هبداء كلامي بالسلام علي اهل السلام الطيبين المخلصين للفكره الطهره
حظي حلو جدا اني الاقي الناس الجميله في حياتي
والاجمل اني اتعلمت شويه حجات " منها اني مش بعرف احكي عنها "
هي بتحصل
...................................
مساحه الكوخ ابتدت تذيد بعد كنس الشر من ارض المكان
والحطان كمان ابتدت تلمع اوي بعد ما علقت صورت " السيده فيروز " او الماما
بعد وقت طول جدا نفزت الفكره المستخبيه جوايه وهي :
"اعاده اكتشاف تفاصيل الاصدقاء "
واكتشفت فعلا
1- فيهم نور غريب اقوى من التفسير " يعني ماينفعش اقولك الاحمر ليه اسمو احمر سؤال ساذج فشخ بس هو لما بيكون مع لون مناسب ليه بيكون رائع شبه اغنيه
(في شيئ عم بيصير)
2- بيستحملو حزني من الناس دي " كريم " بالاخص .. يمكن ظروف الناس التانيه مش بتسمح .. وانا كمان مش بحكي باخد فتره علشان اقول
3- لما بنسكر بنكون واحد " فجاه الكل بيسيب روحه تدوب فالكلام .. احنا مابنخطرش كلام هو الكلام اللي بيخرج لوحده "
4- ده عني من كتر كتابت الشعر بقيت بحس اوي اوي اوي بالتفاصيل .
...............................
بمناسبه الاحداث اللي حاصله
انا من الناس اللي موافقه علي الاضراب بس يمكن بختلف معاهم في حاجه
حاجه واحده بس " ان لو حد سالني ممكن اطلع دين اهله "
اللي مابيشوفش من الغربال يبقي اعمي
اما عن احتمالات فشل الاضراب " اقدر اقول كل الممكنات ممكنه "
...............................
بقيت بكلم نفسي زي " شادي بالظبط
بس بصراحه الحكايه بتجيب معايه ضحك ... يا اخي الضحك مفيد
...............................
ده وقت مفجاه " انا سعات بحس ان في ناس بتحب تقراء ليا "
وعلشان كده هاقول الجاي
اللي بيعجبك فيا هو الجزء اللي شبهك
وكمان فكره التفاصيل اللي مافيهاش لوع
وفي احتمال كبيررررررر اوي اني اكون بتكلم بنفس طريقتك
او باسلوب واضح بيظهر المكنون ويفضح الخوف
بس " ده نوع من الكشف والتعريه " :)
............................
كنت كتابت قصيده وماحدش علق عليها
هاحطها تاني هنا
اه يا تعيس ياحلم الوطن
كل البيوت بتقفل الشبابيك في وشك
وانت اللي ضامم كما الام الحنون
الفرح مسجون بيتحاكم عشان مايبانش
والحزن متساب كما الكلب الشجاع
بينبح في وشي كل ماجي اقول
ولما اسكت .. واشغل راديو افكاري
بيتشنج
الفرح بين والحزن بين
وعنيا واسعه اوي وبشوف وبتعلم
وبتالم وبرجع تاني لنفس اليوم
بنفس الوش
وغش ف غش واي كلام
مابقتش بعرف الرخيص من الغالي
والكيس اللي عبيته اماني
اتخرم طرتش عليا معجزات
الفرح بيقتله السكات
والحزن بيمسحه الطريق
وانا مش هاسافر ولا هابيع الفكره
خدني سلف وحطني جوه جيبك
خدني عشان ماتقتلنيش القصيده
SHEKO
.......................
توضيح :
( بيهمني اوي الاهتمام بالي بقوله .. مع انه ممكن يكون داخل فيه شيئ من الهسس ز. ولكنه بيشرحني )
ليست هناك تعليقات:
إرسال تعليق