اتجاه واحد وتوصل للمافيش
انك تعيش علشان تموت
او انك تموت علشان تعيش
وتقولي معاك اقولك مافيش
غمي العيون خبي الوشوش خبي البيوت
تتشبك كل الناس في بعض
تتغير الالوان وتبقي بحور
....................................
سامعك ومش سامع كل الورق والامنيات والشمعات والكوبيات والشاشه البايظه
واغنيه امبارح اللي كانت برده مادفتنيش ماخلتنيش اقول حاجه
حتي السجاره ودي اخر سيجاره
حتي الحشيش والدوخه ॥ وفكرت هروبي جوه مني
والناس الكتير والدوشه والكلام الممل
زحمه الافكار وقله الحيله
حتي انا التاني مابقاش بيسمعني مابيستحملنيش
كل الكلام الجميل اللي زغزغ دماغي صبح بايش
شمس مش ملياني نور هي حر وانا مش محتاج للدفاء
زهقان انا كل الخطوت طلعت بتشاور هناك
وانا اللي فاكر انها كلمه جوه القصيده طلعت حقيقه
مرغم عليك يا صبح مغصوب ياليل
طيب يا عم صلاح قولتلي المشكله بكل وضوح
وانا فرحان بكون مدبوح ماتعرفليش حاله
بيقولو عليا حكايات بسمعها وياهم
وكاني مش موجود بجري لجوايه علشان افهم معاني ديقه
المشكله كلها اني سعات بحس الناس ابيض واسود وبكون ساعتها انا الشخبطه
اتجاه واحد لكل الكلام كل الحواديت منفده على بعض
انا مليت وفي ناس كتير ملت هي المشكله في كلمه الملل نفسها ولا الشبكه اللي ربطانه
ببعض حال هاشيل ايدي علشان ادوس نشر الرساله ومش هابص على الكلام
ليست هناك تعليقات:
إرسال تعليق