عودة

بقالي فنرة محترمة مش بكتب تدوينات 
مش عارف ليه بالظبط 
وكنت بسال نفسي هو انا مش لاقي كلام ولا ايه .. وايه اصلا معني التدوينة غير اني اكتب وبس 

.........................................
 دلوقتي هابداء اشرب جوينت حشيش كا نوع من الاستعباط او الاعتناء بالخيال 
مع كامل اعتراضي على اعتراضك على الفعل 
الساعه دلوقتي 7:22 ص
.........................................
ارهاصات قبل النوم :
دلوقتي هانقول " لا " على الدستور .. وبعدين نلبس الاعلان الدستوري بتاع مرسي
ولو قولنا " نعم " هانلبس الدستور المغفل .
وطبعا احنا هانخش كده كده في دوامة جديدة اسمها " المطالب ( المشروعة ) "
عيش حرية عداله اجتماعية
والكلام ده بالنسبة لحكومة شبة بشرية عبث
في كام نقطة مهمة جدا
* خطبات الرئيس تتسبب في ارتفاع نسبة السكر في الدم واحباط عام
* نبض الشارع بيتأثر بالطقس الشتوي
*

اصحابي جالهم احباط وانا كمان
* النخبة بتقول نقاطع الاستفتاء .. يعني نلبس بشكل محترم .. البرادعي مش هايقول نلبس طبعا بس ممكن حمدين يقولها واحد مننا وكده
في جانب ايجابي واحد بس في الوطن .. وهو اننا ابتدينا " نشوف " السراب والواقع معا
 ..............................

مقتطفات سريعة : 

* كنت تعبان من كام يوم وقررت اروح المستشفي علشان اعرف انا فيا ايه 

والدكتور طلب مني تحليل للدم وسعتها اكتشف ان نسبة السكر عندي 225 

وده يعني السكر  عالي 

وطبعا انا خدت بالي جدا ان كل ده حصلي بعد نزولي الاتحادية وبعد سماع الاخبار المعرصة وخطبات مرسي اللي مليانة عبث كوني ضار 

كده انا تحت تاثير الاحتمالات هل ده مرض السكر المزمن ولا حاله وهاتروح 

وفي الاخر قررت اني ماهتمش 

وعملت تحليل وصايم وفاطر و وطلعت النتيجة كويسة جدا  

بس لسه اعراض الاصابة مستمرة بقوة الاحباط ذاتة 

ومن اثار الاعياء " حتة كده بالغة العربية المعرصة " 

1 نشفان الريق

2 تبول في المطلق

3 تهنيج تهنيج تهنيج

* علاقاتي باصحابي فيها خلل مش عارف ده مني ولا منهم بس انا لما جيت اتكلم عنهم قولت اصحابي اذا اصحابي وهاستنى وهاحاول وبحبهم 

* انا اوسع  من معطيات المكان # الجملة دي الخلاص ليا اخترعتها وحاسس انها الوسيله الوحيدة لاكمال الفترة الزمنية المخبوله " حياتي " 

* حبيت خلود اكتر واكتر لما لاقتها بتتكلم حسيت انها قد ايه بسيطة وفيها السحر المطلوب لاغوائي .. بتعرف تشوف بعمق مناسب المعني الحسي من كلامي 

* بفتخر بصديقي عمرو شاهين لانه مجنون وشبهي ابن الافاعي وانا وهو  كنا بناكل غزل البنات واحنا في التحرير وسط الغاز والخرطوش وكنا بنغني اغنيه للضفادع :D

      

* من عجائب ال لا شيى انك تحلم احلام مزعجة وتصحي الصبح تحللها وتبتسم 

................................................

1- كويس كده ؟

2- كويس كده .

الساعة 8:15