شوية حكي

بعد  نص ساعه كامله من الغسيل اقدر اقول اني بكره فكرة ان اللبس يتوسخ
وهو ليه يتوسخ اصلا .
ماتقوليش ان الكون وسخ 
لانك جزء كبير منه يا بندق " ماحدش عارف بندق ده بيمثلي ايه " :D
ولكن بعد ما شربت كبايت الشاي ام سكر زياده 
والتحدث مع كائن بيعرف يحضني من بعد
اقدر اقول ان انهارده يوم جميله 
طبعا انا مانسيتش الهسس اللي حصلي من الغسيل ولا الشقلبه اللي لبستها في الحمام 
اه صح انا اتشقلبت بشكل سريالي منبثق من عدم الثبات ونسيان قوة الصابون
" الغريب اني ضحكت عليا "
..........................................
انا بسمع  " قارئة الفنجان " بعد ما سمعت اغنيه " هو صحيح الهواء غلاب "
اكتشفت ان ام كلثوم مغنيه واضحه اوي وبتخار تفاصيل في الحب غريبه اوي وعميقه اوي 
وفكرة القصه في الاغنيه دي عظيمه 
انا بنصح ب سماع الاغنيه دي .
...........................................
هاجرب حاجه جديده عليا حالا 
وهي اني اقول اللي هايجي  علي دماغي 
من غير تركيز في الحكي :
جيتار 
الصوت
فيروز
خلود
الشمس
السيجارة الاخيرة 
انا مش هاسافر 
احمد دياب 
حسين درويش وحشني 
حسام غالب مجنون بس مزيكاتي 
الولاعه
نفسي شادي ومروة يتجوزو " هايكون يوم عظيم "
ميدو كائن جميل 
كريم وسامح وحشوني 
كباية شاي تاني 
......................................
اللي حصل من شويه الخريطه لهذة الجمجمه 
انا بحب جدا الوقت ده في الكوخ بحس اني رايق جدا وحابب نفسي 
شكرا لكي ايتها الساحرة " جدتي "
وحشتني جدتي اوي  
بالصدفه اكتشف صورة ليها عندي 
مليانه طيبه وطيابه