المعجزه

المعجزه انك تلاقي في وسط كل الناس
مرايه تعكس وجودك بالطريقه اللي انت شايف نفسك بيها
المعجزه انك تلاقي في ناس بتعرف تفهم
قد ايه انت انت و مش شبح
المعجزه انك لما تكون مفلس ومعاكش حق السجاير
تفتكر حاجه تنسيك احتياجك للنيكوتين
المعجزه انك تضحك من جوه قلبك
في عز المرار
ومن المعجزات بردو ..انك لما تمشي في الشارع
تلاقي حد بيبتسم في وشك ويقولك عامل ايه
المعجزه انك تساعد حد غيرك في قرار ليه
مع ان الناس بتعرضه
المعجزه انك تتكلم في الوقت والمناسب
وتسمع لغيرك فالوقت المناسب
ومن كتر المعجزات اللي انا بستناها
اتمليت هواء
وعرفت حاجه مهمه اوي
كل الحجات المفروضه مش شبهي وكل الاحتمالات انا
.........................

واهو ده اللي صار

وبالرغم اني بعرف اعمل اشكال عبيطه في المرايه واضحكني
لما دماغي بتقف عن التفكير سعات بحتاج سرير يحضني علشان اتونس بيا
بالرغم من وجود حدود لكل البلاد عملوها الناس علشان احساس الخصوصيه
بحب لمت الناس حوليا فالكوخ بتملاني حياه
وبالرغم ان العمله النقديه شيئ صامت في ناس عملتها تتكلم بشكل يناسب الهدف
يعني الجواز والخروج والاكل والشرب والبس ....... الخ
واهو ده اللي صار يا سيدنا

انسان غير معروف

يلعن ابوك بطل كفايه بقي تخش جوه تفاصيلي
لخبط تكوين الحقايق بالوكسه والخيبه
يلعن ابوك تاني
وميلون
مره فالساعه
.......................
هو ده اللي عندي بقي

بيني وبين نفسي وشوشه

والشوشه بصوت مسموع
استني النطق بالحكم بعد المداوله
مافيش احكام ولا عناوين تنشرها الجرايد
ههههههههههههههه
يا مخبول الصوت اللي سمعته امبارح خارج من الحيطان لفيروز
ماكنش اشارات الاهيه ليك ، صدفه حصلت ان الراجل جاري الترزي
كان مشغل نحن والقمر جيران وانت صحيت لانك لسه بتحب الصوت اللي بيكسر
ابعاد الكون
وشوشه بصوت مسموع اكتر
حلوه الاغنيه بتاعت قصاقيص ورق اللي شادي كتبها
هو انت لحنتها علشان تتحدي حد ولا علشان هي جميله
الاجابه: انا لحنتها علشان الشعر هو اللي ندهني .
اسال سؤال الرد يرجعلي سؤال
مش موضعنا
من غير وشوشه وبصوت مسموع
انا فرحان لاني ابتديت احس ان في حاجه بتحصل
في امل :)

شيئ عادي جدا

شيئ عادي انك تكون عادي
انك تسيب نفسك تسند عليك
انك تبص لتفاصيل المساله
شيئ عادي انك تلملم وشوش الناس في جيبك
وتسرح جوه اعماق الوجود
انك تسيب كل شراينك تتخلط بالنغم
انك تواجه خوفك بحلمك
شيئ عادي سعات العصاري
لما تبقي فاضي وتقلب فالزكريات
وتترعش من لمسه البرد لجلدك
تحضن نفسك تتغطي جسمك بايدك
اللي يامه شاورت علي السماء
انت الوحيد اللي مش بتتجمد ساعتها
مبتسم في وش الريح موافق
شيئ عادي انك تعيد ابعاد مريتك
وتحطها تحت رجلك وتشوف نفسك طويل
او انك ترفعها فوق وماتشوف نفسك بعيد
اي حاجه ممكن تكون شيئ عادي
اصل الحجات الحلوه كلها موجوده في دماغك
زي لون البلونات
والستاير البيضه لما بيخبطها الهواء على الخفيف علشان تطير
ماتبوح بالسر وقولها
عيش

انا اتجوزت عايده الايوبي

من جمله الخرف اليومي اللي بيعيشه الواحد انا حلمت اني اتجوزت عايده الايوبي

هههههههههههههههههههه
والغريب بقي انها كانت بتغني كل شويه اغنيه علي بالي
وانا بحلم كنت بسال نفسي هو ده بجد هو انا اقدر اقول يابختي ولا ايه طيب اقولها تغني معايه اغنيه
ولا كده ابقي بستغلها وليه انا اتجوزتها اصلا وهي كبيره اوي عليا
وفجاه الباب خبط وفتحت ودخلو ناس كتير اوي اوي اوي اوي اوي
وصحيت من النوم
مش فاهم حاجه طبعا ايه اللي جاب عايده الايوبي لحلمي مع اني بقالي حبه مش بسمعها
زي ماقولت من جمله الخرف اليومي يعني
..........................................................................................................................

اه يالغريب

اه يالغريب
حلمك بعيد ومين معاك
هاتكمل المشوار
محتاج دلليل .. ومافيش دليل
اسمع هنا واسمع هناك
تتكون كل تفاصيلي ضباب
ارسمني صوره بشكل سريالي مليان صراع
تتشبك كل الناس في بعض
ورقه جديده لونها هواء
ولا اسرار ولا افكار ولا تكوين لايقاع عالي
انا المبحوح ولما اندهك.. ب علو الصوت ماتسمعنيش
ماتهمنيش دلوقتي تفاصيل ضحكتك
موجوع انا من كتر احلام مش للغريب
وللاسف رسموني من صغري الغريب
فاكنت غريب
بيت مش سايعني بيطرني مني
ولما اقرار استخبي تندهني
تشد الحبل اكمل سير
ارفض اتجاه مفروض عليا
تغمي عنيا اتالم
اه يالغريب لما تتوه فوسط
حروف مرعوشين بفعل خوفك
..فاتستسلم للسكوت وتكون غريب

هنا

مش محتاج انا سعات لمبرر يقنع عقلي المخبول بسبب حدث مهم او مش مهم

: لاني في الاخر مش بيتغير اقطناعي بشل الكوره او المثلث الحجات الحلوه الوحشه الهبل اي حاجه من الحجات لازم تحصل
: سبب وجودي هو خيالي
: ليه لا
: مش مقطنع بفكرت ان الناس تقطع الشجر
: اخبط راسك في الحيط هايقطعو الشجر علشان السرير بتاع حضرتك يا حمار
: متلخبط علشان سبتها دمك ناقصه حب
: بكره تتعود انت اصلك بقيت كده مشوش ومش مهتم
: لما قولت ان الصياد وهو بصطاد السمكه بيكون في قمه السعاده والسمكه اول ما تطلع من المايه بتشوف نظرت السعاده وهي بتموت
: بس انا متاكد انها بتستسلم للمجهول
: ورغم ان السجاير هاتموتني بس بيني وبنها عشره ياعم دي بتطلع نفسي اللي مستحيل حد يستحمله غيرها وغير الهواء المنغمش بفعل الدخان
: في امل اوقات بيطلع من الملل ... فيروز انا بحبك
: بس ماتضحكيش عليا لحد دلوقتي قلبي بيقولي انك حياه خليكي امتداد للمعني المستخبي مابين ضلوعي وبين الاسئ
: ......................................
SHEKO: خلاص

لما الهواء بيشوط كلامي
علشان يخرج ويخبط فالمافيش
بستني الرد اللي سعات مابيعجبنيش
اجري عليك واحضنك
خوفتني مني .. انت مين
وماحسش مابحسش
مش شايفك صدقني عنيا بتتحرك بس مش شيفاك
ومش قادر امد ايدي اشرب حنانك
وجعتني بوجعك
اكيد في يوم هايبطل الهواء يحوم ف المكان
ولما تيجي الحظه دي
مش هسالك
مش هالمسك
واقف هناك وانت هنا مستني ايه
ممكن اسالك سؤال ..؟
ماعكش لحظه كده
تطببت عليا
الكل سكاكين ورق
غيرت لون الحيطان
غيرت لون المكان
مباقش بيشبهك
اياك تكون فاكر انك زهقت منه
لا ده هو اللي من افعالك زهق
ديما مسافر و الطريق دخان
مش هاعترف دلوقتي بحاجه
.........................
وبرغم اني مش بكتب عربي كويس بكمل كتابه
وبرغم ان كلامي الغاذ بكمل
وبرغم ان ممكن ماحدش يشوف الخرف ده
هاكمل