كنت بمشي في الشوارع بليل زي المجنون
وكأني بدور على حاجه
ايه هي .. مش عارف
بس كنت مستمر في المشي وبس
بسمع صوت الشارع المجنون
وبسمع صوت الصمت
كنت مستني شيى وتقريبا كان الشيى ده " اغنيه "
هاتلاقي اللينك تحت
الموضوع بسيط جدا ابسط من ايقاع الشارع الساكت
..................................
بفتقد سعات وشوش اصحابي
بفتقد حضنك انتي
وصوت امي وهي بتدعي ليا مع اني مش مؤمن ان في شيى هايحصل
بستمر رغم احساسي بالاحباط
برغم احساسي بالملل
...............................
حسيت بالدفاء وحسيت قد ايه هي كانت محتاجة تتحضن
..............................
ببعد بشكل ملحوظ عن الواقع وده بيخليني عاوز اغني
الغريب في الامر اني باشوفني من خارج الجسد ده
بظن ان الوقت بيحكم على الاحداث بالملل " الاحداث بالمعني الواسع "
اتوجعت حبة حلوين الايام اللي فاتت وشوفت شوية تفاصيل
بتثبت ان في اشباح بجد مستخبية في اجساد حولينا
وانا بضحك .. بضحك جدا .. ولما احزن اغني
https://soundcloud.com/sheko-mind-format/ti6kbt1plm7q#play
الساعة : 4:6 ص
5\4\2013
ليست هناك تعليقات:
إرسال تعليق