امبارج اكتشف ان العصافير مش زي ماكنت بشوفها كائن مزعج وبيصوصو على الفاضي والمليان طبعا ازي عرفت كده اعرفكو السر فين السر هو انهم بيحبو بعض اوي ومابيصدقو النهار يطلع علشان يكلمو بعض مافيش بنهم اي مشاكل وطبعا مافيش نقط سوده جوها
حلوه العصافير ..... ومش مزعجه
بس مش لازم نحبسها في قفص اكيد هي بتحب الحريه وكمان عرفت انها مش بتحب الناس بس الناس بيحبوها .. مش كل الناس
خلاص كده انا قولت اللي عندي لالالالا لسه في تاني ..!
لما طلعت في ازاعه الشباب والرياضه قالتلي المخرجه انت فين السي دي بتاعك قولتلها انا مش معايه سي دي انا معايه جيتاري قالتلي يعني هاتغني علي الهواء قولتلها اه مافيش مشاكل ممكن اغني قالتلي ازي قولتها هامسك الميك واغني وهايطلع صوت قالتلي طيب ممكن ماتغنيش عن البلد او الدين
قولتلها ممكن مافيش مشاكل المهم اول ما طلعت المذيعه قالتلي انت بقي بتغني من امتي واتعلمت مزيكا فين وهكذا.... وبعدين قولتلها انا بنزل الشارع اشوف ناس ارجع البيت اعمل مزيكا قالتلي طيب سمعني حاجه غنتلها : مشوار طويل واخترت امشي لبلاد بعيد ف بلادي مانسي انا مين وفين ليه ضهري محني . و غنيت اغاني تاني غيرها بس المهم اني لما خلصت المخرجه قالتلي الاغنيه دي حلوه اوي وبتتكلم عني ضحكت وسبتها ورحت لاصحابي .... كان مشهد مش منطقي خالص عااااااااااادي مش شيئ عبقري ان ده مايحصلش..
...................................................................................................
معاد الحدوته انا ممكن احكي حدوته بس مش لطفل انا هاحكي حدوته علشان انام ما انا عايش لوحدي
كان يامكان ولا فاكس انا هادخل في الموضوع على طول
كان في واحد بيحب يسمع فيروز وكانت فيروز مش عارفه انه بيحبها اوي كده وماكنش في حاجه ممكن تعرفها انه بيحبها غير انه يحلم انه هايحضر حفله ليها وتوته توته ومعرفش ينام واكتش ان دي مش حدوته الحدوته لازم تنتهي نهايه سعيده علشان ترسم بسمه على الوش اه صحيح بمنسبه البسمه انا شوفت اجمل بسمه في الكون ( ريهام ) عندها بسمه صافيه جدا احم احم هاكمل الحدوته اقول ايه اقول ايه اقول ايه اقول كان في شقه فيها سرير ودولاب وحطان وسقف و حمام ومطبخ مش مطبخ اوي وكمبيوتر وتلت جيتار وكلهم مدهونين بالزكريات كان الولد اللي سكان في الشقه دي عايش لوحده وكان لما يخرج علشان يروح في اي مكان كان بيتخيل انهم بيكلمو بعض قعد فتره كبيره اوي يتخيل كده لحد ما صدق وقرر انه يعمل نفسه خارج ويققل الباب ويقف يسمع من وره الباب هما بيقولو ايه لبعض وسعتها سمع صوت من جواه بيقوله انت اتجننت ادخل بسرعه يا غبي انت بتعمل ايه بسرعه جدا دخل تاني الشقه وقعد يتكلم مع الجيتار بتاعه ويقوله انت بتقعد كتير في حضني انا ديما بحس بالرنين بتاعك انت بتحس بقلبي ولمستي ليك طيب تعرف اني بحبك مش عيب حد يحب جيتار مانت مابتعمليش اي ماشاكل وديم بتساعدني على التعايش رد الجيتار وقاله انا ماكنتش بتكلم معاك علشان خايف ماتكنش هاتسمعني وهاتقاطعني او هاتقول لحد علي اني بتكلم معاك ..... نام
ليست هناك تعليقات:
إرسال تعليق