الحق في فاااااااااااااار .!!
ايوه انا اكتشفت فار فالكوخ عايش معايه :) شيئ هايل جدا ان حياتي فيها فار
الموضوع ده مش مضحك اوي قد ما هو غريب يعني ايه في فار عايش معايه هنا فالكوخ
ويعني ايه كل لما يجري اضحك جدا ...
فتاحت باب الاساله وشوفت اللي مابتشافش اكتشفت ان الفار ده سايبلي رساله في مخي من قبل كده
ممكن يكون وشوشني بليل وانا نايم ..
نص الرساله بيقول كده :
سعات بياخدني الحنين للسحاب
اخرج من الخبايه للغوايه
والخلاف المستعار ما انا فار
كل المواعيد مستعجله
وانا السريع ماتلحقنيش
ماتفهمنيش
اجري وتجري ويايه العيون
خايفين متشمتين فيا
ويقولو فار وانا العاشق لملكوت الاله
ماتفتكرش اني ضعيف انا بس باتغرب سعات فيا
مع اني فار بعرف اشوفك مضحك حزين
انت الدليل على وجودي
فوسط زحمه الاساله مابتسالنيش مابتفهمنيش
تشوفني تضحك تخوفني وت خاف مني
اه ياه مجنون فيك الحجات اللي لازم تكون فيا
وتتريق عليا
وتقول فاااااااااااار
.......................................
اه بصراحه انا بقول عليه فااااار لان انا العمر اللي عشته ده لقيت الناس بتقول عليه
الحق في فار هناااا
وانا قرارت اني اسيبه يعيش اصلي عجبني كلامه ليا
ليست هناك تعليقات:
إرسال تعليق