الناس والكلب

القرار الاول والاخير بيرجع ليك ممكن تحب مكان والعكس صحيح بس المهم المكان ده هايحبك ده مش هبل ده بجد المكان هايحبك زي وانت بتحبه ولو كرهته هوه كمان هايكرهك ولا هايكون زعلان جدا علشان ماعرفش يخلك تحس بيه وتتواصل جواه مع روحه
الحيوانات بتحس بايه لما بنشوفها بتبقي كرهانه وبتظار انها بتحبنا وشوف كان واحد بيضرب الكلاب وكام واحد بيصفر ليهم دلوقتي الكلب يحدد ازي الناس ويعرف يفرق بنهم مش ده في شيئ من الظلم شويه علي الحيوانات
مشيو صحبي كان قالي حاجه سحلتني جدا اننا لما بنشوف حاجه غربيه بنقتلها ده بيخليني احس بالجنون هوه الجنس البشري مجنون ايوه مجنون يا رفاق احنا مجانين وبنعمل نفسنا عقلين .
خلوني احكي عن يوم في حياتي اليوم ده كان اول انبارح انا كنت مع هواري وميشو عند مجموعه من اصحبنا وكانو بيقول كل شويه عاوزين نسمع مزيكا كل شويه يقولو كده ده كان بيخنقني بس انا حاولت اسيطر على احساسي ده علشان اليوم مايهربش مني طبعا هما ليهم سبب لما شوفو مزيكاتيه لازم يسمعوهم ملهمش دعوه بالمود بتعهم بس المهم انهم يشتغلو
كان في جانب عبرقي في اليوم هوه اني انا وهواري قرارنا اننا نتمشي في مصر بليل اول حاجه عملنها اننا نزلنا من العربيه في مكان مش عارفنيه وقولنا هانعمل مغامره وكانت لزيزه جدا كنا بنتمشي في شارع فاضي جدا الاحساس ده كان فيه فرحه رهيبه وشئ من الخوف وبعدين ظهر سلم قولنا ياله نطلع عليه وكان السلم ده بتاعت كوبري امبابه
كنت ماشي انا وهواري وماكنش في حد ماشي تاني معانه خالص فوق الكوبر وشفت منظر انا وهو حسينا اننا في فرنسا وفضلنا ماشيين وحنا بنتكلم عن ان في منار كتير في مصر مش جميله بس المنظر اللي احنا شفناه كان جميل كان جميل اوي كمان
وبعدين لقينا كلب محبوس عند النيل كان شكلو محبط من تصرفات الناس اللي مش متقبله وجوده اصلا وكنت انا وهواري بنتفرج عليه وعاوزين نعرف هوه هايعمل ايه هايحاول يخرج وفضل يحاول كتير وشكلو كان فرحان اني انا وهواري بنتفرج عليه ومركزين معاه
وفعلا خرج ووصل لعندي وبعد كده بص على الشارع ورجع تاني لنف المكان اللي كان فيه
يعني هوه اللي مش عاوز يشوف حد اصلا كره الناس تخيلو لو هوه كان عارف اننا مش بنعمل حاجه في الحياه كان عمل ايه ولا كان قال ايه ........؟ مش عارف بس اللي عارفه كويس اني كنت مبسوط جدا وكان يوم جامد شكرا على الاهتمام

و هنا يظهر الميكي موس

اول حاجه عاوز اقولها ان الدنيا حر مش حر بس لا حر ومافيش تكييف في المواصلات انا بطالب مجلس الشعب انه يخلي في الاتوبيس تكييف ويخلي التزاكر 5 جنيه وكمان عاوز اقول ان الناس كتير جدا ممكن تقتلو كل يوم 100 مثلا مش واحد عاوزين البلد تبقي فاضيه

وكمان مايمنعش اننا نطالب كلنا ان بفتره تاني لحسني مبارك المحترم صاحب مصر
وعاوز اطلب من السيد فتحي سرور الاقرع ده انه يشيل كل الناس اللي بتعارض علشان ميحصلش نفسنه على الاراء العبرقيه اللي بتخلينا ديما في المقدمه
والاهرامات كمان ملهاش لزمه احنا بقي مش هانعرف نبعها بس ممكن ناجرها باليوم
والفلوس دي نحطها في صندوق التنميه والتخريب الزاتي اللي بطالب انه يبقي موجود
وكمان الشرطه انا زعلان منهم جدا انا عاوز اقوي يا رجاله انتو الايام دي نايمين جدا
ومايمنعش نقفل المعبر بتاع رفح ونسيب فلسطين تولع ولما تولع نستخدم مياه النيل ونطفي النار دي بس للاسف مش هايبقي في نيل ممكن كلنا نتبول مع بعض على بعض
................................................................................
و هنا يظهر الميكي موس
انا نفسي اعرف حاجه واحده بس هوه احنا بشر ولا بنمثل اننا بشر ولا احنا بشر ومش عاوزين نكون بشر
يلعن ابو الحكومه على ابو النظام على ابوكو كلكو يا بقر كملتو كل الكلام بتاعي وبتضحكو
يا اغبيه انا بتقطع من جوايه انا نص يومي بقي مصر تعبت من كتر ما بتكلم مع الناس
بس الناس فاضيه من جوه علشان كده البلد بقت فاضيه كمان كل الكلام الغبي اللي انا قولته ده بيدل ان البلد بقت فاضيه وانا مش هاسكت انا هاقدم طلب لمجلس الشعب واقول فين الناس اللي في مصر انتو بتتكلمو عن مين مافيش ناس مافيش ناس في مصر خلاص البلد فاضيه .

ايوه نص النص نص

نص النص نص
ايوه كل حاجه فالحياه ليها نسبه ومن النسبه دي بيبان لينا
شكلها بوضوح الموضوع كلو عباره عن شكل خارجي بيحيط بالمنظر
او الجمله المعلن عنها من خلال الشخص اللي بيتكلم
حبه بقي من فوق الرصيف . امشي ليه فالشارع في سبب
ليه الشارع بقي اسمو شارع انا مش عاجبني اسمو انا هاسميه
طريق الاحتكاك البشري بالادوات
وطبعا طريق لازم تفضل طريق لاني لو قولت اي اسم تاني مش
هابقي واقعي
قال يعني اللي بقوله ده واقعي ماتسرحش مني بعد اذنك
ولو توهت مني ارجع اقراء تاني من الاول
ههههههههههههه
خلينا في الزتونه انا بفكر الايام دي اني انام كتير علشان مش عاجبني
حجات كتير في الحياه منها طبعا الناس مش ناس وتقريبا الاسواء
هو اللي بيدوم
يا هواري يا صديقي انت وميشو وسامح انا لامس جواكو الانسان
خليكو كده علشان مانمش منكو ومش هتلاقوني يمكن ده اللي مخليني
صاحي وده كويس جدا ومريحني جدا
خليكو بني ادمين على قد ما تقدرو انا في حياتي تعبت اوي علشان
احس بطعم الانسانيه تربيتي و الجو المحيط بحياتي كان خنقني
بس عرفت الاقي طريق اتعلم منه ازي ابقي بني ادم
جوه صدري في احساس معين انا بحسه زي مايكون ان في حد حضنك
انا عاوز افضل كده لاطول فتره ممكنه
طبعا في كتير هايقراء الكلام ده ومش هايفهم حاجه
عادي انا اتعودت على كده انا مش بكتب لحد معين انا بكتب
علشان انا فاضي

copy ..... paste

copy ..... paste
نفسي لما احس ان في حد كويس اعملو
copy
علشان يبقئ في كتير من نفس النسخه
ممكن يبقئ مكان او شخص او ضحكه
او كلمه او اي حاجه محتاج اشوفها تاني
طبعا صعب اللي بقوله ده علشان انا مجنون
بس حقيقي نفسي يحصل كده
يعني الصبح اول حاجه اشوفها الضحكه اللي انا
نسختها من حد
بس هي هتبقي بنفس الطعم اللي حسيته اول مره
مش عارف عادي بقي
انا قولت نفسي ونفسي كمان اتنفس
علشان انا بحب اتنفس

انا سكران دلوقتي

اه انا سكران وانت او انتي لو مش عاوزين تكملو الكلام ماتكملوش علشان ماتتخضوش
انا وميشو صديقي انهارده قرارنا اننا نسكر واحنا عندنا فلسفه معينه في السكر مش لازم تعرفوها علشان هيه مش مهم بالنسبه ليكو او ممكن تقولو اني انا رائي كده انها مش مهم بالنسبه ليكو اتكلمنا في حجات كتيررررررررررررررررررررر يمكن سعات وحسيت وانا بتكلم معاه اننا بنوصل لبعد يخلينا نقول اننا عايشين في حريه نفسيه تسمح لينا بالكلام ماكنتش بفكر انه مسيحي ولا هوه كان بيفكر اني مسلم كنا بنتكلم مع بعض علشان انا وهوه عندنا نفس المشكله الناس اللي حولينا مش ناس وده شيئ صعب علي انسان بيحاول يشوف هوه ايه في الحياه كنا بنتكلم مع بعض علشان احنا مش هنلاقي حد يستوعب الافكار الحره اللي جوايه وجواه انا مش بتكلم عنو علشان هوه اله لا انا بتكلم عنو علشان هوه لمس الحاجه الباقيه جوايه كويسه ميشو ده انسان مصدق انه انسان بس مش بيتكلم انا عارف اني كده بقول حجات كتير اوي اوي مش حقي انا بتدخل في فلسفه في الحياه وده مش حقي بس عاوز اقول انه رافض الكلام مع انه لو اتكلم هايخلي ناس كتير اوي تفوق من الوهم بتاع الحياه الهبله اللي احنا عملنلها اطار وقولنا انها هي دي الحياه لا الدنيا واسعه اوي بس للاسف التربيه والعوامل المساعده على خلق الفكر معدومه تماما في مصر انا ديما كنت بقول ان ربنا خلق لينا عقل وقلب ولاتنين من اكتر الحاجه اللي هاتسعد الناس وفي نفس الوقت
هاتعزبهم بس انهارده عرفت ان في ناس ممكن تقول انهم ناس وانا مش ماكسوف من ده
انا سكران اوي وحاسس اني مش عارف اكتب كل الكلام صح بس بيني وبنكو انا اصلا بكتب عربي مش عربي بس انا عارف انكو بتحولو تفهمو
سعات كتير اوي بحس اني عاوز اسب الدين للبلد والناس وابويا واهلي وكل الناس اللي حوليا وببقي مش طايق ابص في عين حد بس الاحساس ده بيختفي لما بلاقي حد ليه نفس الاحساسيس اللي انا بحساها او نفس الكلام اللي بقوله وببقي متاكد انه مش بيتشبه بيا او بيحاول يجاريني ببقي حاسس اني في قمه الاحساس والحريه وكائني عصفور وبيطير في السماء مافيش اي قيود عليا
انا عمال ارغي علشان انا سكران انا قولت لكل حد هايقراء الكلام اللي انا بقوله ده انا سكران دلقوقتي
شكرا يا ميشو شكرا يا صحبي انا فاخور انك انت صحبي

خبطات في الراس كتير ماتوجعش لاتموت

هوه الموضوع كلو البلد فاضيه من جوه علشان الناس اللي فيها مش فاضين من جوه المعروف ان الانسان جواه شويه مشاعر واحاسيس من خللها بيتصرف وبيكون رائي معين بس للاسف هنا في مصر مافيش كده زنبي ايه انا ابقي مصري واعرف كل شويه خبر يخنقني ويقل من كوني انسان زنبي ايه .
والله لما اقعد افكر كده بحس اني جوه دايره بتعيد نفسها كل شويه نفس الاحداث بس علشان ميبقاش في ملل الموضوع بيتغير وبيبقي في حاجه تاني تشبه الموضوع الاولني بشكل احمق
انا تعبت يا بلد تعبت اوي اوي اوي جدا خالص مش عارف احط رجلي على الارض بحس ان الارض بتكرهني علشان ساكت على حقي مش عاوز في يوم من الايام اجيب عيال ويطلع عنهم زي مع اني حقي اجيب عيال .
المواضيع بقت مساخه وانا مش هاقول حاجه اصلي حاسس اني بزود عليكو الهم جاتكو الغم
شعب جبان

انت مش مصدق

كنت رحت فين انت لما قالولك اعمل كده ؟ هوه احنا بنتعلم ايه في المدارس ؟ مين اللي كون شخصيتك واسلوبك في الحياه ؟؟؟؟؟؟؟؟؟؟
اول واخر حاجه من بين الكلام في كلام واللي فهم حاجه مايبتديش بلكلام اصل الكلم حاجه والحاجه زي اللجام اسمع كلامي ونصحتي لتبقي في خبر كان .
يعني ايه واحد يعدم نفسو يعني ايه واحد العساكر تقتلو يعني بكرا بتعنا هوه مين السبب
انا هافتح كل بلاعه في مصر ايوه واخليكو تقعو فيها كمان بس انا ليا سبب ومش هاقول عليه
علشان انتو مش بتهتمو بالمصيبه بتهتمو بس بالتاثير وكمان بتحسوه مش بتفهموه مافيش مشاكل لما ابقي عامل دماغ واكتب الكلام ده لاني ليا سبب .
هوه اشمعني انت مش شبه ابوك او امك تعرف ماتقوليش كلام جيني وخرف انت ابن علتك كلها مش ابوك وامك انت شبه ناس كتير جوه علتك
وعلتك دي بطريقه معينه شبه عيله حد تاني انت ماشوفتهوش خالص بس هوه كمان يشبهك فيك حاجه تشبهو هوه كمان كلنا نشبه بعض علشان كلنا في حته واحده واسمها مصر .
اول ما قولت مصر اتخطفت وحسيت انك هاتسمع كلام يقرفك لا مصر مش مقرفه لان مصر دي شكل معين على الخريطه بتاعت الارض .
مصر المعني غير مصر الشكل اوالوصف لو كان بشكل معين او طريقه فيها جانب معين
في مثال عندي انا مصري لو سافرت خارج مصر وقابلت شخص اجنبي وقلت ليه انا مصري ممكن يشوف الحضاره اللي عندنا او ممكن يشوف اني عربي ويعاملني معامله مش تمام . او ممكن مياخدش باله اصلا ان في حاجه اسمها مصر ولو عرفها هايقول الفراعنه
مع اني مش فرعوني ولا انت كمان فرعوني .
انا مصدق حاجه مش مهم تعرفها .. بس المهم انت مصدق حاجه .

الي الشاشه

بيخبط على قلبي احساس مسحور بشئ من المصداقيه المبالغ فيها ..اللي تشبه قلم رصاص واضح على الورق ومش مامسوس من اي جن ولا مطحون زي الكلام الخارج من قلبي فابصدقو.

وسعات بياخدني الوهم فاضيع وسعتها مش باسمع حتي خطاوي الناس اللي بتشرب من الشوارع الاسفلت وسعات كتير ياخدني وسعات كتير ياخدني النفس الطالع مني واقول لنفسي هوه مين اللي هايدخل الفنس بتاعي ده جواه وياتري هوه هايحس بالي انا بحس بيه لا طبعا
علشان ده نفسي بسرعه رهيبه المود بتاعي بيتغير دلوقتي حال انا عاوز اقول ان واحد وواحد لو جمعناهم مش لازم يبقو اتنين لا هايفضلو واحد وواحد الا اذا توصلو مع بعض بشكل او باخر
لالالالالالالالا هاسيطر على عقلي :::::::::::) الوهم الغامض بيرشدني لاي طريق من وسط الناس ازحف لحد ما اوصل لبعد بكرا الصبح واغمض عيني وافتحها بس في الحظه دي مش باشوف حاجه سعات كتير بحس اني عاوز اشوف حجات كتير اوي ومش باعرف هوه اصلو مش جنان يلعن ابو الكتابه على اللي كاتبها عليا انا كمان ههههههههههه لا انا لا
ولا اقولكو انا كمان مابخفش مني الايام دي وده حلو بس مش معني كده اني مش بعمل حجات غلط لا انا بهيس اخر حاجه ..........
الرجل العجوز جاري عم خليل قالي يابني انا بسمع واحد بيغني حلو تحت هوه مين ده قولتلو انا قالي اني مش نافع غير في المزيكا قولتلو انت بتتكلم دلوقتي عن ابعد بعد جوه عقلي انت كده وصلت وانت مش قاصد لنهايه المواضيع اللي ممكن اتوصل ليها في حياتي انا مش نافع غير في المزيكا وانا فخور جدا اني مزيكاتي .
اه صحيح قبل ما انسي نقطت مياه يعني حياه صح الكلام ده بس كمان اللي صح انك لو مافيش حد حوليك بيسمعلك هاتموت ايوه هاتموت
شيئ عاجيب جدا ان الحيتار ليه اول وليه اخر يعني النغملت كلها فيه ليها اول وليها اخر بس ممكن تطلع منه مزيكا مختلفه ملهاش اخر ده يشبه شويه حياتي ليها اول وليها اخر بس جواها مشاعر كتير مختلفه وكل يوم بيتولد شعور جديد وده ديما على طول مستمر
ويفضل جوه مني نفس الشعور اغمض عيني وابص للسماء ساعت العصاري والشمس تخترق جفوني واشوف الون الاحمر اللي ديما بحس فيه ان ده المشهد للي ممكن اشوفه في اي وقت زي مان . انا مش ممكن اشوف اي مشهد من زمان بس ممكن افتكره بس وده مش كفايه. صندوق الدنيا مليان بالخورفات اللي انا سعات بحس اني انتمي ليها انا مش شايف البعد الاخر لاخر بعد ممكن العيد تشوفه بس شايف على الاقل شايف الحروف اللي انا بكتبها مع اني مش متاكد اني بكتب كل كلمه صح
بيحصل ديما نفس الموضوع هوه اني اكتب الكلام بتاعي ده ومستناش رد ده بقي عادي حلو اوي انا مش بتكلم معاكو انا بتكلم مع الشاشه .....

حصاني الابيض

انا عاوز اركب حصان ويكون ولونه ابيض وايكون عندو جناحات كبيره ويكون قوي واطير لفوق لاكتر حته بعيده بلنسبه لخيالي هاكون سعيد اوي وعلشان ماكنش كداب انا مش هاخد حد معايه .. اه علشان مايكلش دماغي وانا مش ناقص هسس وزحمه .

وممكن اروح شويه في جزيره كده وانام وانا مرتاح مش عندي اي نوع من انواع الهم في دماغي ابقي مانتخ تماما . واكيد هاخد جيتاري معايه لانه الوحيد اللي هايسليني لو مليت واعمل مزيكا علشان انا بس اللي اسمعها اغني لنفسي عن نفسي اقول اي كلام مش ممكن اقوله في الحياه العاديه....
والصبح كل يوم استني الشمس تشرق واشوف يوم جديد بيتولد علشاني لوحدي واغني اغنيه طلعت يا محلي نورها شمس الشموسه واقعد اجري وارقص واطلع فوق الشجر و ازعق بصوت عالي اوي واقول اي حاجه واي كلام اهبل وضحك على نفسي الله على السعاده .
طبعا مش هاشغل نفسي بالبلاد ولا المسؤليه اي حاجه خالص انا بس هاستمتع بالحياه بالشكل اللي يناسبني ومش هانفسن على نفسي واخنق نفسي علشان حاجه
وابني من فروع الشجر كوخ واسع جدا هاعيش احساس البراح ولو حصل وزهقت جداااا
هاخد الحصان بتاعي وارجع تاني بيه للسرير واصحي من النوم واغسل وشي واتصل بكريم وسامح وهواري علشان نتفق هانعمل ايه انهارده .

اي كلام وخلاص

بص بقي ما تتوقعش مني اني اقول كلام شبهك اوي لاني انا وانت انت . اشطه الكلام ده ميزعلش
بس قولي كده هوه انت قولتلو ايه. ولما سمعت الرد ماكملتش ليه . وسكت يعني لازم تنفض وتخلي الموضع مش كامل على تفكر فيه
استني بس هي الساعه في ايدك كام . انت ليه مابتردش عليا اه هزار وكده فاكرني بهزر معاك او علشان الموضوع تخاريف انا ليه اوجع دماغي وافضل اخمن حجات كتير ماتقوليش
واحد عندو ملل قابل واحد عادي جدا سحلو معاه ووقع مود الحياه ايه مشكلتي . انا
55 66 77 8 اي حاجه في غطي العلبه تساوي اي حاجه في غطي دماغي
ليه سالتك وانت ليه بتسالني
الاهلي هايفضل يكسب الزمالك وكلنا عارفين بس ايه اخرتها يعني
ضم ايدك وافتحها واعمل حصان اعمل بلوظه فالخيال المنبعث من جوه بطن الذير
مش عاوزك تقولي اي حاجه وموت في صمت ماانا ياما سكت على حجات كتير ومكنش لازم اسكت عليها بس سكت ايه يعني كفرت كده لا ماكفرتش بس استغبيت
البيت مش بيت ياخونا والجهل مش عاوز يرحل اي كلام في الهبل علشان يبقي اسمي بتكلم
طظ فيا وفيك وفيكي او طظ فينا كلنا انا اسف او مش اسف اللي ضحك مش اسف عليه واللي زعل طظ فيه ههههههههههههههههههههههههههههههههههههه

ابحث عن نفسي بنفسي . ارسطو

مش عارف ايه اللي بيحصل ده.. زي ماتكون في حاله من الصمت المميت اللي بتصيب الشعب المصري الايام دي .
منها ان اكبر نسبه من الشباب اللي هما عماد الوطن او بشكل اكتر تقليديه .الوج المنتظر للتجديد . مغيبيني وماعندهم اي فكره عن اي حاجه
انا عاوز اقول اني مش شايف حاجه الايام دي بسبب الشبوره اللي حوليا من حيث القواضي السياسيه والاقتصاديه والدينيه وكمان بجانب كل ده ..الاعراف المحيطه بكل منطقه من مناطق الوطن ايه اللي حصل للوطن . ماذا حدث للوطن . مصر ليه مش وضحه انا لما روحت مظاهره بتاعت اسطول الحريه في رمسيس امام مسجد الفتح اتخضيت مالقتش حد ايوه ماكنش في حد .
الموضوع ده مرعب حبتين كان ارسطو قال حاجه قال : ابحث عن نفسي بنفسي .
دخلت دماغي اوي المقوله دي او الحكمه دي يمكن لاني كنت محتاج اسمعها بس هي كانت في وقتها اوي .
انا عاوز ناس كتير اوي تحاول تغير من نفسها وتدور على اهداف ويركزو اكتر الدنيا مش كلها مشاكل مع الاهل ومع حببتك او اصحابك الدنيا اكبر شويه حاول تكبر ديره الحياه علشان تشوف ابعاد اكتر للحياه وتغير رؤيه مواطن زي حلاتي عاوز يشوف الوطن مش ممل ومايكنش شبه حد يكون وطن مميز بلناس اللي فيه ... شكرا