" اذا قيل لي انك سوف تموت هنا في المساء فماذا ستفعل في الوقت "
( محمود درويش )
..............................................
التدوينه تم الكتابه فيها الساعه 4:30 صباحا
انتهيت من الكتابه عندما انتهيت .
...............................................
مش هاتخض
مش هاجري
انا شوفت الموت كتيررر
بالخرطوش وبالشبشب وبالكلمات
انا مت زمان ولسه بموت
انا روحي بتلعب جوة اطار الموت
والعالم واقف يتفرج انسان بيموت
ايه يعني
ايه يعني الموت
خليك مؤمن بوجود الريح
واسرح يابو روح هاتروح
الصوت مش خارج من السموات
الصوت خارج من قلبي
يسرقني الهاجس مع صوت العود
واعود تاني لنفس المكان
انا مش بتخض
انا مش هاجري
انا مش ندامان
وظهري مش محني
ولسه بحاول اعرف باقي كام
ولسه مصاحب
النهار
والليل
والملل
ولسه بحبها ومابحبهاش
ولسه بغني
ولسه بموت
ولسه بموت
ولسه هاموت
sheko
.............................................
( بعد ما خرجت الساعه 4 الفجر للشارع )
كنت بحاول اهرب من الكبوس المزعج
نفس الرؤيه المجنون بجري بسرعه للشارع ومالقيش حد
الكل نياااااااااااااااااام " الناس نامت "
ارجع تاني لمكاني ولموتي المباح
الف سيجارة حشيش في صمت
واستمتع الى الثلاثي جبران موسيقي تناسيم
اشرب اول انفاس السيجارة " المحرمة "
واكتب في اول سطر في ورقه بيضاء
" ورقه "
وسعتها اكتشفت اني ببداء اكتشف من جديد
ليست هناك تعليقات:
إرسال تعليق