اتفرج يا سلام

http://www.youtube.com/watch?feature=endscreen&NR=1&v=M3c7jdaCctE
اضغط علي اللينك للوصل لتفاصيل اكثر داخل الحدث
...................................................

تزداد الحاله سوء
انتظرت معاد وصول الروح بالسلامه الى صدري
ولكني ماكنتش مستعد كالعاده
انا ديما مش مستعد 
في حاله ثابته جوه قلبي وهي " عدم الاستعداد "
مع اني كنت فاكر عكس كده
انا مابقتش بحس الحجات زي زمان 
ولا بحس بونس وسط اصحابي 
ولا بعشق الشارع 
حاله ملل مسيطرة علي الاحداث 
كل الحجات ناقصها حاجه
كل الحجات ناقصها   "  انا  "
افتكرت دلوقتي  لما كنت صغير 
كنت بترمي في حضن امي ساعة ما تخرب الاحداث حوليا
كنت بزعل منها لما ماتفهمنيش 
انا مالحقتش اقولها كل حاجه للاسف 
وهي مالحقتش تعلمني ازي اداري الحزن 
انا مش مكسوف حالا لما اقول انا رجعت صغير تاني 
وبحسس بايدي علي الحجات لاني حاسس  اني اول مرة احسها
انهارده حاولت اغني ولكني ماعرفتش اغني 
ماعنديش حاجه اقولها اصلا وبيني وبينك
ماحبتش اعند  
سبت الجيتار علي السرير 
انهارده اتحديت نفسي جدا 
قرارت ماقبلش حد واقفل موبيلي بس الخطه فشلت 
فتحت الموبيل 
حاسس اني مش سليم 
اللعنه علي كل المسميات 
اللعنه علي النوت الاخيرة في موسقي الحياة
اللعنه علي جدران الروح
اللعنه علي اللحظات الممله 
اللعنه علي الكدابين 
اللعنه على اصحاب المصالح
اللعنه على اللي بيتفرجو عليا وبيحاولو يستمتعو بيا وانا فالحاله دي
اللعنه علي كل واحد بيحاول يذيد الضغط عليا باي شكل وباي اسلوب حتي لو مش عارف
...........................................................