توب المشاعر

في مره كده قولت اخرج من توب المشاعر اللي اتعرفت عليها من خلال ناس مش ناس
حسيت بان الشمس زي الرجل بتاع الفول اللي واقف علي الناصيه بتاعت الشارع بتاعي

وحسيت ان القمر هو اضواء الاصفر الممل اللي في الكوخ (شقتي يعني) وكمان عرفت شيئ مهم جدا ان صوت الناس ده صوت اروحهم اللي زهقت من كتر الضغوت والكوسه انا مش بحب الكوسه بس بحب المكرونه ... ماكنتش خايف خالص لما قالتلي انها بتحبني لاني عرفت ان الحب هو الشيئ والحيد الباقي للبشر واخر حاجه ممكن تتلوث هو شيئ صافي زي المياه المعدنيه مش النيل طبعا .. الغريب في كل ده اني كل يوم بستني شيئ وديما بيحصل شيئ وكل شويه حاجه جديده تحصل مع ان لو حد سالني انت ايه اخبارك هاقولو انت عبيط اقول انا كويس او مش كويس ازي ودي حاجه مؤقته يعني اسيب في عقل شكل ليا وانا كل شويه بتغير . . بس بصراحه بقول اني كويس... خلينا في اللي كنا بنقوله اسموعو المجنون ابن المفنيخ اللي هو انا طلعت انا من توبي الي بيشبه البحر بيشيل كتير وممكن تغرق جواه حجات كتير سعات بحس ان في جوايه مدينه كلها اسامي واشكال وكل شكل جوه دماغي ليه معني او احساس معين ممكن مايكونش يشبه صاحبه هو ممكن يكون انسان قبح جدا وغبي بس ليه جوه دماغي شكل تاني ومش بفهم ليه كده بس حلو ده
اتاخرت جدا انا دلوقتي ولازم اروح اقابل السندباد البحري اصلو قالي اني هسافر معاه بكرا وهنروح جزيره القرود الملعونه سلام بقي دلوقتي علشان الحق احضر الحجات بتعتي