
فضلت ماشي وفجاه تاني واحد جي عليا وماسك تي شيرت وقالي ايه رائيك فيه
قولتله ( البسه ) وكملت مشي
طبعا البسه الوحشه مش الحلوه
مشهد تاني : محطه مترو الاسعاف اتجاه حلوان
كتابت علي موبيلي بيت شعر ( انا لسه قاتل نفسي من ساعه )
الغريب اوي اني فضلت فتره كبيره قاعد على الكرسي في المحطه عمال ابص للجمله دي
ومش عارف اكمل
مشهد اخير : قرار
قرارت اني اغير نمط الحكايه كلها حطيت سمعات الموبيل في ودني
وشغلت فيروز (بيت صغير ب كندا )
وركبت المترو انا شايف وشوش الناس وسامع صوت فيروز الحنين
حسيت اني مسامح الناس كلها علي حاله حصلت مش شبهي
وصالحتني وقولت بكرا احلي ياشيكو ابتسم :)


الأربعاء، 24 أغسطس 2011

اي كلام


موديل السنه دي
مافيش معني محدد جوه دماغي علشان اتكلم فيه وانا عارف ان كل
كلامي مش مهم او مش ضروري لحد
علشان كده انا هاتكلم بصراحه واقول اي حاجه
انا مش خايف منها انا مصدق انها عاوزه تبقي انسانه كويسه
مش عارف ايه اللي بيحصل بس اللي انا متاكد منه انها انسانه
عرفت تكون انسانه وانا لسه بتعلم ازي اكون انسان
انسان دي كلمه سهله اوي بس المعني كبير واكبر كمان
من قوس الكمان (كمانجه) الكلام بقي ملوش طعم بعد ما حطيت ايدي
على الوجع الموضوع كلو ان زيد مش زي عبيد فا اكيد هايطلع
عيني علشان اعترف بحاجه مش عاوز اعرفها لحد
مش عارف ايه اللي مستخبي ليا بكرا بس اللي عارفه اني بقيت نظيف
مابقتش بحس باي شعور ملوث بشئ من الكره او الحقد
الله على طعم الهواء بيدفي صدري اللي اتملي تراب
هانفخ التراب وهانفخ البلالين كمان علشان اطير ياه نفسي اطير
يادي الحلم الغبي اللي كل لما اجي اكتب اقوله
فاااااااااكس كفياني طيران
تخيلو كده لو كل واحد مننا قال لنفسه على اي حاجه فاكس
يعني الحب فاكس الجواز فاكس
الشغل فاكس البلد اهلي اصحابي
اي حاجه وبعديها
يقول
فااااااااااااااااااااكس
وينسي طعم الحاجه دي ......... ( الي هيحصل دلوقتي اي كلام)...؟
تعالو نساعد بعض علشان نوصل لمستقبل احسن
تعالو كلنا نتعلم فلسفه السمع
تعالو كلنا نقول لبعض الحقيقه حتي لومش حلوه
تعالو ننسئ الكدب
تعالو نضحك في وش بعض
....تعالو نكون بشر ...
::::::::::::::::::::::::::::::::::::::::::::::::::::::::::::::::::

الثلاثاء، 23 أغسطس 2011

امي

وحشاني اوي
قالولي زمان انها بتبص عليك من السماء
وانا بصراحه مش بصدق ف الكلام ده
يااااااااااااااااااه بقالي كتير ماحدش ضمني
وحشاني اوي
معقوله ماتجليش فالحلم انا عارف ان الحكايه كلها في عقلي الباطن
هو انا مزعلك
سعات بحس بيكي فيا لما تجيلي لحظت الشجن اياها
انا كنت بحب بنت حضنها شبهك بس الموضوع خلص
بصراحه بطلت احكي عنك لاني سعات بحس في عيون الناس جمود
ماهو انتي بردو مابتحكيش عني
امي صحيح سلملي علي جدتي اوي وبوسيها
وقوللها محمد بيسلم عليكي وبيقولك وحشاه
ابويا كويس يا امي وزي ما هو مسحول فالنسوان عايش علشان يرازي الناس
عنيا اتملت دموع ومش شايف الحروف علشان اكتب
اه يامي الوحده خنقاني اوي
لما سعات بطلع لاهلي مابحسهمش
انتي عارفه بقي الحكايه
امي ابنك بقي بيغني والناس بتحبه
مش كل الناس يعني
انا مش مشهور بس بحاول
امي هو انتي بتشوفيني زي مابيقولو
امي انا ساكن في نفس الشقه بتاعتك اللي اتربيتي فيها
سعات الناس بتقولي ايه المكان ده اللي انت قاعد فيه ده
مايعرفوش حاجه
امي انا بشرب سجاير وحشيش وخمره
انا اسف مش هابطل
ماتزعليش مني انا برردو غصب عني بتخنق مالحياه
كان نفسي الكلام ده يوصلك

الاثنين، 22 أغسطس 2011

................

البدايه ( رغي كتير مالوش عازه)
النهايه ( سكوت بعرض كل شوارع مصر )
في النصف ( انا )
بحبك اوي انت الحياه ليا ( كلمها .. كلامهم كلهم )
انت اجدع صاحب فالدنيا ( كلامهم هما ليا )
وانا بقول بصوت مش واضح سعات ماتغيب الشمس انا مش شايف
ومش حابب الحكاوي اللي بتخلص بعد ما بتتحكي

الأحد، 21 أغسطس 2011

ممكن

ممكن تمسح من فوق شفايفك لون شفايفك لا طبعا هو عبط ولا ايه
بس ممكن تقفلهم وماتخلهمش يبانو في الاساس
حكايه اني مش مرتاح دي طولت حبتين
ممكن تكون المشكله هي البند بتاعي ( حلمي الكبير)
او الفلوس وفكره الاكل والخروج والسجاير
او اهلي
بص انا مش عارف
اللي عارفه كويس ان كل الناس عندها مشاكل كتير وده بيعمل حاله من اللغوشه
ممكن تمسح المرايه علشان تشوف نفسك بوضوح شديد
او ممكن ترمي نفسك جو حضن حد انت متاكد انه بيحبك
ممكن تسمع نصيحط "زياد الرحبني" وتركب عجله وتلف بيها
ممكن تمسحني من حياتك لما ييجي الوقت الغير مناسب واقول حاجه ماتعجبكش
ممكن كمان تقول حاجه كنت قولتهالك قبل كده وتنسبها لنفسك.. انا عارف انها عجباك ومصدقها اوي انا ماعنديش مشكله :)
ممكن تنسي لون اللبس بتاعك لو حد سائلك علي غفله عليه
بس بردو لازم تعرف انه ملل اوي علشان يسال سؤال زي ده
ممكن تغني وانت نايم من غير ماتصحي او تقلق حد مش نايم جانبك
ممكن تتخيل اشكال على الحيطان وتقعد تركز في تفاصيل اكتر
ممكن يكون معاك الحل ياغبي وساكت
ممكن تكون انت الحل بتاعي
لحظه سكوت .