انهارده قرارت اني اتمشى شويه الصبح وروحت شربت كبايه " القهوة الزياده "
سمعت الناس في القهوة بتتكلم عن الثورة
كل الناس فجاة اتكلمت مع بعض
وحصلت مشادات بين مؤيدين الخروفين ( شفيق .. ومرسي )
دوشه بشكل مجنون
لدرجه اني كنت هاسب الدين ليهم
وفجاة روحت قايل في حل !!
كلو ركزمعايه جدا
روحت قولت نعمل ثورة تاني
فيهم اللي قال البلد هاتقف وفيهم اللي قال مافيش ثورة هاتحصل تاني
وفيهم اللي كان بيتكلم بتهكم علي الثوار
انا ساعتها حسيت اني مش لازم افضل هنا
انا ماعنديش طاقه للكلام حاسبت ومشيت
روحت اشتريت سجاير وفضلت اغني :
" انا دوبت وجزمتي نعلها داب
من كتر التدوير علي الاحباب
ياسلملم لو اعتر في حبيب
دانا ارقص من كتر الاعجاب "
[ صلاح جاهينٍٍ ]
..............................................
ليست هناك تعليقات:
إرسال تعليق