وتستمر الحاله في التدهور
دلوقتي حالا المرواحه بتاعتي " سعاد " وقفت عن العمل
اريد ان اقطف تلك الزهرة المنبعثه من داخلي
لاني لا احب لونها الفوضوي
لقد حاولت مرارا تجنب الجزء المشع في داخلي
ولكني لم اتسطع .
.........................
بحاول جدا الايام دي اخرج برة الحاله المضطربه
بس هي مش حابه تسبني
خايف جدا الايام دي الحاله دي تسيطر عليا
بعد ما اكتشفت انها عند ناس تاني حوليا من اصحابي
انا مليت حكي فيها
ومليت اقرب الناس ليا
مش عارف ليه حصل ده
بس حصل
بقيت محتاج خصوصيه مبالغ فيها
بنسحب من وسط اصحابي " بهدوء شديد الانفعال "
مشوش
غضبان
مش راضي عن حاجه
والاغرب بقى اني بحاول اساعد غيري .. وكنت فاكر ان ده بيعالج المشكله
وطلع العكس جدا انا محتاج اللي يعالجني
محتاج جدا ارجع طفل مابيشغلهوش غير ترتيب لعبة ال " بازل "
............................
انا بقول لنفسي انها قرارت ماتشتغلش عندي لاني انا شخصيا مش شغال
" الرؤيه دي بسبب الحاله الغبيه جدا المسيطرة عليا حالا "
يااااااااااااااااا سعاد .. يااااااااااااااا سعاد
سعاد مش هاترد يا شيكو سعاد " مروحه " مابتتكلمش
ومعندهاش لغه حوار ومستحيل هاتتكلم معاك يا ايها الكائن
.........................
وقف وسط الاوضه ادور حولين نفسي بشكل دائري
دوخت
كملت دوران علي نفس المحور الدائري الممتد بامتداد عمري
وبعدين وقعت
........................
انا مش هالعب معاكو
ليست هناك تعليقات:
إرسال تعليق