مقدمة :
شكرا يا شيكو انك صالحت شيكو
وشكرا كمان علشان ماكنتش بتدخل اي حد في حياتك
وشكرا لانك صالحت الناس اللي وجعوك
وشكرا لانك قلبك رجع تاني ابيض
وشكرا لانك بتدعم الاصحاب
شكرا يا شيكو من شيكو او من محمد ثروت اللي هو انا التاني
......................................................
نص غير مفهوم للعوام # ومفهوم للاصدقاء
مكتوب باللغة الخاصة ب شيكو :
انا اتولدت منبعج بسبب ظروف غير معلومة
وحصلي يامة انفشاخات ذهنية
وعديت كل العبث الكوني وكملت
واتعلمت ازي اعمل زحاليق وان الحياة مش ترونجيلة
وفنشخت الايكونات كلها وعملت ليا مقام وماصلتش
بس ضحكت .. وضحكت مع نفسي مش على نفسي
....................................................
" ابويا العجيب بتصل بية مش بيرد "
مش عارف يا اخي حسيت اني عاوز اسمع صوتة على الاقل
بس هو مش بيرد ولا حتي بيتصل كذا مرة وكذا يوم .
الاساله المطروحة حالا :
1 زعلان مني ؟
بس من ايه مافيش حاجه عملتها اصلا
2 مش مهتم ؟
ده عادي انت اللي محتاجة مش هو
# طيب هانفترض ان انا محتاج اسمع صوت ابويا
اعمل ايه .. وبعدين الطلب بسيط فشخ اسمع اسمع بس
اصلي انا واد مزيكاتي
يمكن تكون دي الزتونة
................................................
" قصيدة غير مقصودة "
وجع وجع .. وجع بجع
بجع وجع .. وجع الوجع
لما البجع وجع الوجع
وجع الوجع كل البجع
اصبح بجع وجع الوجع
وجع الوجع وجع البجع
..............................................
"وقمح " ليها دور كبير
انا مش زعلان من كوني ملعون ب موسيقى " وقمح "
لزياد الرحباني ومش بمل حتى
بس انت ممكن تمل
ارجوك
ليست هناك تعليقات:
إرسال تعليق