في حاجه لازم تحصل

في حاجه لازم تحصل
ايه هي؟ او تخص مين ؟ مش عارف بس في حاجه لازم تحصل
كل يوم بتتولد حاجه بتتكون لما ييجي وقتها وتظهر وممكن مافيش حد يشوفها
ولا هي ممكن تشوفنا بس بنحسها اوي لانها بتظهر بتبقي باينه وكل ابعاد النظر
بتحتويها تماما
وممكن يكون ده السبب اللي بيخلينا مانشوفهاش
وعلشان تحصل حاجه ونحس بيها لازم نكون عايشين بالفعل
ممكن اشوفك اوتشوفني احسك او تحسني
بنلاقي بعض بطريقه مش تقليديه ممكن نسميها انها حاجه بتحصل
تدخل مرحله جديد زي الحب مثلا اوترسم رسمه او تعمل اغنيه
في وانت مش مرتب انك تعمل كده
وتبقي تحت بند الحجات اللي بتحصل
لازم تحصل حاجه كل شويه لازم تحصل حاجه

في الاتوبيس

في الاتوبيس انهارده كانت رايح اقعد في التكعيبه ( قهوه في وسط البلد) المهم وانا رايح كان واقف جنبي واحد هولامي جدا وكان بيقول حجات كتير تقريبا الحجات دي شغلاني انا كمان
كان بيحط في دماغ صديقه افكار مشوشه جدا منها ان مصر دي احسن بلد في الدنيا فاصحبه ضحك راح قالو ايوه احسن بلد في الدنيا علشان فيها فول وطعميه وده مش في اي بلد في الدنيا
انا كان نفسي جدا اضربه بس ماعملتش كده كنت محتاج اسمع كتير جدا منه علشان يفضح افكاره المسمومه الهبله دي وكان من كلامه كمان الكوره اللي قال عنها انها عشقه الاول والاخير وانه ممكن مايعملش اي حاجه في الدنيا غير انه يتفرج على الكوره .. انا كنت مش مصدق نفسي هوه في كده ايوه في كده لاني شوفت بعيني ماحدش قالي
وكمان صحبو قالو بص كده في عيال ماسكين عود توضيح بسيط بس ( كان جيتار ) مش دي القصه المهم رد فعله قال بكل وقاحه: كلها بقت فنانين بيني وبنكو الكلمه دي سخنتني جدا قولته انت ليه بتتكلم كده. قالي يعني ايه. قولتلو بتعلق تعليقات عن الناس وكانك فضائي. قالي وهوه بيضحك فضائي قولتلو اه قالي اصل كل شويه الاقي واحد ماسك عود وماشي في الشارع علشان يعلق واحده وعملي فيها فنان. قولتلو هوه اللي معاه جيتار او عود وماشي في الشارع ميبقاش فنان او لازم يكون بيعمل كده علشان يعلق واحده
قالي ياباشا الناس مش زيك. قولتلو انا مزيكاتي وانا من الناس وانا مش باشا ونزلت من الاتوبيس وانا مخنوق جدا من الموضوع ده فاقرارت اني اكتب واقول ان الناس اتهبله وشكرا جدا وانا مش هاعمم زي الغبي ده لا انا هاقول ان الناس مش بتشوف بعض بتشوف خيالات بعض وبس ايوه وبس

اخر فرصه لاهلي انهارده خلصت

من زمان ومن قبل زمان كمان كانو اهلي متخلفين تماما وده كان من اسباب اني اسيب البيت واعيش لوحدي ... طبعا اني اعيش لوحدي ده صعب بس انا علمت نفسي ازي اعيش لوحدي
بطريقه تناسب افكاري المريضه ..... وانا دلوقتي مرتاح بس طبعا اهلي دول حاجه مني غصب عني وسعات كده بيني وبنكو بحتاج يبقالي اهل او حد يسال عني وكده يعني
فابروح لاهلي وانا شايل جوايه ضعف شديد وحنين طايش متلون بنظرت كسوف منهم او مني ..... وكنت كل مره اديهم فرصه تاني علشان يغيرو طريقه التعامل المرضه اللي بتدل على مدئ انعدام الحنان .
طبعا جوه نفسكو هاتقولو ما ممكن اكون انا اللي غبي لا انا مش الغبي لاني سالت نفس السؤال ده وحاولت اتواصل ماعهم بالطريقه اللي تخليهم فرحانين من بس ده طبعا اسمو نفاق ... هايبقي عادي لو خليت حد يبقي مبسوط منك وانت عارف انك بتشتغلو ...؟
الاجابه هنا مش موزونه لانها فيها شئ من الكدب
خلينا في الموضوع الاساسي اني كل مره كنت بساعد اهلي واساعد نفسي بفلسفه الفرصه...
وكانو كل مره بيفشلو طريقه الكلام بتاعتهم اسلوب الحياه العجيب الاهتمامات انا مش بظلمهم انا بظلم نفس .... ممكن اكون انا اللي مختلف عنهم علشان كده انا قرارت انسحب في هدوء ومن غير اي استضام مع حد .... وخصوصا بعد ما روحت ليهم علشان اتفرج على الاهلي والزمالك وطبعا كل اهلي اهلاويه خلوني وانا بشوف المباره حولو على المسلسل التركي كنت هاخبط راسي ف الحيط يلعن ابو كده كفايه مش لازم تعرفو اكتر من كده علشان الموضوع مايبقاش ممل .....
يا صحاب العقل جالك يوم وتتالم
تمشي كما المشتاق لاهلك وانت مش محسوس
توصل في اخر خيط فايتقطع وتتبهدل
(حمص)

بالازرق

تخيل تصحي الصبح تلاقي الدنيا كلها
متلونه بلونك المفضل
هتجنن ولا هتفرح ولا هتمل من اللون
مع ان المفاجاه ممكن تسعدك وممكن وممكن حجات كتير اوي
بس تخيل ان الشمس بقي لونها ازرق
والبيوت والشوارع
والوشوش والورق والقلم وكل حاجه واي حاجه لونها ازرق
لون الدنيا بلون اللي بتحبه
تخيل بس مش اكتر من كده
مهو ممكن ميكنش معاك فالدنيا دي كلها غير الخيال
مش لازم تركب لجام
مش لازم تخترع حدود
اكسر كل ده وعدي لاخر ابعاد المنطق
اكيد هيكون في طريق
اوتتولد من جديد بس
حاول دايما دايما تفتكر انك
بتتخيل
الغريب في الموضوع انك لو صدقت خيالك
هتبقي في نظر كتير جدا مجنون مع انك مش كده
انت مصدق والباقي لأ
حلوه الدنيا بالأزرق
ايوه حلوه

في ناس وناس
في ناس بتتولد علشان يموتو
وناس بتتولد علشان تعيش
وناس بتساعد ناس
وناس بتعلم ناس
وفي ناس بتعيش تفكر في الموت
وناس بتعيش وتتشغل بالحياه
وناس بتوع مزيكا وناس بتوع مسرح وناس بتوع
حسبات
وناس موجوده علشان تتفرج بس
وكتير وكتير وكتير زحمه زحمه زحمه
بس الغريب ان بين كل دول
ناس مش بنحس بوجدها
مش بيخدو شكل في الحياه
ياريت متكنش منهم

انا بحب النوم ليه :؟؟؟؟؟
علشان ببقي فيه لوحدي تماما وبغوص جوه نفسي
وكمان وانا نايم بحلم وببقي مصدق الحلم وبعيشه
وغير كده انا مش بكدب على حد ولا حد يكدب عليا
ومش بسمع افكار من حد ولا حد بيسمع مني
ولا بضر ولا بتضر
وكمان مش بعمل اي حاجه حرام طول مانا نايم
وبرتاح وبحس ان مفيش حد جوه حياتي غيري
وفي اسباب كتير بكتشفها
زي عمري ماهعرف حد يخليني اندم اني عرفته
ولا بتعرف على حد وهوه يندم انو عرفني
ولو حسيت انت يالي بتقرا كلامي حاجه
احتفظ بيها لنفسك علشان انا بتكلم بجد
متضحكش
المهم وانا نايم ممكن اشوف الناس اللي مش معايه
في الواقع زي امي وجدي وجدتي وحبيبتي
كده يعني بس ده مش اساس الموضوع ده نص الموضوع
وكمان بحلم سعات اني بغني على اكبر مسرح في العالم
وكده كتير مش هعرف اعد احلامي
لانها كتير كتير واكتر من كلمه كتير
...................
انا هنام

وانت مالك يا اخي

وانت مالك
وانت مالك يا اخي ايه مشكلتك كل شويه تقولي مش عارف ايه
ايه الرخامه دي يا اخي
بس اسكت متكترش
يادي الارف انت هتاكل دماغي ليه
متفكك مني وانزل من وداني
هههههههههههههههههههه
مش فاهم حاجه صح
طيب استني
............................................
الصبح الساعه 6 مساء كنت واقف او ماشي
بس شوفت واحده وهيه شفتني برضو.. و عدت جنبي عادي جدا
ومفيش اي حاجه حصلت خالص
,;وكان المفروض اني مش عارفها وهيه كمان مش عارفاني
بس هيه قالت ايه عليا ؟؟
هههههههههههههههههههه
بردو مش فاهم حاجه
طيب محاوله تاني
..........................................
جالي هاتف في دماغي قالي اني بكرا هيطلعلي جناحات واطير
ونمت واستنيت بكرا يطلعلي جناح ومطلعليش
او ممكن يكون بكرا بتاعي غير بتاع الهاتف الي قالي كده
ههههههههههههههههه
انت مش فاهم ولا فاهم ولا بتعمل نفسك فاهم
..........................................
ماتطلع من دماغي لازعلك هوه كل يوم
بتفتح الحنفيه ومتقفلهاش
وليه بتغرق الفوطه بعد ما تغسل وشك
وليه بتفتح نور الحمام ما نور بنا هنا
وليه بتكرمش الملايه وانت نايم
.........................................
خمسه جنيه تعمل ايه هتجيب سجاير ولا هتخرج ولا هتاكل ولا ايه
قولي كده
خمسه جنيه تعمل ايه
.........................................
خلاص خلاص هظبت كلامي
واحد وواحد وواحد وواحد وواحد
يبقو خمسه هههههههههههههه
.........................................
حبه اساله بقي علشان الطابع الروتيني
اول حاجه بتحب ابوك وامك وبتحبهم ليه...؟
تاني حاجه انت شايف نفسك حاجه...؟
تالت حاجه كام واحد من اللي حوليك مش بيشتغلك...؟
الحب يعني ايه وهل انت تستاهل تتحب...؟
كام مره كدبت فيها...؟
كام مره عملت مش من هنا وسبت واحد يعمل حاجه غلط...؟
كام مره سكت على حقك...؟
انت بتفهم...؟ .
........................................
احسن مني ومنك ومنهم
واطيب كمان واكتر صدق
واكتر حرص على الاخرين
هوه مين انا مش لاقيه
علشان كده اطلع من دماغي بسرعه
امشي ولا اقولك انا اللي همشي واغيظك
هاهاهاهاهاهاهاهاهاهاهاهاهاهاهاهااها

عصير الاسفنج

انا بقي مش عارف ايه الحكايه
بس ريهام دي عبقريه سخنتني على الموضوع ده
وبقيت مسحول جدا فيه
انا عاوز اقول اني عندي كلام كتيرررر جدا عاوزاقوله
منه اني من صفاتي اني بهيس جدا ويمكن ده اللي خلاني لسه
عايش لحد دلوقتي او بعمل مزيكا مختلفه
انا مش عاوز اطول هاخش في الموضوع
.................................
كان ماسك اديها وهي كانت ماسكه في سلك المواعين
وهوه طبعا مكنش عارف يقولها ايه
خبط الباب راح فتح
وبعدين رجع مسك اديها وهيه مسكت تاني سلك المواعين
يؤؤؤؤؤؤؤؤؤؤ
لالالالالالالالالالا
هوه بعد عنها علشان هيه بعدت عنو
ومش موجود في قاموس اللغه العربيه تعبير بليغ
ممكن يوصف بيه حبه ليها بس كان بيقول كلام كتير
مكنش بيقولها عنيكي ولا الكلام الابيض واسود
كان بيقولها لما بيحس انه محتاج يقولها بحبك
وكان ديما بيتابع كل ابعاد الموجوده حوليها
علشان يعرف التصرفات المجنونه اللي
كانت بتعملها
وكان بيحافظ جدا على توازن العلاقه يعني محدش يحب التاني
اكتر كلو زي بعض
كان صعب ده حبتين بس عرف
................
وفجاه كده الحصان الابيض طلع من مطار القاهره
وراح عند شلالات الهبل الواسع
...............
وفي الاخر قلتلو سيب المزكيا لانها مش بتاكل عيش
وهوه لانه بيحبها عمل كده
كان فاكر نفسو بيضحي
وده صح بس المعني مش قوي هوه اللي بقي زي الخروف
واتدبح
.....................
ونفخ الاسفنج المبلول وقرر يعصره
ونزل منه اصحابو ومزكتو وحجات كتير كانت ضيعه منه
.....................
وخلاص