المعجزه انك تلاقي في وسط كل الناس
مرايه تعكس وجودك بالطريقه اللي انت شايف نفسك بيها
المعجزه انك تلاقي في ناس بتعرف تفهم
قد ايه انت انت و مش شبح
المعجزه انك لما تكون مفلس ومعاكش حق السجاير
تفتكر حاجه تنسيك احتياجك للنيكوتين
المعجزه انك تضحك من جوه قلبك
في عز المرار
ومن المعجزات بردو ..انك لما تمشي في الشارع
تلاقي حد بيبتسم في وشك ويقولك عامل ايه
المعجزه انك تساعد حد غيرك في قرار ليه
مع ان الناس بتعرضه
المعجزه انك تتكلم في الوقت والمناسب
وتسمع لغيرك فالوقت المناسب
ومن كتر المعجزات اللي انا بستناها
اتمليت هواء
وعرفت حاجه مهمه اوي
كل الحجات المفروضه مش شبهي وكل الاحتمالات انا
.........................
ليست هناك تعليقات:
إرسال تعليق