حاله بتجبرني على السكون ..
مافيش حاجه بترضيني دلوقتي غير( فيروز) وهي بتغني اي اغنيه حتي لو كانت بتتكلم عن حاجه انا مش جواها
صوتها بس بيدفيني وبيكون هادي زي حالتي دلوقتي
في شويه حجات كده بتقرر تظهر في دماغي على غفله
الساعه دلوقتي 9:51 مساء
بيخطرلي اخد حبه لبقدر انام .. فيروز اغنيه شو بخاف
ترتيب الاحداث اليوم : الساعه 11 صباحا انا صحيت من النوم
وفتحت عيني وشفت الجيتار اللي ديما بياكدلي وجودي في الحياه
بعد ما اخدت وقتي في تركيب شويه كوردات ( نغمات متالفه )
وشربت كباتشينو وقفت باستعجاب في وش المرايه اشوف لنفسي
علشان اعرف انا فرحان انهارده ولا زعلان
الحكايه دي مش بتحصل كتير
هي ليها وقتها .. لما بتجيلي نوبه الملل المزعجه بعملها
هي بتعرفني انا حاببني النهارده ولا كارهني
اكتشفت اني ببص على حاجه فيا ومش فيا
الحكايه مش فزوره الموضوع كله اني ماحستش بحاجه
ماعرفتش اوصل للمكنون
......................................................................................
شاهد انا ع الشرخ المعلون
ومين انا علشان اقول هنا المضمون
كل البشر حكايات بتنشرها الصحف
مواويل اغاني متعاده بس النص مش متعاد
بشهد انا عليا السعادي
اني منيش مسؤل ولا باين ولا مجهول
ولا محتاج كمان اعزار مافيش اعزار
فتره سماح يا انا
افرااااااااااااج
....................................................................
الساعه دلوقتي 10:23
ولسه بسمع فيروز بس بسمع سلملي عليه
الساعه 10:33
على الفيس بوك هواري بيكلمني وريهام وميدو واسامه الديب
نص من كلام ريهام :
الملل و الخنقة بيعملو كدة
متتخضش من احساسك بلحاجات .. كل دة شوية هدوء ممكن يعالجه
نص من كلام هواري :
نص من كلام هواري :
مهو هوا دا اللي بكلمك فية....فاكر ياض زمان اول ما ابتدينا خالص كنا لسة منضجناش كفاية ومكناش بنقلق وكنا بنتعسف عشان نلعب مزيكا وعمتك تكنس عليا البيت واشرب عصير اخضر فسفوري واقولك اية دا تقولي اشرب وخلاص
ليست هناك تعليقات:
إرسال تعليق