حدث في هذا اليوم .. " اليوم "
شبه " عصير التفاح الساقع في يوم حر جدا "
من بعد احداث كتيررررررر جدا بحجم الفيل
ويسرقني الحديث بكلام ماهوش واضح
حبيت
غنيت
غضبت
فرحت
اتهزيت
وكنت ثابت كما الجبل العتيق
.......................................
مصطلحات :
دوشه
توتر
هم
غم
هواء
اشباح
اعضاء
تلكيك
تفكيك
تركيب
شفط
عدم اهتمام
اهتمام مبالغ فيه
...............................
هاشغل اغنيه " في شيئ عم بيصير "
دلوقتي فيروز صوتها خارج بوضوح من السماعه
شبه " عصير التفاح الساقع في يوم حر جدا "
..................................
بيع
....................................
الانتظار في الصفوف الاماميه لمشاهدة الاحداث
يجعل المشهد .. مشهد ناجح تماما
ولا يعلم المخرج مدى انبهار المشاهد بالاحداث الممله
ولكنه ينتظر دائما التصفيق بعد انهائه تصوير اخر اللقطات
والغريب في الامر ينجح المخرج وتفشل الحاله
يمكن علشان الاضائه
يمكن علشان المكان
يمكن زاويه التصوير
يمكن ... يمكن هي السبب اصلا
....................................
بحبها لانها شبهي في المعني والمضمون
بتفهمني بكل سهوله
سعات مش بصدق .. هي ازي حست بيا اوي كده
بحبها
عالجتني بنت الايه خطفت مني السؤال والحيره
انا مش بحضنها انا بجري عليها
هي الحل والحل هي
.....................................
من بعد احداث كتيررررررر جدا بحجم الفيل
قرارت اكتب ... باين جدا تاثير المافيش عليا
يكفيني احساسي اني مش عارف اعالج اصحابي من مشكلة " المفروض "
لاني جواها الايام دي
وجع بلون الامل والاحتمال
مافيش سكه
مزنوق يا حلم الصحاب
...................................
قفلت اغنيه في " شيئ عم بيصير "
وهاشغل موسيقي فيلم "الكيت كات "
هاحاول اكتب قصيدة كبيرررررررررررره اوي علي حجم الكلام
.....................................
مافيش مانع ولا داعي لاحزاني
انا مرايه وعكساني
انا مرايه معكساني
وشوف انت مصدق مين
تصدق .. كنت متصاحب مع الغنوه
وكان هو بيشرب مني دخان السجاير
وانا بغني وابص في عنها .. بعشقها
يدوب صوتي في احضنها فاتحضني
واغني واقول واغني واغني واقول
ويسرقني الحديث بكلام ماهوش واضح
"مافيش مانع اعيد النص من تاني"
اتجمعو المعازيم علي النكته اللي بتضحك
وانا مسافر في جوايه
ومش شايف خطوط والوش
وانا بقلع هدومي ويا يومي
وبشتري باخر مااملك سجاير
كنت بضحك
فتحت الباب بنفس الطريقه
دخلت جري علي نفسي
تصدق بايه
حضنتني جدا
حتي الهدوم تشهد عليا
والسرير والسجاير والزباله والحيطان
عارفني جدا هاترمي في حضن السرير
وانسى كل شيئ حصلان
الا هي ..
مش بحاول حتي انسها لثانيه
ومش هاحاول
هي حاله بتتولد سعات الحنين
" نقول تاني "
كل مره بمشي علي نفس الحروف
بس مش بعرف اغير
حتي لو جربت اغير
مش بقول
كل مره كنت ببعد عن خيالي
كنت برجع
واترمي فيا
كائني طير عميان وخايف من غراب مسعور
اكتشفت ان السماء سراديب
وان الوطن فيه ديب
بياكل الاحلام مع الايام وفالتفاصيل بيرميني
شعر ابويا ماكنش لسه ابيض من كام يوم
وان الحب هو الخلاص
وان كل الناس غلابه بيشحتو الفرحه
واني لسه بتشاكل مع الاحداث
" مافيش تاني "
.............................................................
ليست هناك تعليقات:
إرسال تعليق