انا بس مخنوق حبه كده ومش عاوذ حاجه مش عارف ليه اللي بيحصل ده بالظبط
وايه السبب هو اه في اسباب بس مش وضحه مش مهم ده دلوقتي المهم ....
هو ايه المهم مـــــــــش عارف كل الحجات دخلت جوه بعض
تعرفو ايه هي المشكله انك لما تتيجي تحكي لحد عن حاجه بتوجعك وتلاقي في موضيع بتتفتح تاني لوحدها وانت اتحولت من واحد بيحكي لواحد بيسمع
ولا لما تقول لحد انك متدايق وتحس انه بيقولك كلام وكائنه مستغرب اوي
او حتي انك تزهق من الحظات البسيطه المفرحه
ديما الايام دي جوايه جمله واحد بتقولي اني مسحول في الهبل
وعصبي اوي بس الحقيقي اني مش مبسوط وبس
الايام دي انا بشوف حلمي في المزيكا هايتحقك بس الشكله
في باقي الناس اللي مش مصدق
في شويه كدب علي شويه منافسه غير شريفه
وافكار كتير بتتنقل غلط في وقت غلط علشان تكون شكل
انا دلوقتي بقي جوه دماغي اشكال للناس
اتعلمت حاجه هايله اوي الايام دي اني اسكت
ميشوووو انا دلوقتي فهمتك بس متاخر شويه
اصلي يا صديقي بحاول
انا عاوذ اعترف باعتراف رهيب انا بكره الوحده
وسعات كده مابعرفش انام
لا مش سعات ده بقي كتير
وحاسس ان في حد في حياتي تاني غيري
بيقولي ابعد عن الناس وخليك في حالك
انا بقول كل ده ليه دلوقتي هو اصلا ملهوش لازمه
ولا انت رائيك ايه
انا عاوذ اقول حاجه تاني اني قرارت اكتب انهارده علشان
مش عاوذ حد يقاطعني وانا بتكلم عاوذ اتكلم كتير وبس
هي فعلا الحياه معقده كده زي ما انا شيفها
تعرفو يوم 25 عمل فيا حاجه غريبه اوي
الناس اللي كانت بتتكلم في نفس الوقت
والقوه الغريبه اللي علمتني اصمم وماخفش
بتقل وبتتحول من غضب لضحك
انا بضحك دلوقتي اصلا شكلي كان مسخره ماسك
منديل فوق دماغي ووشي كله دم
بس سيبك انت
الناس بتسمع بعض علشان تتونس
بس لو رحت لحد عاوذ ينام مش هايسمعك
او لو حد جالو تليفون مثلا هايسيبك وهايتكلم فالتليفون
اوعي تفتكر اني مش بعمل كده انا كمان معاهم
بس سعات كده بتكون بتتكلم من جوه جوه جواك
ومش محتاج مقطعه حتي لو من الصدفه نفسها
وانا بقي بكره الوحده وبحبها لما بتشلني زي الطفل الصغير وترميني هناك
عن امنا الغوله والحجات اللي بتخوف
انا بخاف للاسف او مش للاسف
طظ يعني
انا حاسس اني خدت وقت كبير انا هانسحب دلوقتي .
أنا برضه متضايق
ردحذفمش عايز أتعامل مع أى حد
مشغل 24 ساعة أغنية عمرى ما كنت هشغلها أبدأً
اسماعيل البلبيسى - الغربة
حاسس بالكلام
متضايق
حاسس بالخيانة
كل من هومصرى أشترك فى خيانتى
مشاكل مشاكل
ويبقى الحل أنى أنسحب فى هدوء للكهف بتاعى
مع حيطانى وشياطينى قعد أعزب فى اللى باقى من خلايا مخى
واللى متبقى من أعصاب
أقتل نفسى أحسن ما يقتلونى
وفى النهاية لا إنسان يهتم بأخيه كما تقول الأديان
الأديان أفيون
الأفيون إدمان وليس مصدر حياة
مش هقولك يا شيكو أنا فاهمك
عشان أنا مش فاهمك ... لكن أتأكد أنى حاسس بيك عشان أنا حاسس بده
الصمت أصبحت لغتى فى زمن لا يفعل أى شخص شيئاً سوى الحديث
أهلاً بك فى نادى الصامتين
ناديت
ردحذففى البعد ضاع صوتى وصداه
ردى على قلبي
انا اسفه يا شيكو لاني كنت جزء من اللي انت قلته:( انا اسفه بجد saso tarek
ردحذف