عندما يأتي الطوفان

الاعتراف ب سقوط النظام شيئ اكيد
بس النظام الانساني هو اللي سقط 
يعني اتحولت اللعبه لـــ  صراع بين قبائل من الجاموس الوحشي 
بتحاول لم اكبر نسبه من البرسيم والنباتات ذات الطابع الاخضر
ولان الوطن مش قاعدة ثابته 
الكل مهزوز 
الكل بيحاول يعدي المشكله " بــ المقلسه " وادعاء خفت الدم واظهار الجانب الساذج
في الشخصيه 
اما انا .. شوفت العجب وبقيت شاعر مغني وحبيب 
ويامه يامه جدا فضلت اشرب لحد ما اغيب 
وفي الاخر وفي الاول 
كان الناتج بيوصل نص 
نص وطن 
نص حب 
نص فكرة
نص احتمال
نص اله
.................................................
الوزن ذايد ياعباد الله
والروح بتتشكل كما الصلصال 
واللي ضربني بالرصاص لسه حي
والملل والامل علي نفس الوزن والتفعيله 
اما الاكيد
فا هو النشاذ ذاته
ماحبتش اني ابطل حكي عن وطني في عز الجهل والعتمه
مصر بتقول في ودني انت فين 
......................................................
ابتديت استمتع بالصمت 
بس طبعا سعات بيتفهم انه انزعاج 
طبعا فكرة التركيز  مايه في الفترة دي 
نوع من انواع المرض الغير مبرر
انا ابتديت استمتع بالوحده
لانها الايام دي اظهرت نجاح في تلقي الصدمات المتكرره

......................................................